Oseya 6:8 - Amazwi Yakwe Leza 2013

⁸ Gileadi umusumba wa antu akacita iviipe, yene yikalila sile ukukomana epela.

Oseya 6:8 ပူးပေါင်းရင်းမြစ်များ

2 Samueli 20:8

Lino yafika pa ciliwe icikulu umu Gibyoni, Amasa ayakomenkanya. Yoabu ala watazwala ivyakuzwala vya nkondo, nu lupanga ala luli mu cituwo caluko icinyepelelwe ku musipi wakweco. Nga lino akuya pa nkolelo, ulupanga ilusomoka lupona.

2 Samueli 3:27

Lino Abineli wafika umu Hebuloni, Yoabu amusenda pa mbali lwapa mpongolo, kwati akulonda ukulanda nawe umu nkama. Kuku kwene akuno amutota umu lunda. Avino Abineli yamukomile pamulandu wakuti wene wakomile Asaeli umwina wakwe Yoabu.

1 Yamwene 2:5

“Akuno cili icintu nacuze kwene icisi cakwilila. Wiusye vino Yoabu umwana wakwe Zeluya wacisile kunondi, pakukoma yamusika akalamba ya vita vya ina Izlaeli, Abineli umwana umonsi wakwe Neli na Amasa umwana umonsi wakwe Yeteli. Wene wayakomile umu nsita ino kwali umutende apakucita icilanduzi pa mfwa zino yene yalenzile kuti zicitike mu nsita ino kwali inkondo. Wene wakomile antu yano yataali nu mulandu, nga nani nazwala umulandu pali vino wacisile nupya nkuculila mwenemo.

Masamu 10:8

Akateyamila antu mu matete mu mitanda, akoma nu wakaele mu umfisolo. Akayeyetula umupina uku kumucevya na manso aucenjezi.

Masamu 141:4

Utaleka umwenzo wane ulole ukukucita ivintu iviipe nu kuomba imilimo ya ukakasi pamwi na yano yakacita ivyamusalula. Nupya utaleka indye ivyakulya vyao nanti viye ivyamalila uli.

Masamu 59:2

Ntulanye uku antu yaa aipe. Ntuuleko kuli yacikoma yaa!

Ezaya 59:6

Fwandi vino mwemo mukapanga, visi vyakumuombela akantu nanti kamwi foo. Vyene ivyaciwelewele sile. Icili conga sile na vino insalu ino yapikwilwa nu usavu wakwe pengauyo!

Yelemiya 11:19

Nemo natontelile wa kana ka mfwele kano yakutwala ku kufyula. Nemo ntamanyile ukuti anene yakupangila ukuncita cimwi ala yakuti, “Mwe, lekini tukome Yelemiya, tumusinde wa cimuti cino cafikila apa nsita ya kulemba. Katumukome pakuti kutaca kuye nanti umwi uwa kumwiusya nupya.”

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Oseya 12:12

Yakobo utukile ku mpanga ya Alamu. Izlaeli waile alembwa incito kuko kwene kuti asake. Wacemanga imfwele kuti atwale mangu wiyo.

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Oseya 5:1

“Mwe yasimapepo, uvwini vii! Mwe ina Izlaeli mwe, mukutike mwensi.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Milimo 25:3

kuti ace aleke yalete Paulo ku Yelusalemu, pano yalanga yati yumana kapi yateyamila Paulo kuti yamukome.

Yoswa 21:38

Ukufuma mu mutundu wakwe Gadi, yapilwe umusumba wa Lamoti mu mpanga ya Gileadi (umusumba wa kuzinamo umuntu wino yapeela umulandu wa utazi wa katwe), ni misumba ii: Maanaimu,