Tito 1:16 - Amazwi Yakwe Leza 2013

¹⁶ Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.

Tito 1:16 ပူးပေါင်းရင်းမြစ်များ

Yobo 15:16

Ale fwandi umuntu wene cingapela kwi! Wiyo uwa miyele iipe nupya ivulungane! Nga vino wene akacita inkota kwati avino akamwa amanzi!

Mapinda 30:12

Insiki ino ikati, ‘Swemo twazipa, lelo fwandi yataizifya aisikulu.

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Ezaya 48:1

Uvwini kuno mwe ang'anda yakwe Yakobo, mwemuno mukaamilwa kwi zina lyakwe Izlaeli, mwe amu mupanda wakwe Yuda. Mwemuno mukalapa mwi zina lyakwe Yawe, nu kwama Leza wakwe Izlaeli ukwaula ufumacumi nu wololoke.

Ezaya 58:2

Ukuya kwene yakampepa muno wacela, yakaitakizya na pakulondela amasunde yane, nga na pakucita ivilungame. Yakampapatila ukuti nayapolelela nu kuyapeela amasunde alinzile.”

Ezaya 59:13

Swemo twakusangukila we Yawe, twafumya amano kunuli, twakana nu kukulondela wewe we Leza witu. Swemo tukacuzya antu yauze nu kukusangukila. Vino swemo tukaelenganya ivyaufi sile.

Yelemiya 12:2

Wemo wewe kwene ukayalema wa milemo. Nayo ali pakutamba wa misisi, iyakula yasuka yaseeka ni viseekwa. Kuvwanga kwene, awe cumi yakavwanga usaka usaka. Lelo ukuti yakusumbeko amano, awe kwene foo.

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Yelemiya 6:30

Yene yakaamwa ukuti a siluva umusuulwe, pamulandu wakuti Yawe wayasuula.”

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Mpendwa 24:16

Usemo kuli wiyo akauvwa amazwi yakwe Leza Wino akweti ukumanya ku kafuma kuli wiyo Uwapapela pela. Akalola cino Leza Wamaka yonsi wamulanga. Wino akakunkula, nga na manso yakwe yayulika.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

1 Timoti 5:8

Lelo ndi cakuti umwi asyasakamala akazi kakwe, maka maka amu ng'anda yakwe, ala wene wakana utailo nupya umwipisye kuluta wiyo atataila.

2 Timoti 3:17

Cii cikacitika pakuti umuntu wino akatumikila Leza angalingana nupya angaiteyanya kucita misango yonsi ya vicitwa visuma.

Tito 3:1

Nena antu yako ukuti lyonsi yaiusya kutontela yakateeka na yao ali pa utunguluzi, kuyela nga nu kuiteyanya kucita visuma mu musango onsi.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

1 Yoane 2:4

Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

Yuda 1:4

Pano antu yamwi yakaifya, yasokelela munotuli ukwaula kumanyika. Nupya yakasenula ilandwe lya pa cikuku cakwe Leza witu pakuti yaipele insambu pa miyele yao ya winyi. Yene yakana Yesu Klistu, Musambazi nupya Mwene witu wenga sile. Antu yaa yalavunukwa ndi vino calembwa mpiti mu malembelo.

Umbwilo 21:27

Lelo kusi cimwi cikowele cino cilingila mu musumba ukulu, nupya mutalingila umuntu wino akacita vya winyi, nanti akatumpoka. Suka sile yao yano mazina yao yalembwa mu lupapulo lwa Mwana wa Mfwele ulwa umi, ayano yalingilamo.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

1 Samueli 15:24

Lyene Saulo anena Samueli ati, “Natinifya. Nakanyile ukulondela ilamulo lyakwe Yawe na vino wantungulwile. Noofile asilika nga incita vino yalondanga.