Tito 2:14 - Amazwi Yakwe Leza 2013

¹⁴ Wene waipile umwisikulu pamulandu witu, kuti atukulule kufuma ku nkota zyonsi nu kutucita asanguluke nupya akwakwe wenga sile, nga nu kuleka kuti tuye nu muzonda wakucita visuma.

Tito 2:14 ပူးပေါင်းရင်းမြစ်များ

Utandiko 48:16

Si mungeli wino uwampuswisye mu mauzanzo onsi apolelele alumendo yaa! Si zina lyane ni zina lya vikolwe vyane Abulaamu na Isaki likalilile pa alumendo yaa! Si yavyale ana avule na kuti amu mupanda wao yaye avule!”

Masamu 130:8

Aliwe umwisikulu alakulula aina Izlaeli uku maifyo yao.

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Kufuma 15:16

Intete zikulu cuze yonsi zyatiziyalema Yene yalola amaka yako wene Yawe nga iyapeziwa amano ku ntete. Yene yikala sile cele mpaka antu yako yapuzya, antu yano wakulwile mu uzya.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Ezekelo 37:23

Yatalaikowezya nupya uku tuluwi foo, nanti ukuikowezya uku vintu vyuze iviipe. Ndayapususya uku misango yao iipe ino yayalenganga ukwifya nu kunsangukila. Ndayazifya nayo yalaya antu yakwane sile, nani ndaya Leza wao.

Aina Levi 25:41

Pa nsita ilya muntu wiyo afume kunomuli pamwi na ana yakwe, aswilile ku amu ng'anda yakwe nu ku cuma ca vikolwe vyakwe.

Malaki 3:3

Wene aliza ku kupingula wa muntu akaswefya zaabu. Wene alasangulula nu kuswefya aina Levi ndi vino umuntu akaswefya zaabu na siluva. Alino lyene yalaleta amawila asuma kuli Yawe.

Mpendwa 25:13

Fwandi aliwe wenga sile pamwi na ana yakwe alamukonka pacisila, alasyukila ulayo uu uwa kuya yasimapepo, pamulandu wakuti wene wali nu muzonda wakucindika Leza wakwe nu kucitila aina Izlaeli ulutambi lwa kufuta amaifyo.

Mpendwa 7:15

Alino na kacipambasi konga, na suuku wenga, nu mwana wa mfwele wenga wa mwaka onga. Vyonsi vii vya wila wakoca.

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Mateo 20:28

wakwe vino Mwana wa Muntu atizile kuti atumikilwe, lelo kuti atumikile yauze nu kupeela umi wakwe kuti akulule antu aingi.”

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Yoane 10:15

Ndi vino Tata wamanya, nani namanya Tata, nga naipela kufwila mfwele.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Milimo 15:14

Simoni watalondolola vino inkolelo Leza watandike kusolola yamwi mu Akulukuwa kuti yaye antu yakwe.

Milimo 15:9

Atapusinye pakasi kakwe sweswe na alio, lelo wasangulwile myenzo yao pano yataile.

Milimo 20:28

Caleka muisunge mweisikulu, musunge nu ufyo uno Mupasi Wamuzilo wamwika kuya angalizi. Muye yakacema aiuvi lyakwe Leza, lino wacisile ukuya ilya kwakwe ukupitila mu mfwa ya Mwana wakwe.

Milimo 9:36

Mu Yopa mwali mulondezi umwanaci izina lyakwe a Tabita (Izina lyakwe mu Cigiliki a Dokasi, cikusenula mpombo). Wasumvile insita yakwe yonsi mu kuomba milimo isuma nu kukumbusuka apina.

Galatiya 1:4

Klistu waipile mwisikulu wa mpolelwa umulandu wa maifyo itu, pakuti tungakululwa ku mukulo uu, uwipe. Wene wacisile cii, mu kuyela Leza witu ali Tata.

Galatiya 2:20

Nemo nafwa, lelo Klistu akaikala munondi. Umi uno ndakai ndi nao, nkaikala pakutaila mu Mwana wakwe Leza, wino uwantemilwe nga nu kupeela umi wakwe pamulandu wane

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Efeso 1:11

Vintu vyonsi vikacitwa kulingana na vino Leza wateyanya. Wene watusolwile kuti tuye antu yakwe muli Klistu. Wene wacisile cii pamulandu wi pange lyakwe, lino limikwa pali vino wasolwile kufuma nu ku utandiko.

