Oseya 8:3 - Amazwi Yakwe Leza 2013

³ Lelo aina Izlaeli yakana ivisuma. Acino anisi yao yalayacocovya.

Oseya 8:3 ပူးပေါင်းရင်းမြစ်များ

Masamu 36:3

Ivilandwa vyakwe vyonsi iviipe nupya ivyaufi, icakuti atange ailuke nanti ukwiluka.

Nyimbo zya ndosya 3:66

Si ale uyazinganye cipyu cipyu nu kuyalovya muno nsi!”

Nyimbo zya ndosya 4:19

Yayo atuzinganyanga yali nu lwilo ukuluta yacipungu atiyavuka umu lwelele. Yatuzinganyanga umu myamba nu kututeyamila umu lwanga.

Oseya 8:2

Yene yakakuuta kunondi kuti njazwilizye, ala yakuti, ‘Swe ina Izlaeli twakumanya we Leza witu.’

Oseya 8:4

Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Amosi 1:11

Yawe wavwanga wati, “Pamulandu wakuti aikazi aku Edomu yacili yakutwalilila ukwifya, nemo ntalata ukuyavunuka. Yene yazinginye akazi kao ala yalemile amalupanga, ukwaula kuyakwatila uluse, pasi pano yali nu ukali ni cipyu ivitangazusiwa.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

1 Timoti 5:12

Kukwene ukuluvyanya pano yatakusunga ulayo wao wankolelo.