Oseya 8:4 - Amazwi Yakwe Leza 2013

⁴ Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Oseya 8:4 ပူးပေါင်းရင်းမြစ်များ

1 Yamwene 12:28

Pacisila ca kwelenganya vivyo, umwene wilya ali pakupanga utwana twa ng'ombe twiili twakwe zaabu. Alino anena antu yakwe ati, “Palengela sana mwemo mwalamwaya ku Yelusalemu ku kupepa. Mwe ina Izlaeli mwe, ala tuleza twinu aetu, utwamufumizye mu mpanga ya Eguputo!”

1 Yamwene 13:34

Imicitile iyo iya kwifya vivyo iyalenzile nu kuti akazi kakwe yononeke, yaye aipe. Nupya iyalenzile kuti yaloviwe pyu panonsi.

1 Yamwene 16:31

Wene walondesyanga ukwifya ukuluta vino Yeloboamu wifizye. Acino wapitilizye ukwifya pakutwala Yezebele umwana umwanaci wakwe Etibaali umwene wa ina Sidoni, nu kutandika kupepa Baali.

Yelemiya 16:20

Uzye antu yangaipangila tuleza? Awe, ndi yacisile cico, ale lyene tutangaya a tuleza.”

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Danieli 3:1

Umwene Nebukadineza wapanzile iciluwi cakwe zaabu, cino mu utali cali amafiti amakumi fundimbali nu mu kusalala namo cali amafiti fundimbali, nga alino aciika mu nyika ya Dula mu muputule wa mpanga ya Babiloni.

Oseya 13:1

Uku mpiti lino aluko lwakwe Efulemu yavwanzile, imitundu yuze ya ina Izlaeli yuvwile intete. Yene yacindike aluko lwakwe Efulemu. Lelo antu yifizye apa kupepa Baali, nga yavunwikwe pa kucita cico.

Oseya 13:11

Mu ukali wane namupiile yamwene, nu mu cipyu cane imupoka nu kuyasenda.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Oseya 2:8

Wene atamanyile ukuti anene nkamupeela ingano, waini umupya nga na mafuta. Wene atamanyile ukuti anene nkamupeela siluva na zaabu umuvule wakwe cimwi, vivyo vino antu yayo yakapangila amaunkolanya yakwe Baali.

Oseya 8:3

Lelo aina Izlaeli yakana ivisuma. Acino anisi yao yalayacocovya.

Mateo 25:12

Lelo nawe ayanena ati, ‘Cumi nemo ntamumanyile.’

Luka 13:25

Mwine wa ng'anda alakatuka nu kuyali cisasa. Lyene mulimilila panzi nu kutandika kukonkonsya ku cisasa nu kuti, ‘Mwene, tuyulileko!’ Nawe alaasuka ati, ‘Ntamanyile kuno mufumile.’

Luka 13:27

Lelo nawe alaasuka ati, ‘Ntamanyile kuno mufumile. Fumini pano, mwe yakacita ya viipe.’

Yoane 10:14

Nene mucemi musuma. Namanya mfwele zyane nga nazyo zyamanya.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?