Oseya 3:5 - Amazwi Yakwe Leza 2013

⁵ Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Oseya 3:5 ပူးပေါင်းရင်းမြစ်များ

1 Yamwene 12:16

Lino antu yalola ukuti umwene Leoboamu wakana ukuti ayuvwe, nayo ali pakupunda yati, “Davidi na ang'anda yakwe kayaliyali. Uzye icani fwandi cino yatucitila? Mwe ina Izlaeli mwe sikatukini twapita kumwitu! Ata see! Mutini Leoboamu alali! Lyene we mwana wakwe Yese, nawe uilolele wemwisikulu pa akazi kako.” Acino aina Izlaeli iyakatuka nu kupita ku mang'anda yao.

Ezaya 17:7

Mu wanda ulya antu yalutukila kuli kaumba wao, nu kucevya amanso kuli Leza Wamuzilo uwa ina Izlaeli.

Ezaya 2:2

“Limwi umu manda akusyalikizya umwamba apa kuulilwa Ng'anda ikulu yakwe Leza iya kumpepelamo, ali lino ulatalimpisya ukuluta imyamba yuze yonsi. Na antu ya mitundu yuze ali kuno yalaomokela.”

Ezaya 2:3

Yalavwanga nu kuti, “Tuyini twapita tutumbele umwamba wakwe Yawe, apakuti aye akatusunde vino tuli nu kucita, apakuti twalondela mwi kula lyakwe.” Umu cumi amasunde yakwe Yawe yakafuma mu Yelusalemu, pano umu Zioni ali muno akapeelela antu yakwe amalango.

Ezaya 60:5

Wemo pakulolekesya vivyo pasi pakumwentula, nu mwenzo wako wakulukunta nu kulunkuma ni nsansa. Pano lyene ukankala wa mitundu yuze umalungamanga kunuli. Ivyuma vyao vimalambanga yemba apa kwiza kunuli.

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Yelemiya 23:5

Yawe walanda wati, “Amanda yaliza lino ndasonta Umwene kacita wa vyaololoke, uwa mupanda wakwe Davidi. Aliwe alateeka wa Mwene wampomvu, uwamano nu kucita ivisuma ni vilungame mu mpanga.

Yelemiya 30:24

Icipyu cakwe Yawe icikali citalatala cizuke foo, suka sile ace atale afikilizye amapange yamu mwenzo wakwe. Antu yakwe yaluvwa muno ciile mu manda aliza ku nkolelo.

Yelemiya 30:9

Yalatumikila sile Yawe Leza wao nu mwene wao Davidi wino ndayapeela.

Yelemiya 33:17

Apa mulandu kwene uu, nemo ne Yawe nalaya nati, “Davidi atalatala aulilwe umuntu uwakuteeka pa cilimba ca wene wa ina Izlaeli.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Ezekelo 16:63

Ali pakuti uce ukaiusya nu kulemwa ni nsonyi, ukasyalilile cele mu nsonyi zyako, lilyo lino ndakuyelela uluse kuli vyonsi vino wacita. Ivyalanda ne Yawe.”

Ezekelo 38:16

Uliza uzanze antu yane aina Izlaeli, ulakolana ni kumbi ilyati livimbilikizya impanga. Amanda kwene yayo, anene ndakuleta we Gogi, ukukwiza lwisya impanga yane, apakuti imitundu ikamanye, lino ndalanga ucindami wane pa manso yao muli wewe, we Gogi.

Ezekelo 38:8

Ndi papita amanda aingi, kulaya insita imwi ino ndakupeela isunde lya kuzanza impanga imwi, muno antu yaikalila uku matwi cele ukwaula inkondo, ukutandikila sile pano antu yakolonganile ukufuma umu mitundu yuze iingi, nu kwiza muno myamba yamu Izlaeli, ino yasiile amapooli apa nsita ntali.

Danieli 10:14

Acino lyene natiniza kuti nkulondolwele ivilacitikila antu yako mu manda akwiza. Cilolwa ica manda akwiza.”

Danieli 2:28

Lelo kwaya Leza umwiyulu, wino akasokolola vya nkama. Wene watakulanga we mwene Nebukadineza ivilacitika mu manda akwiza. Lyene kankunene iciloto, icilolwa cino wakweti lino wakaswile.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Oseya 5:6

Lino antu yasenda imfwele zyao ni ng'ombe zyao kuti yakapele impolelwa apa kulondalonda Yawe, yene yatalamuzana, pano wene watayasya.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Amosi 9:11

Yawe akuti, “Mu wanda ulya ndawezezyapo uwene wakwe Davidi, uno ukoline wa citalang'anda, nu kuzifya iviumba vyakweo, mpaka uye vino wali. Ndaukuululula nu kuuwezezya mu mwata uno wayelile mwenemo.

Mika 4:1

Mu manda akwiza, umwamba apa kuulwa Ng'anda ikulu yakwe Yawe ulaya uutali ukuluta imyamba yonsi, usanzuke ukuluta imilundu yonsi. Antu amu nko zivule yalasimwilila kuno uli.

Mpendwa 24:14

“Fwandi ndakai naswilila ku antu yane. Lelo tale ndanga intale nkusopesye vino umutundu uu uli nu kucitila antu yako mu manda ali nu kwiza.”

Loma 11:25

Kuli nkama ya cumi, inane, ino nkasi mumanye kuti mutize mwaelenganya ukuti mwemwe yamano. Inkama iyakuti, ukukoma kwa myenzo ya ina Izlaeli kusi kwa manda pe, lelo kulatwalilila kufika pa nsita ino Akulukuwa yonsi asolwa iiza kuli Leza.

Loma 2:4

Nanti uzye ukasula kuvula kwa luse lwakwe Leza na vino akatutekela mwenzo? Uzye utamanyile vino Leza ali nu luse kunuli kuti akutungulule ku kuzenzuka?

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.