Oseya 6:5 - Amazwi Yakwe Leza 2013

⁵ Acino nemo namutumile yakasema yane, kuti yize yamunene ilandwe lyane lya uputuzi nu kononwa. Cino nkasi kuti mucite cili apaswe nupya icangupale ukuuvwa.

Oseya 6:5 ပူးပေါင်းရင်းမြစ်များ

Utandiko 18:25

Cumi utangonona antu akacita vyawololoke pamwi na ankota. Citangaya, wemo utangacita cico. Ndi avino ungacita, ale lyene antu akacita vyawololoke yangavunukilwa kumwi na ankota. Awe, citangaya! Kapingula wa antu amu nsi yonsi asi uwalufyengo.”

1 Yamwene 14:6

Acino lino Aiya uvwa umutinti wakwe mangu wilya apa mulyango, avwanga ati, “Ingila. Nemo manyile ukuti wewe muci wakwe Yeloboamu. Uzye pacani cino ukuicita kwati wewe muntu muze sile? Nkukwatile amazwi aulanda.

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

1 Yamwene 18:17

Lino Aabu walola Eliya, amunena ati, “Uzye asi awewe, we muntu kacita wa vimvulunganya ku ina Izlaeli?”

1 Yamwene 19:17

Wensi uwafyufyuntuka ukukana komwa na Hazaeli, Yeu alamukoma. Alino wensi uwafyufyuntuka ukukana komwa na Yeu, Elisya alamukoma.

2 Yamwene 1:16

Alino Eliya anena umwene ati, “Yawe wavwanga wati, ‘Pamulandu wakuti wali watuma inkombe kuti zikuuzye kuli Baali Zebubi, kaleza ka antu aku Ekiloni, kwati limwi mu Izlaeli mutaya Leza wakuti unguzya, fwandi wemo lyene utakupola awe. Lelo umafwa.’ ”

2 Milandu 21:12

Alino wapokelile kalata wakwe kasema Eliya uwa kumusopesya nu kumulondolwela ati, “Yawe, Leza wa cikolwe cako Davidi wavwanga wati, ‘Wemo utakulondela icilangililo ca cikolwe cako Yeosafati, nanti cakwe Asa umwene waku Yuda.

Yobo 15:30

Atangafuma umu kanda. Icimbilimbili cilumika insaala zyakwe. Umuza ulasenda maluwa yakwe.

Yobo 34:10

“Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

Masamu 37:6

Alalenga nu kuti usuma wako wayengesa wa luswepo, nu ulungami wako ulawala wakasanya apakasi kamutwe.

Ezaya 11:4

Lelo umololoke wene alaputula imilandu ya antu aulilwa, nga nu kupingwila alanda amunsi umu ulungami. Izwi lyakwe lili wa ntuwa ya kuumila alukang'ansi aipe. Nu mupu wamu mulomo wakwe ulakoma umwipe.

Ezaya 58:1

Yawe wavwanga wati, “Pundisya utacilikizya izwi lyako! Uwangulisye wi penga! Kalipila antu yane apa kusanguka kwao, unenole na ang'anda yakwe Yakobo apa maifyo yao.

Yelemiya 1:10

Ilelo nakupeela amaka pa mitundu na pali yamwene yayo, amaka ya kutukulula nu kuongolola, amaka akonona nu kulovya, akukuula nu kulema.”

Yelemiya 1:18

Namakusangula umusumba wi linga, ulucesi lwa cela, ilinga lya mukuwa lya kulwisyanya ni nsi yonsi. Yamwene aku Yuda, ivilolo vyao, yasimapepo yao kumwi na ikala nsi yonsi.

Yelemiya 13:13

Lyene uyaasuke uti, ‘Nemo ne Yawe indamwesya antu amuno mpanga waini, mpaka sile yace yakoleke. Calola mukuti yano ndamwesya a yamwene, amu mupanda wakwe Davidi, yasimapepo na yakasema ukwikapo na ina Yelusalemu yonsi.

