Oseya 5:14 - Amazwi Yakwe Leza 2013

¹⁴ Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Oseya 5:14 ပူးပေါင်းရင်းမြစ်များ

Yobo 10:16

Nanti ningati nkanjitwale apankolelo, wemo ale umandunga kwati avino cisama akalunga. Nupya apakuncuzya ukaswilizyapo ukucita ivipezyamano.

Yobo 10:7

Nu kumanya wamanya ningo sana ukuti nene wakaele. Wamanya ningo ukuti kutalatala kuye umuntu nanti umwi wino alezya ukumfyombotola ukufuma mu makasa yako.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Masamu 7:2

pano limwi yangiza yantakoole wakwe cisama, nu kundepola ukwaula nu wakuti antuule kweneko.

Ezaya 5:29

Asilika yayo yakung'anza wakwe yacisama ati yalema inyama nu kuzitakanya, apakuti kutaya nanti umwi uwakuzipokolola.

Yelemiya 25:38

Cisama watakatuka mu cifulo cakwe ni mpanga yao yatisanguka ulwanga pano ulupanga lwa ononyi lwatiluyakoma ni cipyu cikali cakwe Yawe caticiyaponela.”

Nyimbo zya ndosya 3:10

Wene watanteyamila wa cilyanyi cinsekete, wamvwangatila wakwe cisama.

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Oseya 2:12

Ndonona imiti yakwe ya miolivi ni misamvu kwene iyo ino wene wavwanzile ukuti, ali malipilo yano akambwe yakwe yamulipa. Ndaisenula iye imisitu, nga inyama zya mpanga zilailya kuku kwene.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Amosi 2:14

Uwa lwilo atalapuuka awe, nu waulamba atalaya na maka. Ni cita citalaituula awe.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

Malango 28:31

Yalakomola yamasaye inu pa manso inu ale mukulola, lelo mwemo mutalalya inyama zyao awe. Yalasenda na yapunda inu lino mwemo mukulolekesyako sile, ukwaula kuti yayawezye. Imfwele zinu zilapelwa ku anisi inu, nga mutalalola nanti aumwi uwakuti amutuule.

Malango 32:39

“ ‘Nemo, nenga mpo, nene indi Leza. Kutaya leza namuze. Nkakoma nupya mpeela umi, nkacisa nupya mpozya, kusi nanti wenga angamufumbatula mu makasa yane.