Oseya 3:2 - Amazwi Yakwe Leza 2013

² Acino namukazile apa mpiya ikumi na zisano zyakwe siluva nga ni nteko zisano na ziili zya mbezu zyakwe baale.

Oseya 3:2 ပူးပေါင်းရင်းမြစ်များ

Utandiko 31:41

Vikwene avino natenzi imyaka yonsi amakumi yaili lino nali nawe. Pa myaka ikumi na ini, naombelanga mpango zya pa ana yako, alino imyaka mutanda naombelanga lusoso. Lelo nanti cali vivyo wancenjizye malipilo yane maila ikumi.

Utandiko 34:12

Landini consi cino mumalonda kuti ndipe. Mpelini mutengo wa mpango muno mukulondela pamwi ni cawila. Consi cino mumampingula ukulipa namalipa, cikulu sile muleke nemo inde mutwale.”

Kufuma 22:17

Lelo ndi isi wa mukazyana wakana kuti umonsi wiyo amutwale, lyene umuntu wiyo alinzile kulipila isi wa mwana impiya kulingana ni zyakulipa pa mukazyana atamanyile umonsi.

Ezaya 5:10

Icalo ca matingi icakwata amaekita yaili umu utali mulafuma sile mwenemo ivifenwa vya matingi ivingalingana sile na malita yani na citika. Umu matepe ikumi lyonga a mbezu mulazombola sile uzombozi wi tepe lyonga mpo.”

Ezekelo 45:11

Itepe ali cipimo cakupimilako ivintu ivyume, nupya ali cipimo kwene cakupimilako ni vyamanzi manzi. Umungomo ali cipimo cakulisya pali vyonsi. Umungomo onga mwaya amatepe ikumi lyonga.

Oseya 3:3

Lyene namunenyile inti, “Ulinzile ukundolela apa manda avule, ukwaula ukuya cizelele nanti ukucita ulenzyo, nga nani ndikala nawe.”

Aina Levi 27:16

Muntu ndi wapeela ciputulwa cimwi ca mpanga yakwe kuli Yawe, lyene mutengo ulinzile kwikwa ukulingana ni cipimo ca mbezu izingakomelwamo, pa cipimo ca mpiya zyakwe siluva ikumi zingakala baale ukulingana makilogalamu amakumi yaili.

Luti 4:10

Alino ukulundapo na Luti umwina Moabu, wiyo uwafwilwa iya Maaloni, namukalinkanya kumwi kuti aye umuci wane. Nacita cico pakuti nsunge izina lya musipwa kumwi ni calo cakwe, kuti izina lyakwe litalowa mu akazi kakwe nanti mu vyalembwa ivyamu musumba. Pa wanda wi lelo mwemwe muli yakambone yane!”

1 Samueli 18:25

Saulo aasuka ati, “Nenini Davidi muti, ‘Kateeka atakulonda impango zyuze izilusile pa nkanda umwanda onga izyaku onsi wa ina Filisti, pakuti acite icilanduzi pa anisi yakwe.’ ”