Tito 3:1 - Amazwi Yakwe Leza 2013

¹ Nena antu yako ukuti lyonsi yaiusya kutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi.

Tito 3:1 ပူးပေါင်းရင်းမြစ်များ

Mapinda 24:21

Mwanane, ala mwine uwakwatila Umwene Leza icoopo, uwakwatila na yamwene ya pano nsi umucinzi. Pali yoili kwene, utatalamila nanti wenga, nupya utalemana na yayo akatalamila yamwene yonsi yoili.

Kasambilizya 10:4

Ndi ntunguluzi yakusokela, wemo utata incito, pano ukufuuka kungalenga kuti wemo welelwe ni vintu ivikalamba vino waluvyanya.

Ezaya 43:26

Aleni fwandi katuteke imilandu namwe, landini umulandu uno mumampeela! Londololini tuvwe umulandu winu, apakuti munsinile ukuti mwemwe mukalungika.

Yelemiya 27:17

Mutaciyuvwila, mwemo mwaombela sile umwene waku Babiloni pakuti mwikale nu umi. Uzye pacani cino umusumba uu ungasangukila ulwanga?

Mateo 22:21

Nao yamwasuka yati, “Ivyakwe Kesa.” Alino nawe ayanena ati, “Caleka pelini Kesa vyakwakwe, Leza nawe mumupele vyakwakwe.”

1 Kolinto 15:58

Caleka, mwe inane akundwe, komelikini nupya tekelini mutanenuka. Cincilini lyonsi lino mukutumikila Mwene. Mwamanya ukuti mukuombela Mwene mutaya kucula sile.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Malango 17:12

Umwi ndi wacita imisuli kuli kapingula nanti kuli simapepo wino ali pa luti, wene alinzile ukukomwa. Umu kucita cii ali muno mungafumya ulukota luu mu ina Izlaeli.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Kolose 1:10

Lyene mulaya na maka akwikala ndi vino Mwene akalonda nga lyonsi mulacita vintu vino vikazanzya Mwene. Mu umi winu mulacita visuma, nupya namwe mulakula mukumanyikisya Mwene.

1 Timoti 2:2

Mwapepela yakateeka ni ntunguluzi zyonsi, kuti swensi twaikala umi usi wa cimvulunganya nupya uwa mutende, twalumbanya Leza pali vyonsi mukutekela.

1 Timoti 4:6

Ndi watungulula vii ku ina itu, lyene ulaya muomvi musuma wakwe Klistu Yesu. Lyene ulalanga ukuti wemo wimulwa na mazwi ya utailo nga nu usambilizyo usuma uno walondela.

1 Timoti 5:10

nupya uwamanyikwa mu kuomba milimo isuma, kukuzya ana yakwe ningo, kusunga aenyi mu ng'anda yakwe, kutumikila aina Klistu yauze mu ufuke, kwazwa antu ali mu ntazi, nu kuipelesya kucita visuma.

2 Timoti 1:6

Pamulandu kwene uu nkukwiusya kuomvya wila uno Leza wakupile lilyo lino nisile makasa yane panuli.

2 Timoti 2:14

Iusya antu yako cintu cii, nga nu kuyasoka pa manso yakwe Leza, kuti yataya ni vikanza. Vikanza visyacita cisuma nanti cimwi, lelo vyene vikaonona sile antu yano yakuvwako.

2 Timoti 2:21

Muntu umwi ndi waisangulula ku vintu viipe vyonsi, wene alaomviwa mu mulimo ucindame, pano wene waipelesya kuya uwa mulimo ukulu ku musambazi wakwe. Wene waiteyanya kucita visuma vyonsi.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Tito 2:14

Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Tito 3:14

Antu itu yalinzile kusambilila kuomvya insita zyao mu kucita visuma. Yene yalinzile kucitila antu visuma yano alingine kwazwiwa. Lyene antu itu yatalikala mwa ukasu.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Ayebulai 13:21

Leza wino akapeela mutende amupeele visuma vyonsi vino vikalondekwa pakuti mucite kulonda kwakwe. Nkupepa kuti muli Yesu Klistu, wene acite munotuli vyonsi vino vingamuzanzya. Lulumbi lupelwe kuli Klistu manda pe! Ameni.

2 Petulo 1:12

Acino lyonsi kwene nkaamwiusya vintu vii, nanti angala mwavimanya nu kwika utailo mu cumi cino mwapokelela.

Yuda 1:5

Pano nanti mumanyile vyonsi vii, nkasi kumwiusya vino Mwene watuuzile aina Izlaeli kufuma mu Eguputo. Lelo pacisila alovya yano atataile.