Oseya 4:14 - Amazwi Yakwe Leza 2013

¹⁴ Lelo ntalavunuka ana inu anaci pamulandu wa uzelele wao, ntalavunuka yanyokovyala pamulandu wa kulongozya kwao. Pano mwe onsi namwe mukapita na yacizelele, nu kupeela impolelwa pali pamwi na yacizelele aku ncende yakupepelapo. Antu aulilwa amano yalononeka.

Oseya 4:14 ပူးပေါင်းရင်းမြစ်များ

1 Yamwene 15:12

Wene wafumizye yacizelele amu mpanga ilya nu konona utuluwi tonsi tuno isi wapanzile.

2 Yamwene 23:7

Atamola ni miputule iyali mu Ng'anda ikulu yakwe Yawe, muno mwikalanga aonsi acende na anaci yacizelele. Umu miputule iyo kwene amuno anaci yapikwilanga imingila ino yaomvyanga apa kupepa Asyela.

Mapinda 28:5

Antu akaifya yasitezya ivya ulungami. Lelo yayo akaopa Yawe alio yakatezya vyonsi.

Ezaya 1:5

Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Ezaya 56:11

Intunguluzi zizyo zyaya wakwe yasimbwa, yakalya mukululu. Intunguluzi zimwi imbulwamano. Zyonsi sile yonga yonga zikacitila ivintu muno zitemilwe. Zikalondelela sile ulonsi.

Danieli 12:10

Antu avule yalasangululwa. Yayo akacita vyaukakasi yatalasangululwa, lelo yalatwalilila ukuya aukakasi. Kusi nanti wenga muli yayo akacita vya ukakasi wino aliiluka, suka sile yayo akwata amano.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Oseya 4:17

“Antu aku Efulemu yakonelela ku kupepa utuluwi, yatini sile!

Oseya 5:4

Imilimo yao iipe isiyazumilizya ukuwelela kuli Leza wao, pano yakweti imyenzo yakuntataila, nupya yasizumila vyapali Yawe.

Amosi 2:7

Apina yene yakayacenjezya ukupitila mu kulamoka. Yene yasilonda nu kulola acuzi. Isi nu mwana umonsi yakalongozya nu mwanaci umuomvi wao ali umwi kwene, cakuti yifya ni zina lyane ilya muzilo.

Amosi 7:17

Caleka Yawe akuvwanga ati, “Umuci wako alaya cizelele mu musumba kwene uu. Alino ana yako aonsi na anaci kwene yalakomwa mu nkondo. Impanga yako alayankanya nu kuipeela ku antu yauze. Wemo wemwisikulu ulafwila ku mpanga ya antu atamanya Leza. Alino umucumi aina Izlaeli yalasendwa kuku umu uzya, ukutali ni mpanga ya kumwao.”

Mpendwa 25:3

Acino lyene aina Izlaeli iyatandika nu kufukamila Baali uwaku Peoli. Yawe nawe ali pa kusokela aina Izlaeli.

Yoane 8:43

Uzye pacani musyakutezya vino nkuvwanga? Apamulandu wakuti mwaposiwa ukuvwa mazwi yane.

Loma 3:11

Kusi umuntu nanti wenga akauvwikisya, nanti akalonda Leza.

1 Kolinto 6:16

Nanti uzye mutamanya vino umuntu wino akalundanya mwili wakwe kuli cizelele ala wene waya mwili onga pamwi nawe? Calembwa paswe mu malembelo cati, “Oili yalaya umwili onga.”

Efeso 4:18

nupya myenzo yao yaya mu mfinzi. Yene yasikuma mu umi uno Leza akapela, pano yakomya imyenzo yao nupya yene atuutu.

Malango 23:17

“Pano muli kutakaye umonsi nanti umwi uwakuya kacita wa uzelele uwaku Ng'anda ikulu yakwe Leza.

Ayebulai 12:8

Ndi musyasundwa wakwe vino ana yakwe yonsi yakasundwa, ala cikusenula vino musi ana yakwe acumi. Lelo ale mwemwe ana amu uzelele.