Tito 3:7 - Amazwi Yakwe Leza 2013

⁷ Leza wacisile cii pakuti mu cikuku cakwe amuno tungacitwa kuya aololoke pa manso yakwe na kuti tukwate umi wape uno tukapaalila.

Tito 3:7 ပူးပေါင်းရင်းမြစ်များ

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Mako 10:17

Lino Yesu watandika kupita, umuntu asimula kunoli, aya afukama amuuzya ati, “Kasambilizya musuma, uzye icani cino ndinzile kucita kuti mpokelele umi wape?”

Loma 11:6

Lelo wene wayasolwile pa kuya ni cikuku kunoyali asi pamulandu wa milimo yao ino yaomba. Pano ndi cili pa milimo, ale lyene cikuku cakwe cile cisi cikuku ca cumi.

Loma 3:24

Lelo pamulandu wa wila wa cikuku cakwe Leza, wene akayalenga kuya aololoke kupitila muli Klistu Yesu wino akayalenga kuya antungwa.

Loma 3:28

Pano twasininkizya ukuti Leza akacita umuntu kuya mololoke pa manso yakwe kupitila sile mu utailo, lelo asi pamulandu wa kuyela sile Masunde.

Loma 4:16

Acino ulayo wemelela pa kutaila Leza, pakuti Leza afikilizye ulayo pa kuya nu luse ku vizikulula vyakwe Abulaamu vyonsi. Asi sile kuli yao akuyela Masunde, lelo na kuli yao akataila ndi vino Abulaamu wataile. Pano Abulaamu ali cikolwe citu swensi,

Loma 4:4

Umuntu akaomba incito akalipilwa malipilo. Lelo malipilo yatangapendwa kuya uwila, pano yakapelwa pa mulimo uno waomba.

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

1 Kolinto 6:11

Yamwi munomuli mwali wakwe yaa. Lelo mwaswefiwa kufuma ku maifyo, nupya mwaipelesya kuli Leza mu, Mwene Yesu Klistu na Mupasi Wamuzilo, anga lyene mwaya aololoke pa manso yakwe Leza.

Galatiya 2:16

Lelo twamanya vino umuntu akacitwa kuya mololoke pa manso yakwe Leza pa utailo wakwe muli Yesu Klistu, lelo asi mu kuyela Masunde. Pano kusi umwi angacitwa kuya mololoke pa manso yakwe Leza mu kuyela Masunde.

Galatiya 3:29

Ndi mwemwe yakwe Klistu, lyene ale mwemwe vizikulula vyakwe Abulaamu nga mulapelwa vino Leza walaya.

Galatiya 4:7

Caleka, utacili muzya lelo wewe mwana. Nga ndi wewe mwana wakwe Leza, ale wene alakupeela vyonsi vino walaya ana yakwe.

2 Tesalonika 2:16

Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo,

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Tito 2:11

Pano Leza wasokolola cikuku cakwe ca kutuula antu onsi.

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Ayebulai 11:7

Utailo uwalenzile kuti Nowa auvwe kusokwa kwakwe Leza pa vintu vino vyali nu kwiza, vino atatazile alola. Wene wayelile Leza nu kupanga cange muno aliwe na amu ng'anda yakwe yatuuzilwe. Cii calenzile kuti antu amu nsi yavunukwe, nga Nowa nawe apokelele uwila wa wololoke uno ukapelwa kuli yao ataila.

Ayebulai 11:9

Mu utailo wene wikalanga wa mwinamasi mu mpanga ino Leza wamulavile. Wene wikalanga mu mataalu ndi vino Isaki na Yakobo ikalanga, yao apokelile ulayo uli onga kufuma kuli Leza.

Ayebulai 6:17

Nakuli yao ali nukupokelela vino Leza walavile, umwisikulu walondanga kulanga paswe ukuti atalatala asenule pange lyakwe. Caleka waomvizye mulapo pa kulaya.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

1 Petulo 3:7

Mu musango uli onga kwene mwe onsi namwe mulinzile kwikala na aci inu nu kumanya ukuti yene antu atonte kuluta mwemwe. Mwayacindika, pano yene pali pamwi namwe mulapelwa umi wape. Uu, uli wila kufuma kuli Leza. Citini cii pakuti kutaya cintu cimwi cakumuvulunganya mu mapepo inu.