Tito 3:9 - Amazwi Yakwe Leza 2013

⁹ Lelo funtuka ku vikanza vyakutumpa, nu ku utantiko wa mazina ya vikolwe, kulemanila, nga nu kuntuvwana pali vino Masunde yakwe Mose yakasambilizya.

Tito 3:9 ပူးပေါင်းရင်းမြစ်များ

Yobo 15:3

Uzye umuntu wa mano angavwanga amazwi yasilesile, nanti aye ni milandile itange imucitile akantu nanti kamwi?

1 Kolinto 13:2

Ningakwata uwila wa kusema, ningakwata kumanya konsi nga nu kumanyikisya nkama zyonsi. Ningakwata utailo ukulu ukalondekwa pakuti nsezye myamba. Lelo ndi ntakweti kutemwa, ale pasi vino indi.

1 Kolinto 8:1

Muli kalata wino mwandembile mwanguzizye pamulandu ni vyakulya vino vyapeelwa mpolelwa ku tuluwi. Cacumi, swensi kwene tumanyile pa cintu cii. Lelo kumanya kwene kuu, kukatulenga kuitutumula pamulandu witu sweisikulu, lino kutemwa kwene kukatulenga kwazwa yauze.

1 Timoti 4:7

Lelo utaluke ku vilai vya uwelewele wakwe vino yanakalale yakalaika. Uyelezye umi wakucindika Leza.

2 Timoti 2:14

Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

2 Timoti 2:16

Fumako kukulazyanya kukowele nupya ukwa uwelewele kuno kukafumya antu kuli Leza.

2 Timoti 2:23

Lelo wemo fumako ku vikanza vyauwelewele nupya vyaututu. Wamanya ukuti vikanza kwene vii vikaleta kulemanila.

Tito 1:14

Alino lyene yatalemelela ku kutaila tulai twa uwelewele utwa Ciyuda nga nu ku masunde ya antu. Masunde yaa yakapangwa na antu yano asyayela icumi.

Yakobo 4:1

Uzye pacani mukalwisyanya nu kupazyanya? Uzye asi pamulandu wakuti mukweti vilondwa vyakuitemwa vino vikalwisya kutungulula mili inu?