Umbwilo 10:6 - Amazwi Yakwe Leza 2013

⁶ nu kucita mulapo mwi zina lyakwe Leza wino uwaya umumi pe na pe. Leza kwene wii uwaumvile iyulu na vyonsi vyayamo, insi na vyonsi vyayamo yemba na vyonsi vyayamo. Mungeli avwanga nu mulapo ati, “Kutalaya kulengezya nupya!

Umbwilo 10:6 ပူးပေါင်းရင်းမြစ်များ

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Kufuma 20:11

“Pano Nene, ne Yawe, naumvile insi, iyulu, na yemba, nga na vyonsi vyayamo mu manda mutanda. Lelo pa wanda uwalenga cinimbali, impuuza. Acino ne Yawe napaatwile nu kupolelela uwanda wi Sabata ukuya uwamuzilo.

Kufuma 6:8

Ndalenga kuti muye ku mpanga ino nalavile nu mulapo ukupeela kuli Abulaamu, kuli Isaki, na kuli Yakobo. Impanga ii, ilaya iyakwinu.’ ”

Ezekelo 20:5

Yanene vino namalanda. Lino nasolwile aina Izlaeli, nemo nalavile ana yakwe Yakobo, indundapo nu kulapa. Nupya mu Eguputo nemo naisokolwile kunoyali nu kuyanena ukuti nene indi Yawe Leza winu.’

Danieli 12:7

Umuntu wilya uwazwite insalu itelepelele, uwali lwa kupela ya luzi, atumpula amakasa yakwe mupela nga alaya nu mulapo umwi zina lyakwe Leza wa manda pe. Lyene nani inuvwa kuno akuti, “Cilaya umu kasita, mu tusita na citika wa kasita. Lino kuzunyiwa kwa antu yakwe Leza kulasila, ivintu vii vyonsi ale vyacitika mpiti.”

Mpendwa 14:30

Kusi nanti wenga alingila mu mpanga ino nalafile ukumupeela kuti mwaikalamo, suka sile Kalebu umwana wakwe umonsi Yefune nga na Yoswa umwana umonsi wakwe Nuni.

Umbwilo 1:18

Nene mumi! Nafwile, lelo ndakai indi nu umi manda pe. Nakwata mfungulo zya mfwa ni zya kuzimo.

Umbwilo 12:12

Acino zangini mwe mayulu na mwe muno mwikalamo! Lelo kalanda ku amu nsi na yemba! Pano Ciwa watasumbwa pa nsi kunomuli, nupya ali nu ukali cuze pano amanyile ukuti watasyala sile ni nsita inono.”

Umbwilo 16:17

Nupya mungeli uwalenga cinimbali apongolwela vyamu lweso lwakwe mu lwelele. Izwi likulu lifuma mu cilimba ca wene mu Ng'anda ikulu yakwe Leza liti, “Cati cicitwa!”

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 4:10

Lino vyacita vii, aikolo makumi yaili na yani nayo yafukamila wino atenzi pa cilimba ca wene, nu kupepa wino uwaya nu umi manda pe. Pa kucita vii yene iyasumba ingala zyao pansi inkolelo ya cilimba ca wene yati,

Umbwilo 4:11

“We Mwene Leza witu! Wemo wazipilwa kupelwa lulumbi, mucinzi na maka, pano wewe waumvile vintu vyonsi. Ku kulonda kwako walenzile vyonsi kuti viyeko, nupya wewe waviumvile.”

Umbwilo 4:9

Viumbwa vyaumi vini vyapelanga lulumbi, mucinzi nga nu kutaizya wino uwatenzi pa cilimba ca wene, wino uwaya nu umi manda pe.

Umbwilo 6:11

Alino cila wenga wapilwe mwingila utiswe, nupya yayanena kuti yapuze pa nsita inono nayuze, suka mpendwa ya aomvi na ina yao mu utailo ilingane, yao alakomwa wakwe aliyo.