Yelemiya 23:29

Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

Yelemiya 5:14

Acino Yawe avwanga kunondi ati, “We Yelemiya, pamulandu wakuti antu yaa yatiyavwanga ivintu vyamusango ndi uu, nemo ndaleka amazwi yane yaye wa moto umu tunwa twao. Nupya antu yaa yalaya wa nkwi, nga nu moto ulayoca mpaka yalokote.”

Ezekelo 11:4

Icaleka fwandi, yasesemele ilovyo. Sungala uyasesemele, we mwana wa muntu!”

Ezekelo 3:9

Nkukukomya ukuluta ni iwe, ukuluta na kaliwe kakankala kakwe daimondi akakome wa nkomolo, ala antu yaya utakayoope foo, pano yaya uluko ulutalame.”

Ezekelo 32:18

“We mwana wa muntu, losya wakwe cimwi pamulandu wa antu avule amu Eguputo, nga yene pamwi na antu amu mpanga zyuze uyatwale pansi mu mpanga ya afwe.

Ezekelo 43:3

Icilolwa cino naweni cali wa cilolwa cino naweni lino wene wizile ku konona umusumba wa Yelusalemu. Nupya cali wa cilolwa cino naweni pipi nu Luzi lwa Kebali. Lyene impona pansi, ala mfupime.

Zefaniya 3:5

Lelo Yawe acili mu musumba uo, nupya wene akacita vyaololoke. Wene asicita iviipe. Cila katondo wene akapingwila antu yakwe, ukwaula kuposiwa. Lelo yakaifya yakatwalilila ukucita iviipe nupya yasi na nsonyi.

Milimo 7:31

Mose azunguka pali cino walola, nga apalama pipi kuti alolekesye. Lelo auvwa izwi lya Mwene likuti,

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Efeso 6:17

Pokelelini ufyusi, uye wa ngowani, nga na mazwi yakwe Leza yano Mupasi Wamuzilo akamupeela, nayo yaye wa lupanga.

Ayebulai 4:12

Izwi lyakwe Leza ilya umi nupya likuomba. Lyene lyakalipa kuluta lupanga luno lwanyolwa konsi koili. Lyene likaputula nu kupenka monsi, kufika pano umi nu mupasi vyakomana, na muno yanamfyumfyu ni mimfyompo vyakomana lyene likapingula vilondwa, nu kwelenganya kwa mu mwenzo wa muntu.

Umbwilo 1:16

Wene walemile intanda cinimbali mwi kasa lyakwe lilunji, nga mu mulomo wakwe mufuma lupanga lukali koili. Nu usyu wakwe wali suyengese wi lanzi lyafika mutwe papela.

Umbwilo 2:16

Acino ndakai zenzukini. Ndi mutazenzwike, ndiza zuwa kunomuli nu kulwisya antu yao ku lupanga luno lukafuma mu mulomo wane.

Umbwilo 9:15

Caleka angeli yasapulwa. Pano pali aawa kwene wilya, pa wanda ulya, mwezi nga nu mwaka ulya, Leza wayateyanyizizye kukoma ciputulwa conga mu viputulwa vitatu vya antu onsi.

Umbwilo 9:21

Nupya yene yatazenzwike ku utazi wa katwe, ku ulozi wao, ku ulenzyo nga nu ku wivi.

1 Samueli 13:13

Samueli nawe amwaasuka ati, “Waliwacita ivyauwelewele. Watukana ukusunga isunde lino Yawe Leza wako wakunenyile. Ulisunga sile, wene wange aleke wewe na amu mupanda wako yateeka aina Izlaeli amanda pe.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.

1 Samueli 15:32

Lyene Samueli amunena ati, “Aleni ndetelini Agagi umwene wa ina Amaleke.” Acino Agagi aiza kunoli ala akuzakaza sile ku ntete nga avwanga ati, “Cumi kwene ukusakamikwa pa ukali wa mfwa kwasila.”

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.