Oseya 9:11 - Amazwi Yakwe Leza 2013

¹¹ Ucindami wa luko lwakwe Efulemu ulapita wa kupapuka kwa cunyi. Yene yatalakwata ana nupya. Aci yao yatalatala yaye pa ukulu, yatalasenda indilwa, awe.

Oseya 9:11 ပူးပေါင်းရင်းမြစ်များ

Utandiko 41:52

Nupya ati, “Leza watampela ana mu mpanga ya ucuzi.” Caleka atemela umwana umonsi wakwe ciili izina ati a Efulemu.

Utandiko 49:22

“Yosefu akoline wa muti uno ukaseeka, muti ukaseeka uno uli pipi ni ntulo ya manzi. Misambo yakweo ikatambilizya pa lung'umba.

2 Samueli 6:23

Mikala, umwana umwanaci wakwe Saulo wasusile wafwa sile ukwaula ku kwatapo umwana.

Yobo 18:5

“Uluswepo lwa muntu mwipe luli nu kuzima. Ni cimbilimbili ca moto wakwe cilata nu kulunkuma.

Masamu 58:8

Leka yaye wa nyonga ikasya itelende muno ipisile. Leka yaye sile wa kapopo akasilola luswepo.

Kasambilizya 6:3

Umuntu angavyala ana umwanda onga nga nu kwikala amanda avule. Lelo ndi atakusansamuka nupya atazisilwe mu mucinzi, lyene nemo ningavwanga ukuti akanya akavyalwa akafwe kazipa ukuluta umuntu wiyo.

Ezaya 17:3

Ku Efulemu kutalaya umusumba wi linga, nu ku Damasiko kutalaya uwene. Aina Alamu alasyalapo yalapupana wakwe cimwi, ungati sile avino cali ku ina Izlaeli.” Ivyalanda Yawe Wamaka yonsi.

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 4:7

“Lino yasimapepo yavulilako, nu kwifya kwao kunondi ikuvulilako. Acino ndasangula ucindami wao kuti uye umuzewanya.

Oseya 5:9

Efulemu alasanguka icitumba apa wanda wa kuvunukwa. Mwe ina Izlaeli cumi kwene nkumunena ukuti cii cilacitika.

Oseya 9:14

Uzye icani we Yawe cino namakulenga ukucitila antu yaa? Si leka aci yao yaye ing'umba, Muleke yaposiwa nu konsya ana yao.”

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Luka 23:29

Pano manda yaliza lino antu yalavwanga yati, ‘Alongo ing'umba, na anaci atatazile yavyale, nga na yao atatazile yonsye.’

Malango 28:18

“Yawe alamutipwila amupeele ana anono sile, ni vyakulya visi vya mpomvu, nga ni ng'ombe ni mbuzi zinono sile.

Malango 28:57

Wene alalya akanya kakwe kumwi ni mbuza ya uvyazi ukwaula ukwankanyako iya nanti umwana wenga pa ana yakwe. Pano wene ala akupanga ukulya vivyo mu umfisolo mu nsita ino anisi yalalizizya umusumba wakwe nga nu mu kwaaziwa mu mwenzo kuno anisi inu yalaleta pali mwemwe mu misumba inu.

Malango 33:17

Yosefu waya ni vimaka vyakwe cipambasi wa ng'ombe, wa mpembe zya mbo. Impembe zyakwe zikoline wa ana yakwe Manase amazimbi na mazimbi. Nupya wa antu yakwe Efulemu amazimbi na mazimbi. Ali mpembe zino akatunkwila antu ya mitundu Nu kuya vwintila ku mpelelekezyo ya nsi.”