Oseya 5:6 - Amazwi Yakwe Leza 2013

⁶ Lino antu yasenda imfwele zyao ni ng'ombe zyao kuti yakapele impolelwa apa kulondalonda Yawe, yene yatalamuzana, pano wene watayasya.

Oseya 5:6 ပူးပေါင်းရင်းမြစ်များ

Kufuma 10:9

Mose aasuka ati, “Swensi pyu tumapita pamwi na ana itu nga na akote kwene. Tukusenda ana itu aonsi na anaci, imfwele ni mbuzi nga ni ng'ombe, pamulandu wakuti tulinzile kuyazevya cimulo ca kucindikilamo Yawe.”

Mapinda 1:28

Ali lino mulangama lelo ntalamwasuka. Mulandondelezya lelo mutalanzana.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Lwimbo lwakwe Solomoni 5:6

Awe lino namuyulila mukundwe wane, indola asipo, fwandi ala watapita mpiti, lyene icimbaya, pamulandu wa kongoloka kwakwe. Alino ntandika ukumulonda, lelo mposiwa kumuzana. Inaama, inaama mwe, awe asi wakwaasuka foo.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Yelemiya 11:14

Alino cino fwandi wemo we Yelemiya utezya ukupapatilako antu yayo. Utanguzya nanti cimwi cakuti njacitile. Lelo yamaculanga nemo ntakusumbanga kweneko amano nanti yangalaizya uli tutulwe.”

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 7:4

Tiini ukutaila mu mazwi yalya ausomvi nu kuvwanga muti, “Sweswe yacingililwe! Ii, ili Ng'anda ikulu yakwe Leza, ii ili Ng'anda ikulu yakwe Leza, ii ili Ng'anda ikulu yakwe Leza!”

Nyimbo zya ndosya 3:44

Wemo waifupilizya ni kumbi ilifitisye, muno amapepo itu yatange yapuzye.

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Ezekelo 8:6

Nga anena ati, “We mwana wa muntu, uzye walola vino yakucita? Uzye walola ivya winyi vyonsi vino ang'anda yakwe Izlaeli yakacita kuno, apa kunzinga umu cifulo cane icicindame? Lyene, umalolako ni vyawinyi vino vilusilepo.”

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Amosi 8:12

Antu yalakawala konsi konsi ukutandikila sile kuli yemba wenga mpaka kuli yemba muze, nga yafume yakulondalonda amazwi yakwe Yawe ukufuma ku katutu mpaka ku ufumondaka. Lelo yatalayazana, awe.

Mika 3:4

“Ala insita iliza lino mulakuuta kuli Yawe kuti amwazwe, lelo wene atalamwasuka. Pa nsita kwene iyo wene ataluvwa inkuuta inu pamulandu wa nkota zinu.”

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.

Luka 5:16

Lelo Yesu watalanga ayasya aya ku cifulo cili cele akuno aya apepa.

Yoane 7:34

Mulandonda, lelo mutalanzana, pano mwemo mutangaya kuno ndikala.”