Tito 2:10 - Amazwi Yakwe Leza 2013

¹⁰ Yene yatalinzile kwiya vintu vyao. Lelo mu cifulo cakwe cico, yene yalinzile kulangilila yauze ukuti lyonsi yaya asuma akutailwa, pakuti Leza Katuula witu apelwe mucinzi muli vyonsi vino yakucita.

Tito 2:10 ပူးပေါင်းရင်းမြစ်များ

Masamu 101:6

Nemo nasololanga antu yano yakufukila we Leza, apakuti ayano yaomba ukwane ukwisano. Antu ya misango isuma ayano yamayanga aomvi yane.

Ezaya 12:2

Cumi kwene Leza ali ufyusi wane. Nkutaila lyene apaula ukoopa, pano Yawe ali maka yane, nu lwimbo lwane, nu ufyusi wane.”

Mateo 24:45

“Uzye lyene, muomvi mutailwe nu wamano aweni? Awiyo wino mwene wakwe wamucita kangalila uwakulolela aomvi amu ng'anda yakwe, nu kuyapela vyakulya vyao pa nsita ilinge.

Mateo 5:16

Mu musango uli onga kwene namwe mwaengesa wa luswepo pa antu onsi, kuti yalola imilimo inu isuma, nga yalumbanye So uwa mwiyulu.

Luka 1:47

nupya untu wane ukuzangila muli Leza Katuula wane,

Luka 1:80

Lino Yoane wakulanga, Mupasi Wamuzilo wamupile maka akulu cuze. Watenzi mu lwanga kufika uwanda uno wizile aloleka paswe ku ina Izlaeli.

Luka 16:10

Wino ali uwakutailwa mu vintu vinono alaya uwakutailwa nu mu vintu vingi. Wino asi uwakutailwa mu vintu vinono atalaya uwakutailwa nu mu vintu vingi kwene.

Yoane 12:6

Wavwanzile cii, asi pamulandu wa kusakamala apina, lelo pano wali umwivi. Wene wali akasunga wa cipao, lelo wiyangamo.

1 Kolinto 4:2

Cintu conga cino cikalondekwa ku muomvi cakuti alinzile kuya uwakutailwa kuli wino akatumikila.

Efeso 4:1

Caleka nemo, ne munyepwe pamulandu wa kutumikila Umwene, nkumupapata kuti wikazi nu umi winu viye kulingana nu mwata wa lwamo luno mwamilwe.

Filipi 1:27

Acino cintu cicindame kuluta cakuti umi winu ulinzile kuya kulingana na vino Ilandwe lyakwe Klistu likalonda twacita. Kuti lino ndamutandalila nanti foo, ince nuvwe ukuti mwensi mwakwata kwelenganya kuli kumwi. Nupya ndamanya ukuti mukaombela pamwi nu kulwisya kuti nayauze yuvwe Ilandwe Lisuma.

Filipi 4:8

Mukumalila, inane lekini myenzo inu izulemo kwelengenya vintu visuma vilinzile kutasiwa, ivya cumi, ivya mpomvu, visanguluke, viyembe, nga ni vyakucindikwa.

1 Timoti 1:1

Kalata kufuma kuli ne Paulo, mutumwa wakwe Klistu Yesu, ne muno nasolwilwe na Leza, Katuula witu na Klistu Yesu wino tukapaalila.

1 Timoti 5:17

Aikolo yano akaomba mulimo usuma uwa kutungulula iuvi yene yalinzile kulipilwa, maka maka yao akaombesya mu kukosola nu mukusambilizya yalinzile kupelwa malipilo lili kuluta.

1 Timoti 6:1

Azya yalinzile kucindika asambazi yao muli vyonsi, pakuti kutaya umwi uwakulandila zina lyakwe Leza nanti usambilizyo witu viipe.

1 Timoti 6:3

Wino wensi akasambilizya usambilizyo uiyele uno utasuntinkine na mazwi acumi a Mwene witu Yesu Klistu nga nu usambilizyo uwamu mipepele itu,

Tito 1:3

Lino insita yafisile Leza, Katuula witu, wasokolwile cii ku antu kupitila mwi landwe lyakwe. Leza uwandasike mulimo uu. Nani nkakosola pa kuyela ilamulo lyakwe.

Tito 3:4

Lelo lino luse nu kutemwa kwakwe Leza Katuula witu vyasokolwilwe,

1 Petulo 2:12

Lekini micitile inu pakasi ka antu atataila Leza iye isuma cuze, cakuti nanti angala yangamupeela milandu yakwifya, lyene pa Wanda wa upinguzi yene yalalumbanya Leza pa kulanda vintu vino yaweni mukucita.

1 Petulo 3:16

Lelo mwacita cii na mazwi amutembo nu mucinzi. Lekini myenzo inu iye isuma. Ndi mwacita cii ale lyene mulalenga antu insonyi, yao yano yakalanda viipe pa milimo inu isuma ya alondezi yakwe Klistu.

2 Yoane 1:9

Muntu asyakulondela usambilizyo wakwe Klistu, nda kapuzya mwenemo wene asi na Leza. Wino wensi akayela usambilizyo wakwe wene ali na Tata nu Mwana kwene.

1 Samueli 22:14

Aimeleki nawe aasuka umwene wilya ati, “Uzye aweni umu yaomvi yako yonsi uwaya uwacumi ukuluta Davidi, sovyala, nupya musika mukulu wakwe yakalinda yako akwi sano nga na yasimucindikwa yonsi amwi sano lyako?

1 Samueli 26:23

Yawe akalambula cila muntu wino akacita ivya wololoke nupya uwacumi. Wemo ilelo kwene Yawe alile watakumpalamikila. Lelo nemo ntali nkulonda ku kukoma, wewe wemuno Yawe umwisikulu wasolola ukuya umwene.