Oseya 9:4 - Amazwi Yakwe Leza 2013

⁴ Kuku kwene antu yatalapelelako amawila yakwe waini kuli Yawe, nanti ukumuzanzya ni mpolelwa zyao. Impolelwa zizyo zilaya wa cakulya capa ndosya, wensi akalya cakulya cico alakowela. Cakulya cico cilaya cakulya sile pamulandu wa nzala, asi wakwe cico cakupeela ku Ng'anda ikulu yakwe Yawe.

Oseya 9:4 ပူးပေါင်းရင်းမြစ်များ

Kufuma 29:40

Pamwi nu mwana wa mfwele wakutandika, uwatwalapo nu kupeela kilogalamu wenga wa usu utonyoleke wa ngano, uuminkanye na lita wenga wa mafuta asuma cuze, alino na lita wenga wakwe waini wakutwala wa wila wa vyakumwa.

Kufuma 40:23

Lyene papela yakwe tebulo aikapo mukate, wakwe vino Yawe wamupeezile ilamulo.

Ezaya 57:6

Mukatoola na mawe atelepe ayano mwafukamila. Mukaitulwila penepo amawengwa nu kutuula amawila ya vyakulya. Uzye mwemo mukati natemwa vivyo, vwile?

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Yelemiya 16:7

Kutalaya nanti wenga uwakumokwela umukate kuli yano yakulosya apakuyatekezya umwenzo pali yano afwililwe. Kutalaya nanti wenga wakumumwesya amanzi akumutonsya ku mwenzo apa kulosya isi nanti nyina.”

Yelemiya 6:20

Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Ezekelo 24:17

Utezya uleke yuvwe kuno ukusinsimokela. Utazuula insalu ku mutwe nanti kuzuula insapato zyako apa kulanga ukuti uli ni ndosya. Utavimba pa mulomo nanti kwezya ukulya icakulya ca pa ndosya.”

Ezekelo 24:22

Alino mulacita vino nacita, mutalavimba pa kanwa nupya mutalalya cakulya cino yakalya apa ndosya.

Danieli 1:8

Lelo Danieli wene aipingula ukukana ikowezya umwisikulu ku vyakulya na waini wakwisano, nga auzya cilolo mukalamba kuti amupeele insambu zyakuntaikowezya mu musango kwene ndi uu.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Yowelo 1:13

Mwe yasimapepo, si zwalini vyakuzwala vyandosya, alino muyume apa visao pamulandu wa ulanda uwatiutuponela. Lilini mwemuno mukatumikila apa tuvuwa. Zwalini muivimbe ivizwalo vya ulanda uwanda onsi. Mwe aomvi yakwe Leza winu.

Yowelo 1:9

Ivyamawila vyonsi ivyakumwa ni vyakulya vitangapeelwa lyene ku Ng'anda ikulu yakwe Yawe Yasimapepo yakulosya, aomvi yakwe yonsi yakulosya.

Yowelo 2:14

Limwi limwi akasenula umwenzo nu kwelela, alino nu kutupolelela. Upolelelo uo ukaya uwa vilyo ni vyakumwa ivyakupeela kuli Yawe Leza winu.

Aina Levi 17:11

Pano umi wa ciumbwa consi waya mu wazi. Uli mulandu uno ne Yawe namupeelile uwazi pakuti mupepele umi winu pa kavuwa ipepo lya lutambi lwa kufuta amaifyo inu. Pano uwazi auno ukalipilwa pa maifyo inu.

Aina Levi 21:17

kuti anene Aaloni ati, “Kusi nanti wenga uwamu mupanda wako wino wakwata ulema uli onsi angapeela impolelwa ya mbezu zya mwata wa ngano kunondi. Cii, cili nu kuya ku nkulo zyonsi zyaku nkolelo.

Aina Levi 21:21

Kusi nanti wenga uwamu mupanda wakwe Aaloni simapepo wino akweti ulema uli onsi angapeela amawila akocela Yawe. Wene akweti ulema. Acino atalinzile ukupalama ku kavuwa ku kupeela icakulya cakwe Leza wakwe.

Aina Levi 21:6

Simapepo alinzile ukuya wamuzilo nupya atalinzile kuzewanya izina lyane. Pamulandu wakuti simapepo akapeela amawila akocela Yawe, alinzile ukuya wamuzilo.

Aina Levi 21:8

Simapepo alinzile kuloleka uwamuzilo ku manso ya antu, pamulandu wakuti ali wino akapeela impolelwa ya mbezu zya mwata wa ngano kunondi. Nene indi Yawe, nene wamuzilo, nupya nene nkalenga antu yane ukuya amuzilo.

Amosi 5:22

Nanti angala mwandetela amawila inu akoca na mawila ya mbezu, nemo ntalapokelela. Nanti angala mwandetela amawila inu autandano asuma cuze, nemo ntalayazumila awe.

Malaki 2:13

Nacuze cino mukacita aici: Mukasambezya kavuwa kakwe Yawe na minsozi inu. Mukalila nu kulosya pamulandu wakuti ndakai wene asisakamala nanti kupokelela amawila inu ni nsansa ukufuma mu minwe inu.

Mpendwa 19:11

Wino wensi uwala wakumya icala ca muntu ali wensi alasyala mukowele pa manda cinimbali.

Mpendwa 28:2

“Peela ilamulo lii ku ina Izlaeli uyanene uti, ‘Mulinzile ukusakamala ukutwalila Yawe amawila yakwe pa nsita ilinzile, uwila wa vyakulya uwakoca, uwa mununko usuma ukazanzya Yawe.’

Mpendwa 4:7

Api tebulo lya mukate uwapeelwa kuli Yawe yalinzile kwanzikapo insalu ya cifungo nga nu kutendekelapo imbale, imbakuli ni ngeso, nga ni misazi ya mawila ya vyakumwa. Api tebulo lyonsi palinzile paya imikate yakwimula kuli Yawe.

Yoane 6:51

Nene kwene indi cakulya icikapela umi cino ciiza pano pansi kufuma kwiyulu. Muntu ndi walya cakulya cii, wene alaya nu umi wape. Umwili wane uli cakulya ca umi uno nkapela ku antu yonsi amu nsi kuti yaye nu umi.”

Malango 26:14

Nemo ntalile icikumi nanti acimwi lino nkulosya. Nemo ntafumya penepo icipande ica cikumi nanti acimwi nu kutwala apanzi lino ncili umukowele, nanti ukupeela ku afwe. Ala, we Yawe nemo nkakuyela nu kulondela amalamulo yonsi yano wapeela pa cikumi.