Oseya 3:1 - Amazwi Yakwe Leza 2013

¹ Yawe wanenyile ati, “Yanga, nupya ukalange icitemwiko ku muci wako cizelele wino akucita ulenzyo nu monsi muze. Umutemwe wakwe vino Yawe watemwa aina Izlaeli, nanti angala yene yakaya ku kupepa tuleza tuze nu kutemwa ukupeela amawila ya mukate ku tuluwi.”

Oseya 3:1 ပူးပေါင်းရင်းမြစ်များ

2 Samueli 6:19

Lyene aankanya antu yonsi ivyakulya. Cila muntu wensi umu Izlaeli amupeela umukate pamwi ni cifwa ca nyama iyoce ukwika penepo na kacikamangwa ka viseekwa vya matingi.

2 Yamwene 13:23

Lelo Yawe lyonsi kwene wayanga na mizu apa ina Izlaeli. Wene atalondanga ukuyakoma. Lyonsi wayatuulanga pamulandu sile wa cipangano cino wapangine na Abulaamu, na Isaki, na Yakobo. Wene atatala watazyela antu yakwe foo!

1 Milandu 16:3

Lyene apeela umukate na keke kuli cila muntu umu Izlaeli, ayapeela nu mukate utikinkanye ni mikoto ya viseekwa. Aankanya yonsi pyu, aonsi na anaci kwene.

Neemiya 9:31

Nga lelo apamulandu sile wamizu yako yakulisya, utatazile uyatazyele nanti ukuyonona foo. Wewe mwene Leza wa cikuku na mizu.

Masamu 123:2

Ndi vino aomvi yakatontomezya amanso apa musambazi wao, nanti vino umuomvi umwanaci akatontomezya amanso pali mangu kateeka wakwe, ali vino naswe kwene tutontomizye amanso kuli Yawe Leza witu, kusuka aye na mizu kunotuli.

Kufuma 32:6

Caleka uwanda walondelela katondotondo yapeela impolelwa amawila yakoca nga yapeela na mawila autandano. Lyene antu iikala pansi iyatandika ukulya nu kumwa, alino nu kucina kwa uzelele.

Lwimbo lwakwe Solomoni 2:5

Sindisya amatingi yane, ndisya ni viseekwa vya maapo, uleke amaka yane yawele, pano ulukundo pali wewe lwatilumala maka.

Ezaya 45:22

“Welulukini kunondi mwe antu yonsi apano nsi, welulukini kunondi kuti mutuulwe. Pano nene indi Leza, nga kutaya namuze awe.

Yelemiya 3:20

Lelo wemo wansangukila, we ng'anda yakwe Izlaeli, ndi vino umwanaci umutalami akasangukila iya.” Ivyalanda ne Yawe.

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Oseya 11:8

“Uzye ungamfuulila uli we Efulemu? Uzye ningakutazyela uli we Izlaeli? Uzye ningakusenula uli wakwe Adima? Uzye ningakonona uli wakwe Zeboimu? Umwenzo wane ukuti cipelele ukutali, ukutemwa kwane kunuli ukukulu.

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Oseya 4:11

Yawe akuti, “Waini wampiti nanti umupya kwene, wene akaonona amano.

Oseya 7:5

Pa wanda wa kuzevya kwa mwene, vilolo vyakwe vyakolike waini, umwene nawe aitela mwi umba lya antu aisawisye.

Amosi 2:8

Antu yakulala cilalelale na pa ncende yakupepelapo, na pa vizwalo kwene vino yapokolola ku apina vyakwe kamukole. Mu ng'anda yakwe Leza amuno yene yakamwela waini wino yapokolola kuli yasimilandu.

Amosi 6:6

Mukamwela waini mu mbakuli izizule, nupya mukapakala amafuta amununko usuma, lelo musiuvwa ulanda pa ononesi wa mpanga yakwe Yosefu.

Mika 7:7

Lelo nemo namapempukilwa kuli Yawe. Namalolelanga Leza Katuula wane. Leza wane amanguvwa.

Zakaliya 1:16

“Caleka natimbwela ku Yelusalemu nu kuya na mizu apa ikazi amu musumba. Acino lyene Ng'anda yane ikulu ilakuulululwa nupya yalatola umwando wakupimilako kuti yatandike ukukuula umusumba cipya cipya.” Kuu kuli kulanda kwakwe Yawe.

Mateo 26:50

Yesu avwanga ati, “Cuza wane, cita cino wizile. Alino iiza nkolelo yalema Yesu.”

1 Kolinto 10:21

Mutangamwa mu lwako lwa Mwene nga nu mulwako lwa mipasi yankota. Mutangalya pa cipango ca Mwene nga na pa cipango ca mipasi yankota.

1 Kolinto 10:7

nanti kupepa tuluwi ndi vino yamwi munoyali yacisile. Cili ndi vino calembwa mu malembelo cati, “Antu yatenzi pansi kuti yalye nu kumwa pacisila yakatuka nu kucina.”

1 Petulo 4:3

Mwemo mwasumvile nsita mu kucita vintu wa antu atataila Leza. Mwemo mwacitanga vya winyi, mwali ni mbunu, mu ukolesi, nu mu kuwowota, mu muzangalwe mu nsaka zya ukolesi, nga nu mumipepele iya winyi ya tuluwi.

Yakapingula 10:16

Acino aina Izlaeli iyasumba tuleza utwa inamasi nga iyatumikila Yawe. Nga Yawe auvwila aina Izlaeli ulanda pa ntazi zyao.

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.