Efeso 2:10

Leza watucita ndi vino tuli muli Klistu Yesu kuti twaikala ndi vino lyonsi akalonda, nu kuti twacita vintu visuma vino watuteyanyizizya.

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Malango 7:6

Mulinzile ukucita vii, pamulandu wakuti mwemwe yakwe Yawe Leza winu. Wene wamusolwile ukufuma mu antu yonsi pano nsi kuti muye antu yakwe aiyele.

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

1 Timoti 2:10

Lelo yene yalinzile kucita vintu visuma vilingine ni vicitwa vya anaci akayela Leza.

1 Timoti 2:6

Wene waipile kuti akulule antu onsi. Cii cali icisininkizyo pa nsita ilingane ukuti Leza akalonda umuntu wensi atuulwe.

1 Timoti 6:18

Uwayanena kuti yacita visuma, nu kuya akama mu milimo isuma, nu kupeela kwaula lusoko, yaye aiteyanye kwankanyako yauze.

Tito 2:7

Wemwisikulu ulinzile kucita visuma kuti muli vyonsi uye cilangililo ku antu. Uye uwa cumi nga nu kusumbako mano mu usambilizyo wako.

Tito 3:8

Muvwango uu uwa cumi. Nkulonda kuti walanda nu kukonkomezya vintu vii, pakuti yao ataila Leza yasakamale insita zyao mu kucita vintu visuma, ivyakwazwa umuntu wensi.

Ayebulai 1:3

Kuyengesa kwa lulumbi lwakwe Leza kukaloleka muli aliwe, nupya wene atapusana na aliwe mu mwata wakwe. Wene walemelela vintu vyonsi kwi zwi lyakwe lya maka. Pacisila cakuswefya antu kufuma ku maifyo, wene waile aikala kwiyulu kwikasa lilunji lyakwe Leza wa maka yonsi.

Ayebulai 10:24

Lekini twasakamala nu kwazwana nu kutemwa kucita visuma.

Ayebulai 9:14

Endi, vino cii ica cumi, uwazi wakwe Klistu ulaomba vikulu kuluta. Mu Mupasi wape, wene waipile kuli Leza wa mpolelwa yaula ndema. Wazi ukaswefya myenzo itu kufuma ku malamulo aciwelewele pakuti twatumikila Leza.

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

1 Petulo 1:18

Pano mwamanya malipilo yano apilwe pakuti muye antungwa kufuma ku wikazi uwa ciwelewele uno mwasambilile ku vikolwe vinu. Malipilo yaa yatakoline wakwe siluva nanti zaabu wino akaononeka.

1 Petulo 1:22

Pano mwasangulula myenzo inu pa kuyela cumi. Ndakai mungatemwana wa ina ataila. Lelo mulinzile kutwalilila kutemwana nu mwenzo onsi.

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.

1 Petulo 3:18

Pano Klistu umwisikulu wafwile lyonga sile pamulandu wa maifyo itu. Wene wali uwakaele pa kufwila yakaifya, pakuti amutungulule kuli Leza. Wene wakomilwe, lelo aya nu umi ku mupasi.

1 Yoane 1:7

Lelo ndi tukwikala mu luswepo ndi vino wene ali mu luswepo, ale lyene tuli mu utandano pakasi kitu. Nu wazi wakwe Klistu mwana wakwe ulatuswefya kufuma ku maifyo onsi.

1 Yoane 1:9

Lelo ndi twailongwela maifyo itu kuli Leza, wene uwakutailwa nupya uwa cumi ku ulayo wakwe. Alatwelela maifyo itu nu kutusangulula ku kuluvyanya kwitu konsi.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

Umbwilo 1:5

Cikuku nu mutende viye namwe kufuma kuli Yesu Klistu kambone uwakutailwa, uwali wankolelo kuzyukuka kufuma ku mfwa, nupya wene ali kateeka wakwe yakateeka yonsi amu nsi. Wene watutemwa nupya waipile kuti atukulule ku maifyo itu

Umbwilo 5:9

Yene imvile lwimbo lupya yati, “Wemo wazipilwa kutoola lupapulo nu kulematula vimanyililo vyakwelo. Pano wemo wakomilwe, nupya mu mfwa yako amuno wakalile Leza antu kufuma mu mitundu, ni ndimi, ni nko, nga ni misango ya antu yonsi.