Oseya 4:15 - Amazwi Yakwe Leza 2013

¹⁵ “Nanti angala aina Izlaeli yakalongozya, lelo antu aku Yuda yataya nu mulandu ndi uo. Yatezya ukuya ku kupepa ku Giligali nanti ku Beti Aveni. Nupya yatezya ukulapa nu mulapo ala yakuti, ‘Umwi zina lyakwe Yawe waumi!’

Oseya 4:15 ပူးပေါင်းရင်းမြစ်များ

2 Milandu 17:4

Watumikilanga sile Leza wa cikolwe cakwe nu kuyela amalamulo yakwe, ukwaula ukulondela ivicitwa vyakwe yamwene aku Izlaeli.

2 Milandu 21:11

Apatandikile nu tuvuwa twa kupepelamo utuluwi twaku mpanga ya myamba yaku Yuda. Nupya wene watungulwile na antu aku Yelusalemu kuti yatakwata icumi nu kuponzya aingi aku Yuda.

Ezaya 48:1

Uvwini kuno mwe ang'anda yakwe Yakobo, mwemuno mukaamilwa kwi zina lyakwe Izlaeli, mwe amu mupanda wakwe Yuda. Mwemuno mukalapa mwi zina lyakwe Yawe, nu kwama Leza wakwe Izlaeli ukwaula ufumacumi nu wololoke.

Yelemiya 44:26

Lelo kwene mungala muvwe ukwizwi lyakwe Yawe mwe ina Yuda mwensi, mwemuno mukaikala umu Eguputo. Yawe akuti, ‘Nalapa umwi zina lyane ilikulu ndi vino, monsi sile umu mpanga ya Eguputo, yatalatala yalumbule izina lyane uku mwina Yuda nanti wenga yati, “Nalapa umwi zina lyakwe Yawe wa umi wa pee.”’

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Oseya 10:5

Antu aikala mu musumba wa Samaliya yaluvwa intete, nga yalalosya ukononwa kwa unkolanya wa mwana wa ng'ombe, waku Beti Aveni. Yene apali pamwi na yasimapepo yakweo yaya yalalosya leza wao wiyo, pamulandu wakuti ucindami wakwe onsi wasendwa.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Oseya 11:12

Yawe akuti, “Aluko lwakwe Efulemu yanzinguluka nu ufi. Aina Izlaeli yakatumpoka wakwe cimwi. Aluko lwakwe Yuda nayo kwene yatiyamfutatila ne Leza, Wamuzilo wilya nupya uwacumi.”

Oseya 12:1

Vyonsi vino Aluko lwakwe Efulemu yakacita ukutandikila akatondo mpaka usiku ivyasilesile, nupya vikaonona. Ucenjezi ni vicitwa vya usomvi vikusanduluka pakasi kao. Yene yakapangana na ina Asilya nu kucita uculuzi na ina Eguputo.

Oseya 12:11

“Lelo antu yakupepa utuluwi ku Gileadi. Yayo akapepa utuluwi tuto yalafwa. Yene yakapela impolelwa uku Giligali, lelo utuvuwa twao kuku tulaongololwa tuye wa mutumba wa mawe umu musonso.

Oseya 12:12

Yakobo utukile ku mpanga ya Alamu. Izlaeli waile alembwa incito kuko kwene kuti asake. Wacemanga imfwele kuti atwale mangu wiyo.

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Oseya 5:8

Lizini intandala mu Gibeya, lizini ipenga mu Lama! Sanzulini kupunda kwa ulwi mu Beti Aveni! Mwe aku Benjamini si tungululini!

Oseya 9:15

Yawe akuti, “Uyi wao onsi ulaloleka makamaka ku Giligali. Kuku akuno natandike ukuyapata. Ndayazinga mu mpanga yane, pamulandu wa vicitwa vyao iviipe. Ntalatala njatemwe nupya. Intunguluzi zyao zyonsi zyansangukila.

Amosi 4:4

“Yangini ku ncende yamuzilo ku Betele, mutandike nu kwifya kweneko. Yangini ku Giligali mulundulule nu kwifya. Letini amawila inu yonsi a cikumi cila manda yatatu.

Amosi 5:5

Lelo mutakongana ku Betele ku kupepa, nanti ukwingila mu Giligali ku kundonda, nanti ukuya pa lwendo ku Belisyeba. Cumi kwene aina Giligali yalasendwa umu uzya, nu musumba wa Betele ulaongolokela limwi.”

Amosi 6:10

Uwa kazi kakwe wiyo uwatafwa, wiyo alinzile kusunga indosya aliza nu kwizafumya icala umu ng'anda iyo. Alino aluzya ali wensi uwatasyala afisime umu ng'anda kwene ilya ati, “Uzye mumo muli umuntu namuze umupuma wino muli nawe?” Nga nawe alaasuka ati, “Awe, musi nanti wenga.” Alino uwakazi wilya alavwanga ati, “Ikala sile myaa! Tutezya ukulumbula izina lyakwe Yawe.”

Amosi 8:14

Yayo yano yakalapa mwi zina lyakwe Asyimaa, kaleza kaluwi ka ina Samaliya, yavwanga yati, ‘Icumi vino leza winu waku Dani ali nu umi,’ nanti yati, ‘Icumi vino leza winu waku Belisyeba ali nu umi,’ nalapa ukuti yonsi kwene yalawa, ukwaula kukatuka nupya.”

Efeso 5:11

Mutaya nu utandano na yakacita ya milimo yamu mfinzi. Lelo mu cifulo cakwe cii mulinzile kuleta milimo iyo ku luswepo.

Yoswa 5:9

Lyene Yawe anena Yoswa ati, “Ilelo natimfumya ukunenola kwa ina Eguputo panomuli. Acino na pilelo kwene icifulo cici cikaamwa ukuti Giligali.”

Yoswa 7:2

Yoswa apali pakutuma antu yamwi ukufuma ku Yeliko iyaya ku Ai, pipi nu ku Beti Aveni lwaku ufumondaka waku Betele, nga ayanena ati, “Pitangini mutumbele mukalengule impanga ilya.” Acino antu yalya iyapita iyaya yalengula umusumba wa Ai.