Oseya 6:7 - Amazwi Yakwe Leza 2013

⁷ “Lelo antu yayo yavuna upangano wane ndi vino Adamu wacisile. Kuku kwene, yene yatali acumi kunondi.

Oseya 6:7 ပူးပေါင်းရင်းမြစ်များ

Utandiko 3:11

Leza amuuzya ati, “Uzye aweni uwali wakunena ukuti uli tupu?” “Uzye watulya iviseekwa vyaku muti uno namuinda ukulyako?”

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

Yobo 31:33

“Nemo ntatala nafisa antu amaifyo yane. Ntatala namaninkizya imilandu yane umu mwenzo wane.

Ezaya 24:16

Tulauvwa inyimbo ukufuma umu nsi yonsi muno yapelela, nazyo zizyo zilaya izyakulumbanya Umulungami. Lelo kwene nemo ne Ezaya, insyakutaila akantu akali konsi! Ala nemo lwati lunsilila! Yacisanguka yacili yakuomba umulimo wao na maunsenunsenu yawo yakulu kukulilako sile.

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Ezaya 48:8

Nemo namanyile ukuti mwemo musi antu akutaila, pano kwene ukufuma sile pano mwavyalilwe, mwemo mwamanyika ningo ukuti mwemwe yacisanguka. Uli mulandu kwene uno mutatala muvwila ivintu vii. Ali cino na mazwi kwene apa vintu vii yatatala yuvwika kunomuli.

Yelemiya 3:7

Nemo ne Yawe nelenginye ukuti apacisila cakucita vivyo vyonsi wene alaweluluka kunondi, lelo atacita cico. Na Yuda kwene kaci wakwe, cizelele muze waciweni cico.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yelemiya 34:18

Antu yano yatiyonona upangano wane, yano yatiyasuula amasunde aupangano uno yacisile apa manso yane, ndayacita wa kang'ombe kano yatiyalepula pakasi, alino kupita pakasi kaviputulwa vyakako.

Yelemiya 5:11

Aina Izlaeli na ina Yuda yansangukila wakwe cimwi. Ivyalanda ne Yawe.”

Yelemiya 9:6

Yene yakomela sile ukucita vyaukakasi ni vyaucenjezi. Yene yaposiwa kumwi nu kumanya ne Yawe Leza wao.

Oseya 5:7

Yene yasi acumi kuli Yawe, caleka ana yao nayo kwene yasi yakwe Leza. Acino ukuzevya kwao kwa inamasi kulayonona kumwi ni vyalo vyao.

Oseya 8:1

Yawe akuti, “Lizini intandala! Anisi yatiyuwa apa mpanga yane wakwe lyang'anda apapela pa nyama. Antu yane yavuna upangano wane, nu kusangukila amalamulo yane.

Loma 5:14

Lelo kufuma pa nsita yakwe Adamu kufika na pa nsita yakwe Mose, imfwa yateekanga antu onsi, pamwi na yao atifizyeko wakwe vino Adamu wifizye pa kuntayela ilamulo lyakwe Leza. Adamu wali ali unkolanya wakwe wiyo uwali nu kwiza.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Ayebulai 8:9

Utalaya wa upangano uno napanzile ni vikolwe vyao pa wanda uno nayatozile ni kasa lyane nu kuyatungulula kuyafumya mu Eguputo. Yene yatali acumi ku upangano uno nacisile nayo. Caleka ntasumvile mano kunoyali.