Tito 1:10 - Amazwi Yakwe Leza 2013

¹⁰ Pano kwaya antu aingi yacisanguka, maka maka yao asenusi kufuma ku mipepele ya Ciyuda, nupya yano yakasomba antu yauze ku mvwango yao yaula mano.

Tito 1:10 ပူးပေါင်းရင်းမြစ်များ

Mateo 23:14

Kalanda kunomuli mwe yakasambilizya ya Masunde na Afaliseo! Mwe yasomvi mwe! Mukaliila yamukamfwilwa vyuma mu ucenjezi nu kuyasomba pa kuyapepela mapepo atali. Caleka mwemo kuvunukwa kwinu kulaya kukulu cuze.]

Milimo 11:2

Lino Petulo wiza ku Yelusalemu, yao alondanga ukuti Akulukuwa yasilamulwe yapazyanya nawe yati,

Milimo 15:1

Antu yamwi afumile ku Yudeya iiza ku Antioki, yasambilizya ataile yati, “Mutalatuulwa ndi mutasilamwilwe kulingana nu lutambi luno Mose watusilile.”

Milimo 15:24

Tuvwa vino antu yamwi apisile kufuma umwi umba litu yati yamwanola nu kuvulunganya kampingu winu pali vino yavwanzile. Swemo tutayatumile kuti yacite vivyo.

Milimo 20:29

Imanyile ukuti lino ndapita, antu ali wa mimbulu ikalipe cuze yaliza munomuli, nga yatalapanya ufyo.

Galatiya 2:4

nanti angala yamwi yalondanga ukuti avino ciye. Antu yaa, iizanga kwati nayo yataila, lelo yene yasokelelanga mwiumba litu wa nengu, pakuti yangalondelezya untungwa uno twakwata muli Klistu. Yene yalondanga kutucita azya.

Galatiya 3:1

Mwe ina Galatiya viwelewele mwe! Uzye aweni watamupumvyanya? Nalondolola ningo pa manso inu mulandu wa mfwa yakwe Yesu Klistu pa lupanda!

Efeso 4:14

Alino tutalaya wa ana anono mu micitile. Yene yakasombwa na masambilizyo ya antu asomvi. Masambilizyo yaa yakoline wa miza ino ikasunka maimbi kufuma pa cifulo conga kuya nu ku cuze,

1 Timoti 1:4

Uyanene kuti yate kulanda vilai ni mitande itali ya mazina ya vikolwe, vivyo vikaleta sile vikanza. Vii visyaazwa kuomba mulimo wakwe Leza, uno ukaombwa mu utailo.

1 Timoti 1:6

Antu yamwi yasya vii yalondela vyakulanzyanya kwa uwelewele.

1 Timoti 1:9

Endi, tulinzile kwiusya ukuti Masunde yasipangilwa antu asuma, suka antu yakavuna yamasunde, yacipote, asyapepa na yakaifya, antu yankota ni nkomi, yano angakoma na akwasi yao kwene.

2 Timoti 3:13

nga antu aipe, nupya asomvi yene yalipisya kuluta, yala yakusomba antu yauze nga na isikulu kwene.

2 Timoti 4:4

Yene yalafumako ku kuuvwa cumi nu kusumba mano ku tulai.

Tito 1:6

uwikolo wino akatungulula iuvi atalinzile kuya uwa mpwelo mbi. Wene alinzile kukwata muci wenga, nupya ana yakwe yalinzile kuya ataila. Yene yatalinzile kuya ni mpwelo ya ononyi nanti kuya autizi.

Yakobo 1:26

Uzye muntu umwi akaelenganya vino wene umupefi wakwe Leza? Ndi cakuti wene asyapindulula lulimi lwakwe, ale nu upefi wakwe uwasilesile nupya akaisomba umwisikulu.

1 Yoane 2:18

Mwe ana yane impela ili pipi! Mwanenyilwe ukuti mwanisi wakwe Klistu aliza. Ndakai anisi aingi yakwe Klistu yaloleka mpiti. Acino twati tumanya vino impela ili pipi.

1 Yoane 2:4

Umwi ndi wavwanga ukuti wamumanya, lelo asyayela masunde yakwe, ala wene uwa ntumpu ni cumi citaya munoli.

1 Yoane 4:1

Mwe yacuza akundwe, mutataila yonsi akati yakwata Mupasi Wamuzilo. Lelo muyezye nu kumanya ndi cakuti mupasi uno yakwata wafuma kuli Leza. Pano yakasema yaufi aingi yasalangana konsi muno nsi.

Umbwilo 2:14

Lelo nkuilizyanya pa vintu vimwi vinono. Munomuli mwaya yamwi akayela usambilizyo wakwe Balamu, wino uwasambilizye Balaki ivya kutungulula aina Izlaeli mu kwifya apa kuyaongola kuti yalya ivyakulya ivyapeelwanga ku tuluwi, nga na kuti yalongozya.

Umbwilo 2:6

Lelo usuma wako uwakuti wemo wapata vicitwa vino aina Nikolaita yakacita vino nani kwene napata.