Tito 1:6 - Amazwi Yakwe Leza 2013

⁶ uwikolo wino akatungulula iuvi atalinzile kuya uwa mpwelo mbi. Wene alinzile kukwata muci wenga, nupya ana yakwe yalinzile kuya ataila. Yene yatalinzile kuya ni mpwelo ya ononyi nanti kuya autizi.

Tito 1:6 ပူးပေါင်းရင်းမြစ်များ

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Mapinda 28:7

Umwana umwiluke ali wino akawaka amasunde, lelo wiyo akapita na antu apunuke akaletela isi insonyi.

Ezekelo 44:22

Nupya simapepo atalinzile kutwala mukamfwilwa nanti umwanaci wino yata kuli iya. Lelo angatwala umwanaci umwina Izlaeli nanti mukamfwilwa wino iya wali a simapepo.

Aina Levi 21:14

Wene atalinzile kutwala umwanaci wino wafwilwa iya nanti wino iya wamuta nanti cizelele. Lelo simapepo alinzile kutoola sile umukazyana atatala wamanya umonsi, kuti aye umuci wakwe. Umukazyana wiyo atatala wamanya umonsi alinzile ukufuma mu aluko lwakwe.

Aina Levi 21:7

Simapepo atalinzile kutoola umwanaci cizelele ukuya umuci wakwe nanti umwanaci wino iya wamuta. Simapepo uwamuzilo.

Malaki 2:15

Uzye Yawe atakuumvile kuti uye umwili nu mupasi onga nu muci wako? Uzye wene wakweti ipange cii pa kucita cico? Umulandu uno wene wacitile cico, apakuti ana yano ulakwata yakaye ana yakwe Leza. Acino uisunge, nga utavuna upangano uno wacisile nu muci wako wino watwite mu ulumendo wako.

Luka 1:5

Mu manda yakwe Helodi umwene wa Yudeya, kwali simapepo umwi izina lyakwe a Zakaliya, uwamu mpuka yakwe yasimapepo yakwe Abiya. Nu muci nawe kwene wali uwamu luko lwakwe Aloni, izina lyakwe a Elizabeti.

Efeso 5:18

Mutakoleka waini pano wene angamonona. Lelo muzuziwemo na Mupasi Wamuzilo.

1 Tesalonika 5:14

Mwe ina itu, tukumukonkomezya kusokela akasu, kukomelezya yacantete, kwazwa atonte, nga nu kutekelela antu onsi.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

1 Timoti 3:12

Dikoni wamwi uvi alinzile kukwata muci wenga sile, alinzile kusunga ana na amu ng'anda yakwe ningo.

Tito 1:10

Pano kwaya antu aingi yacisanguka, maka maka yao asenusi kufuma ku mipepele ya Ciyuda, nupya yano yakasomba antu yauze ku mvwango yao yaula mano.

1 Samueli 2:11

Lyene Elikana aswilila ku Lama, lelo umwana wilya asyala akutumikila Yawe ala akwangalilwa na simapepo Eli.

1 Samueli 2:22

Lyene Eli, mu ukote wakwe, atwalilila ukuuvwa vyonsi vino ana yakwe aonsi yacitanga ku ina Izlaeli na vino yacitanga uzelele na anaci yano yatumikilanga pa mpongolo yi Taalu lya Ukongano.