Oseya 4:1 - Amazwi Yakwe Leza 2013

¹ Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Oseya 4:1 ပူးပေါင်းရင်းမြစ်များ

1 Yamwene 22:19

Mikaya alondekanya penepo ati, “Ale tala uvwa kuno vino Yawe akulanda. Nemo nalinalola Yawe atenzi pa cilimba cakwe ca wene, nga na angeli yonsi ala yatiyimilila umu mbali.

Masamu 81:9

Mutezya mwaya na kaleza akaluwi, nanti ukupepa tuleza utuluwi utwa inamasi.

Ezaya 1:10

We Yelusalemu, ala yakateeka na antu yako yatapusine na yaya ali amu Sodoma nu mu Gomola. Si angala muvwe vino Yawe akulanda kunomuli. Sumbini amano kuli vino akumusunda.

Ezaya 1:18

Yawe akuti, “Lekini tuvwane lyene. Amaifyo inu nanti yangayenzya cee, nemo namayafula nga nayo yamaswepa mpe wakwe kungwi wa katondotondo. Nanti angala yangayenza cee wa wazi, awe cumi namayaswefya mpee, wakwe pamba.

Ezaya 28:14

Mwe antu ya vilumba mwe! Mwe muno mukateeka antu amuno Yelusalemu, uvwini vino Yawe akuvwanga

Ezaya 34:1

Palamilini kuno mwe antu amitundu yonsi, kolonganini apakuti muvweko. Antu yonsi yano yikala pano nsi kaize yuvwe kunondi.

Ezaya 34:8

Ilaya ili nsita ino Yawe alapususizyamo Zioni, nu kulandwilapo anisi yakwe.

Ezaya 5:3

“Ale lyene fwandi, mwe ina Yelusalemu tuputwilini umulandu wakwe cuza wane ni calo ca matingi.

Ezaya 59:4

Mwemo nanti mwaya ku vilye vya milandu, imilandu ino mukalolwela auzo iyalufyengo sile. Mwakomela sile ukusomba ufi apakuti mwemwe icilye camuyela. Mukaya kweneko ala mwatimupanga umwakufyengelekezya auzo.

Ezaya 59:8

Mutamanya inzila ya longo, mutaya ulungami umu nzila zinu, izinyongane sile. Na wiyo wensi akapita mwenemo atakwata ulongo foo.

Ezaya 66:5

Uvwini kuno mwemuno mukaoopa ne Yawe! Anyonko, yano yamupata, yano yamusuula pamulandu sile ni zwi lyakwe nene, yakamuwela ala yakuti, “Ale tumamulozyanga vino mumasansamukanga. Yawe kamulange tuvwe vino wacindama na vino angamupususya. Kwene antu yayo yalazewanilapo sile!

Yelemiya 11:7

Pano ukufuma sile lino nafumizye ivikolwe vyao mu Eguputo, nayasopesizye wakwe cimwi ukuyela amazwi yane. Ukufika sile na pilelo nemo natwalilila ukusopa antu yane.

Yelemiya 19:3

Fwandi nawe Yawe ali pakunena ukuti inene antu inti, “Mwe yamwene amu Yuda, na mwe ina Yelusalemu, siuvwini amazwi yakwe Yawe Wamaka yonsi, Leza wa ina Izlaeli. Wene akuti, ‘Nemo nasya ndete uononesi uo uno umawawatanga numu matwi ya antu yano yamauvwanga kweneko.

Yelemiya 2:4

Mwe ang'anda yakwe Yakobo, mwe nko zyonsi zya ina Izlaeli, uvwini amazwi yakwe Yawe.

Yelemiya 2:9

“Fwandi ne Yawe namamupeela nupya umulandu, ivyalanda Yawe. Ndapeela ni vizikulula vinu umulandu.

Yelemiya 25:31

Alino cilulumo cakwe cuvwika mpaka nu kumpelelekezyo ya nsi. Pano Yawe akusinila imitundu ino yaleta antu yonsi uku cilye. Aipe alayapingwila ukukomwa.” Ivyalanda ne Yawe.

Yelemiya 34:4

Lelo kwene ungala utezye amazwi yano ne Yawe nkukunena, we Zedekiya mwene waku Yuda. Wemo utalakomwa umu ulwi foo.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Yelemiya 5:4

Lyene nani nelenganya inti, ‘Antu yaa apina sile. Yene awelewele. Pano yatamanyile vino Leza akalonda, na vino wene akasi kuti yacita.

Yelemiya 51:5

Pasi pano ne Yawe Wamaka yonsi, ne Leza wao, ntatazyela Izlaeli nanti Yuda, nanti angala yene yifya kunondi, ne Wamuzilo wilya wakwe Izlaeli.

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Yelemiya 9:20

Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.

Yelemiya 9:3

Lyonsi sile yene yatemwa ukusomba vyaufi. Yene intumpu azino zyateeka insi. Yawe wavwanga wati, “Antu yane yakomela sile ukucita ivintu viipe, nupya yakana nu kumanya.

Yelemiya 9:7

Caleka pamulandu wakwe cico Yawe Wamaka yonsi wavwanga wati, Namaengulula antu yane wa mukuwa nga lyene njezye nu kuyezya. Antu yane yacita iviipe. Uzye lyene icani cuze cino ningayacitila?

Ezekelo 16:35

Lyene we Yelusalemu cizelele wakantu, uvwa vino ne Yawe nkukunena!

Oseya 12:2

Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.

Oseya 12:3

Walanga acili mu ndilwa yakwe nyina, Yakobo wapilikisyinye nu mwina, nga lino wakuzile alwisyanya na Leza.

Oseya 5:1

“Mwe yasimapepo, uvwini vii! Mwe ina Izlaeli mwe, mukutike mwensi.

Oseya 5:4

Imilimo yao iipe isiyazumilizya ukuwelela kuli Leza wao, pano yakweti imyenzo yakuntataila, nupya yasizumila vyapali Yawe.

Yowelo 1:2

Mwemo mwe ikolo, siuvwini. Teyini amatwi, mwensi mwemuno mwikala mu mpanga ya Ayuda. Uzye vii vino mwalola vyatala vyamuponela umu nkulo inu nanti umu manda ya vikolwe vinu?

Amosi 3:1

Mwe uvwini amazwi yano Yawe wavwanzile, amazwi akumukalipila mwe ina Izlaeli. Kuli kuti uluko lonsi luno wafumizye mu mpanga ya Eguputo. Wene wavwanzile ati,

Amosi 7:16

Uli mulandu uno lyene uvwe amazwi yano Yawe akuvwanga. Wemo wavwanga wati, “Utasemela aina Izlaeli pakuti njasoke, nu kuti inte ukunenola ang'anda yakwe Isaki.”

Mika 6:2

Mwe myamba, uvwini umulandu uno Yawe wasiika, namwe kwene mwe mifula yamuyayaya ya nsi ii. Pano Yawe akupeela antu yakwe umulandu. Wene akupeela aina Izlaeli umulandu.”

Yoane 8:55

Nanti angala mutamumanya mu cumi. Lelo nemo namumanya. Ndi nati ntamumanyile, ale nakolana namwe mwe antumpu. Lelo nemo namumanya nupya nkayela mazwi yakwe.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

1 Kolinto 15:34

Zinzimukini mu mano nupya tini kwifya. Nkumunena vino ica nsonyi kunomuli pa kuzana ukuti yamwi munomuli yatamanya Leza ningo.

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Umbwilo 2:29

“Akweti amatwi yakuuvwa, auvwe cino Mupasi Wamuzilo akulanda ku mauvi!”