Oseya 6:6 - Amazwi Yakwe Leza 2013

⁶ Cumi kwene nemo nkalonda ukutemwa ukwa muntaputuka, ukuluta ukumpela sile impolelwa, Nemo nkalonda kuti antu yane yamanye nene, ukuluta ukuntuula amawila yakoca.

Oseya 6:6 ပူးပေါင်းရင်းမြစ်များ

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

Masamu 50:8

Insikumusinkola apamulandu ni mpolelwa zinu foo. Nanti asi apamulandu wa mpolelwa zya koca zino mukantula lyonsi.

Mapinda 21:3

Ukucita ivisuma ni vya ulungi kukasansamusya Yawe, ukuluta ukupeela impolelwa kunoli.

Kasambilizya 5:1

Mwatekela pakuya ku Ng'anda ikulu yakwe Leza. Cazipa ukuya ku Ng'anda ikulu yakwe Leza ku kusambilila kuluta ukupeela impolelwa wakwe vino antu atumpe yakacita, yano yatamanya uyi wao uno yakacita.

Ezaya 1:11

Yawe akuti, “Uzye mwemo mukwelenganya ukuti nkulonda impolelwa zinu zino mwala mwakoozya ukutuula kunondi. Ivimafwele vino mukungocela vyativimfuulila. Nanti sile amafuta ya nyama zinu izisuma nayo kwene yatiyamfuulila. Uwazi wakwe yacipambasi na wakwe yasuuku, na wakwe yasawe nao kwene watiumfuulila.

Ezaya 58:6

Nemo nkuti ukuta ukulya ukwa mpomvu kuno ningatemwa aeku: ukusapula yano yanyepa umu ng'anda yaminyololo pamulandu wa lufyengo. Ukutankola insinga zya makoli yao, ukuta yano yakafyengelekezya pakuti yaikalila aeneco.

Yelemiya 22:16

Wene waputwilanga apina imilandu kumwi na aulilwa, acino wali nu longo muli vyonsi. Uzye vivyo asi ali kumanya nene? Ivyalanda Yawe.

Yelemiya 7:22

Pano lino nafumizye ivikolwe vinu mu Eguputo, ntayanenyile nanti cimwi nupya ntayapiile ni sunde apa mpolelwa zyakoca na pa mpolelwa zyuze zyasyala.

Danieli 4:27

Acino lyene, we musambazi, londela umpandamano wane. Ta ukwifya, wacita visuma, nupya ya nu luse ku antu akucuziwa. Ndi wacita vivyo, lyene ulatwalilila kuya nu longo.”

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Oseya 2:20

Ndakutaisya muli ucumi, nga nawe ulamanya ukuti nene indi Yawe.”

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Amosi 5:21

Yawe wavwanga wati, “Amanda inu a vimulo vyamapepo nayapata nupya nsizangila mu ukongano winu uli onsi uwa mapepo.

Mika 6:6

Uzye namatwalila Yawe cani, lilyo lino nkuya ku kukupepa Leza Wapapela? Uzye namamutwalila ana ya ng'ombe amwaka onga kuti nkamutuulile amawila akoca?

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Mateo 12:7

Lelo ndi cakuti mwamanyile vino mazwi yaa yakusenula akuti, ‘Nkulonda kuti mwalanga uluse ku antu yauzo kuluta kundetela impolelwa,’ lyene mutangavunuka yano asi na mulandu.

Mateo 5:7

Alongo antu yano yakaya na mizu ku auze. Pano Leza nawe alaya na mizu kunoyali.

Mateo 9:13

Acino kasambililini mazwi mu malembelo vino yakusenula, yano akati, ‘Nkulonda kuti mwalanga uluse ku antu yauzo kuluta kundetela impolelwa.’ Ntiza kukwama aololoke, lelo nizila yakaifya.”

Mako 12:33

nu muntu alinzile kutemwa Leza nu mwenzo wakwe onsi, na mano yakwe onsi, na maka yakwe onsi, nga nu kutemwa umuze ndi vino waitemwa. Kuyela Masunde ya yaili kwaluta impolelwa zya koca nga nu wila onsi.”

Yoswa 5:5

Antu yonsi afumile mwenemo yasilamwilwe, lelo antu yonsi avyalilwe mu lwanga mu nsita iya lwendo ukufuma mu Eguputo walanga yatali yasilamulwe.

1 Yoane 2:3

Ndi tukayela masunde yakwe Leza, ale lyene tukusininkizya vino twamumanya.

1 Yoane 3:6

Acino umuntu ali wensi wino akaikala muli Klistu wene asyaifya. Muntu ali wensi wino akaifya wene atatala wamulola nanti kumumanya.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.