Tito 3:11 - Amazwi Yakwe Leza 2013

¹¹ Umanye ukuti umuntu wa musango uu umuvulungane, nga na maifyo yakwe yakamusinila ukuti wene waluvyanya.

Tito 3:11 ပူးပေါင်းရင်းမြစ်များ

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Luka 7:30

Lelo Afaliseo na yakasambilizya ya Masunde pakukana kuwatiziwa na Yoane, yasuzile vino Leza walondanga kuyacitila.

Yoane 3:18

Wino wensi uwataila mu Mwana wene asyakupingulwa, lelo wino wensi asyataila mu Mwana wene wapingulwa mpiti, pano wene atataile Mwana wakwe Leza wino wavilwe wenga.

Milimo 13:46

Lelo Paulo na Banaba yavwanga nu kupama yati, “Cali campomvu kuti tutandikile kukosola mazwi yakwe Leza kunomuli. Lelo pakuti mwayakana nu kuipingwila vino mutalingine kuya nu umi wape, swemo tumamusya nu kuya ku Akulukuwa.

Milimo 15:24

Tuvwa vino antu yamwi apisile kufuma umwi umba litu yati yamwanola nu kuvulunganya kampingu winu pali vino yavwanzile. Swemo tutayatumile kuti yacite vivyo.

Milimo 23:25

Alino musika mukalamba alemba na kalata umwali amazwi ndi yaa:

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

2 Timoti 2:14

Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

Tito 1:11

Cili icalondekwa kulesya mvwango yao, pano yene yakuvulunganya amu ng'anda zyonsi apa kusambilizya vintu vino yatalinzile kusambilizya. Yene yakucita vya nsonyi pamulandu wa kulonda impiya.

Tito 1:14

Alino lyene yatalemelela ku kutaila tulai twa uwelewele utwa Ciyuda nga nu ku masunde ya antu. Masunde yaa yakapangwa na antu yano asyayela icumi.

Ayebulai 10:26

Pano ndi tukwifya ku mufulo nalino cumi cati cimanyikwa kunotuli lyene kutangaya impolelwa yakufumya maifyo itu.