Tito 3:3 - Amazwi Yakwe Leza 2013

³ Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Tito 3:3 ပူးပေါင်းရင်းမြစ်များ

Utandiko 38:9

Lelo Onani amanya ukuti ana yano yalavyalwa yatalaya ana yakwe. Caleka lyonsi lino yakomana nu umuci wakwe silenzi pa musanzi, wafutilanga ukunzi pakuti atavyalila silenzi ana.

Utandiko 39:16

Lyene umuci wakwe Potifa asunga ikoti kufika lino umusambazi wakwe Yosefu wawezile.

Masamu 36:2

Wene akailola kwati wataluta yonsi, nu kwelenganya ukuti Leza atange amanye uyi wakwe, nu kupeela umulandu atange apelwe foo.

Mapinda 8:5

Mwe mbutuma mwe, ala sambililini ukucenjela kunondi, vipuwa mwe, kopini amalango.

Mapinda 9:6

Tini ukuya imbutuma, nga muye nu uumi, mwapita umu nzila zya kwiluka.”

Ezaya 44:20

Umu cumi, icili conga nu kulya amakala. Amano yao auwelewele yayalozya kuze kuze sile. Yene yasiiluka foo, cakuti yavwanga yati, “Icintu cii cino ndemile icaufi nupya icaciwelewele.”

Obadiya 1:3

Mwatumpikwa ni myenzo inu yacilumba cilumba. Umusumba winu ukulu wamutumpika, pano mukwelenganya ukuti mwacingililwa pamulandu wakuti wene wakuulwa pakasi ka myamba itali iya milunda. Imuivwanzya mweisikulu muti, ‘Uzye aweni angatupulumula nu kutufwanta pansi?’

Mateo 21:29

Lelo mwana aasuka ati, ‘Awe, ntakuya nkaombe.’ Pacisila apinduluka, aya aomba.

Luka 21:8

Yesu ayanena ati, “Cenjelini, mutaponziwa, pano antu aingi yalizila mwi zina lyane nu kuti, ‘Nene ndi Katuula uwalavilwe.’ Nga nu kuti ‘Insita yatifika!’ Lelo mutakayalondele.

Yoane 8:34

Yesu ayanena ati, “Cumi, namunena vino wensi akaifya wene umuzya wa maifyo.

Loma 11:30

Namwe mwe Akulukuwa, pa nsita imwi mutayelanga Leza. Lelo ndakai pano Ayuda yasyayela Leza, Leza wamuyela mizu.

Loma 6:12

Caleka mutaleka maifyo yateeka mu mili inu ino ili nu kufwa, nu kulenga kuti mwalondela ulunkumbwa lwa untunze winu.

Loma 6:17

Pansita imwi mwali yazya akuyela maifyo, lelo ndakai nkutaizya Leza pano mukayela usambilizyo uwo uno mwapokelela ni myenzo inu yonsi.

Loma 6:22

Lelo ndakai mwakululwa kwi iifyo, nupya mwati muya azya yakwe Leza. Acino muzano uno mukweti umi wa kuipelesya kuli Leza, nga ni cikafumamo, umi wape.

Loma 6:6

Twamanya vino untu witu wa mpiti watanyilwe pamwi na Klistu pa lupanda, kuti myenzo ya ukakasi ifumiwepo, nu kuti maifyo yatatuteeka uzya.

2 Kolinto 12:20

Nkoopa kuti lino ndiza limwi ndazana kuti miyele inu ipusane na vino ningatemwa kuti iye, nupya nkoopa kuti limwi namwe kwene mulazana kuti miyele yane ipusane na vino mungatemwa kuti iye. Nkoopa kuti limwi ndazana kulemanila, uzuwa, cipyu, kuitemwa, musaalula, lwambo, cilumba, cimvulunganya muno muli.

Galatiya 6:3

Muntu umwi ndi akwelenganya ukuti mucindamisye kuluta auze, na lino asi vivyo ala wene akuitumpoka.

Kolose 1:21

Pa nsita imwi mwemo mwali kutali cuze kufuma kuli Leza nupya mwali anisi yakwe pamulandu wa vintu viipe vino mwacitanga na vino mwelenganyanga.

Kolose 3:7

Namwe kwene mwikalanga umi wakucita vintu kulingana ni vilondwa vii, avino mwacitanga.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

2 Timoti 3:6

Yamwi munoyali yakaya mu mang'anda ya antu nu kutumpika aya mwenemo pakuti yongole anaci atonte yano anyomelwa na maifyo yao nga nu kutungululwa ni vilondwa vya nsuna zya misango yonsi.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

1 Petulo 1:14

Mwayela Leza. Mutaleka kuti umi winu walondelela vilondwa vinu viipe wakwe lino mwali atutu.

Umbwilo 12:9

Cizoka cikulu cisumbwa pansi. Cene cili cizoka ca mpiti cino yakati Ciwa, nanti Satana, wino akasomba antu amu nsi. Wene pamwi na angeli yakwe yonsi yasumbwa pano nsi.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.