Oseya 5:15 - Amazwi Yakwe Leza 2013

¹⁵ “Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Oseya 5:15 ပူးပေါင်းရင်းမြစ်များ

Utandiko 42:21

nga yavwanzyanya yati, “Cumi ndakai twavunukwa pamulandu wakwe vino twacisile ku muto witu lino twaweni vino ali mu ntazi, nga na vino wapapatanga kuti tuwake umi wakwe. Lelo swemo tutuvwile kupapata kwakwe. Cii icingalenga kuti tuye mu ntazi ndi ii.”

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Yobo 33:27

Cila wenga alalanda apaswe ati, ‘Nati niifya nu kucita ivitalinzile ukucita, lelo Leza wene wantekelela.

Masamu 107:13

Nga alino yalaizye kuli Yawe umu ulanda wao.

Masamu 107:19

Nga alino umu ulanda wao iyalilila Yawe nga nawe ayapususya umu ntazi zyao.

Masamu 107:28

Nga alino umu ulanda wao iyalilila kuli Yawe, nawe ayapususya umu ntazi zyao.

Masamu 107:6

Umu ulanda wao iyalilila Yawe, nawe ayatuula umu ntazi zyao.

Masamu 132:14

Wene wavwanga wati, “Paa, ali pano ndaikala nu kupuzila pee na pee. Ali pano ndikala pano ili ncende ino nasolola.

Masamu 50:15

Mwemo mwandaizya sile ndi mwazanzwa na malanda. Nemo namamutasyanga, namwe mumandumbanyanga.

Masamu 78:34

Lino wakomilepo yamwi asile penepo, yamwi ali pakuwelulukila kunoli, iyazenzuka nu kuzenzuka nupya iyamupepa wakwe cimwi.

Masamu 83:16

Uleke insonyi ziyaleme apa manso yao, suka sile yalonde izina lyako, we Yawe Leza.

Mapinda 8:17

Natemwa yayo antemwa, na wiyo uwacincila ukundonda akanzana.

Ezaya 18:4

Yawe wavwanga kunondi wati, “Kuno nemo nkaikala, namaya cele nu kulolekesya sile, ndi vino akasanya ka kayenkema umu manso, lino ilanzi lyawalisya, ungati akungwi wiya wino akaya kweneko, lino kwaya icipuki icisanya apa nsita ya uzombozi.”

Ezaya 26:16

We Yawe, wapezya antu yako, alino umu ulanda wao ali pakupapata kunuli.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Ezaya 26:9

Apa nsita ya usiku nkakuluuka wakwe cimwi. Lino ulalolwela aikala nsi, ali lino yonsi yalamanya ulungami vino waya.

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Nyimbo zya ndosya 3:40

Ala lekini twaelenganya apa miyele itu, apakuti twaweluluka ku Mwene.

Ezekelo 10:4

Nu ucindami wakwe Yawe ali pakufuma apapela yakwe yakelubi, nu kuya ku mulyango wa ng'anda yakweyo. Ni kumbi ilifupa monsi mu ng'anda iyo, cakuti nu musolo onsi uyengesa sile pamulandu nu ucindami wakwe Yawe.

Ezekelo 11:23

Uluswepo luyengeses lwakwe Yawe ilufuma mu musumba nga ilulungama ku mwamba lwaku ufumondaka wa musumba uo.

Ezekelo 20:43

Alino mulaiusya ivintu vyonsi vyawinyi vino mukacita, navino mukaikowezyako mwe eneco. Ku mwenzo kulasalokwa pamulandu wa vintu viipe vyonsi vino mukacita.

Ezekelo 36:31

Alino mulaiusya imipitile inu iipe yampiti, ni micitile inu yampiti iipe, alino lyene namwe kwene mulavipata pamulandu wa uyi wakwevyo nu winyi wakwevyo.

Ezekelo 6:9

Mumo ali muno yalaikala uzya nu kunjiusya ali kuno yalanjiusizya nu kumanya ukuti anene nayafulwile nu kuyalenga insonyi. Pasi pano yamfumizyeko amano, yali nu lwiswa lwa tuluwi, nemo yansuuzile. Ukuya kwene yalaisuula aeneco pamulandu wa viipe ni vyawinyi vino yacitanga.

Ezekelo 8:6

Nga anena ati, “We mwana wa muntu, uzye walola vino yakucita? Uzye walola ivya winyi vyonsi vino ang'anda yakwe Izlaeli yakacita kuno, apa kunzinga umu cifulo cane icicindame? Lyene, umalolako ni vyawinyi vino vilusilepo.”

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Oseya 5:6

Lino antu yasenda imfwele zyao ni ng'ombe zyao kuti yakapele impolelwa apa kulondalonda Yawe, yene yatalamuzana, pano wene watayasya.

Mika 1:3

Lola! Yawe akwiza ukufuma ku Ng'anda yakwe ikulu ya mwiyulu. Wene akwika nga akulyatokela pa tunsonsi twa myamba.

Mpendwa 21:7

Alino antu yiiza kuli Mose yamunena yati, “Twatituluvyanya pa kuilizyanya kuli Yawe na kuli wewe kwene. Si tupapatileko kuli Yawe, pakuti afuntusye inzoka zii kunotuli.” Acino Mose nawe ayapapatila kuli Yawe.

Luka 13:25

Mwine wa ng'anda alakatuka nu kuyali cisasa. Lyene mulimilila panzi nu kutandika kukonkonsya ku cisasa nu kuti, ‘Mwene, tuyulileko!’ Nawe alaasuka ati, ‘Ntamanyile kuno mufumile.’

Yakapingula 4:3

Yabini wakweti amaceleta imyanda fundimbali a vyela. Wene wateesile aina Izlaeli mu uluku. Caleka aina Izlaeli iyakuuta kuli Yawe kuti ayazwe.