Oseya 9:15 - Amazwi Yakwe Leza 2013

¹⁵ Yawe akuti, “Uyi wao onsi ulaloleka makamaka ku Giligali. Kuku akuno natandike ukuyapata. Ndayazinga mu mpanga yane, pamulandu wa vicitwa vyao iviipe. Ntalatala njatemwe nupya. Intunguluzi zyao zyonsi zyansangukila.

Oseya 9:15 ပူးပေါင်းရင်းမြစ်များ

Masamu 78:60

Ali pakusya ni cifulo cakwe ica ku Syilo, papo pano wikalanga ala ali apakasi ka antu.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Yelemiya 11:15

Nupya Yawe avwanga ati, “Antu yano nemo natemwa ali antu yano yakucita ivintu viipe. Uzye insambu cii zino yakweti izyakuya mu Ng'anda yane ikulu? Uzye yene mu mano yao yakwelenganya ukuti ukulaya amalayo nu kutuula impolelwa ali vino vingayapususya ku uzanzo? Uzye cico cingayasansamusya?

Yelemiya 12:8

Antu yane asololwe yatiyamfutatila, kwati a yacisama mu mutengo vino yakung'anzila. Ali cino nani ninjapata.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 3:8

Waweni nakuno nazinzile umutalami Izlaeli apamulandu wa uzelele wakwe. Namupiile na kalata uwakumuzingila. Lelo Yuda, kaci wakwe, cizelele muze, wene atoofile foo. Waya wacita icili conga kwene.

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 23:18

Lyene atandika ukuisenekezya kuli yonsi nu kuitasya pa uzelele wakwe. Nani insuka lyene imutendwa, ndi vino camfuulile kuli kaci muze.

Oseya 1:6

Gomeli nupya kwene asenda indilwa nga aca avyala umwana umwanaci. Lyene Yawe anena Oseya ati, “Umutemele izina uti, ‘Atatemwikwa,’ pano aina Izlaeli ntalayatemwa nupya nanti ukuyelela amaifyo yao.

Oseya 1:9

Lyene Yawe anena Oseya ati, “Mutemele izina uti, ‘Asi antu yane,’ pano mwe ina Izlaeli musi antu yane, nani insi Leza winu.”

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Oseya 12:2

Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.

Oseya 3:4

Kuli kuti aina Izlaeli yalikala amanda avule ukwaula kukwata umwene nanti intunguluzi, ukwaula kupeela impolelwa nanti kukwata incende zyakupepelamo, ukwaula utuluwi nanti amaunkolanya akuomvya umu kusapola.

Oseya 4:15

“Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Oseya 4:9

Acino yasimapepo yayo ndayapezya ndi vivi kwene vino ndapezya antu. Ndayavunuka pamulandu wa miyele yao iipe nga nu kuyalambula pa milimo yao iyo.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Oseya 9:17

“Leza wane alakana antu kwene yayo pamulandu wakuti yakana ukumuyela. Yalalulumba sile pakasi ka nko zyuze.”

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Aina Levi 26:30

Ndonona incende zinu zino mukapepela penepo pa twamba, nomoole nu tuvuwa twinu tuno mukaocelapo ubani. Ndasumbila ivyala vinu pa tuluwi twinu twaula umi. Nupya ndapatana namwe. Mu ukali wane

Amosi 4:4

“Yangini ku ncende yamuzilo ku Betele, mutandike nu kwifya kweneko. Yangini ku Giligali mulundulule nu kwifya. Letini amawila inu yonsi a cikumi cila manda yatatu.

Amosi 5:27

Caleka nemo ndamuzingila uku uzya, ukutali ukupuzya umusumba wa Damasiko.” Avino Yawe wavwanga, wino izina lyakwe a Leza Wamaka yonsi.

Amosi 5:5

Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mika 6:5

Mwe antu yane, iusyini vino Balaki umwene waku Moabu, walondanga kucita kuno muli, nga na vino Balamu umwana umonsi wakwe Beoli wamwaswike. Iusyini ivintu ivyamucitikile, apa lwendo lwinu lwakufuma ku Syitimu nu kuya ku Giligali. Iusyini ivintu vii vyonsi kuti mumanye vino ne Yawe namucitile apa kumutuula.”

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Zakaliya 11:8

Lelo yakacema yatatu yano yampasile, yamansalosya ku nsingo, nani ali pakuyazinga yonsi pa mwezi onga.

Milimo 4:27

Pano cumi Helodi na Pontio Pilato yakongine mu musumba pamwi na Akulukuwa nga na ina Izlaeli kuti yalwisye Yesu, umuomvi wako uwamuzilo, wino wasolwile. Yoa 18:28

Milimo 5:21

Lino atumwa yuvwa cii, pa macaca iingila mu Ng'anda ikulu yakwe Leza, yatandika kusambilizya. Simapepo mukulu na yano ali nawe yaama aikolo ya Ayuda yonsi pamwi kwi Tengo. Lyene yatuma antu ku ng'anda yaminyololo kuti yakalete atumwa kwi Tengo.

Yoswa 10:43

Lyene Yoswa aswilila pamwi na ina Izlaeli yonsi ku nsakwe zyao ku Giligali.

1 Samueli 7:16

Cila mwaka wayanga ku Betele, nga afuma kweneko aya ku Giligali nu ku Mizipa, ala akupingwila aina Izlaeli imilandu umu ncende zizi zyonsi.