Oseya 2:8 - Amazwi Yakwe Leza 2013

⁸ Wene atamanyile ukuti anene nkamupeela ingano, waini umupya nga na mafuta. Wene atamanyile ukuti anene nkamupeela siluva na zaabu umuvule wakwe cimwi, vivyo vino antu yayo yakapangila amaunkolanya yakwe Baali.

Oseya 2:8 ပူးပေါင်းရင်းမြစ်များ

1 Milandu 29:16

We Yawe Leza witu, endi silola uwingi wa vintu vino twatitupela ku mulimo waku kukuulila Ng'anda ikulu kuti tucindike izina lyako. Wewe watupeela vyonsi, nupya vyonsi kwene ivyakwako.

Yobo 19:8

“Leza aliwe akacinga inzila yane, icakuti naposiwa napakufyonsezya. Mu nzila yane wika mwenemo akafinzi.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Ezaya 46:6

Antu yamwi yakasapula imifuko yao nga yafukumulamo zaabu, nga yapima siluva pa masikelo. Alino yalemba musyanyi umwi incito, nga nawe ayapangila tuleza utuluwi. Lyene nayo yatufukamila nu kutupepa.

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Ezekelo 23:41

Nga lyene uwikala pa usanzi ukankala nu kwika itebulo pa nkolelo yakweo, apano utantika ubani wane na mafuta yane.

Danieli 3:1

Umwene Nebukadineza wapanzile iciluwi cakwe zaabu, cino mu utali cali amafiti amakumi fundimbali nu mu kusalala namo cali amafiti fundimbali, nga alino aciika mu nyika ya Dula mu muputule wa mpanga ya Babiloni.

Danieli 5:23

Wemo wasangukile Umwene wa mwiyulu. Wapile ilamulo kuti yakuletele ingako ni ngeso ukufuma mu Ng'anda ikulu yakwe Leza. Alino wewe, na yacilolo yako, na aci yako, na aci yako apa mbali yamwelile waini mu viya vii nu kulumbanya tuleza utwapangilwa na siluva na zaabu, nu mukuwa, ni cela, ni mbao nga na mawe, vivyo ivitangalola nanti ukuvwa. Lelo utacindike Leza wino wafumbata umi wako umwi kasa lyakwe kumwi na vyonsi vino ukacita.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Oseya 13:1

Uku mpiti lino aluko lwakwe Efulemu yavwanzile, imitundu yuze ya ina Izlaeli yuvwile intete. Yene yacindike aluko lwakwe Efulemu. Lelo antu yifizye apa kupepa Baali, nga yavunwikwe pa kucita cico.

Oseya 13:2

Na ndakai kwene yacili yakutwalilila ukwifya. Yakaipangila utuluwi twakwe siluva, amaunkolanya ya vyela yano yapangwa ningo, yano antu yetetwile nu kupanga na makasa yao. Lyene yavwanga yati, “Pelini impolelwa kunoyali, tonsolini utuluwi tuu utwaya mu musango wakwe yacipambasi.”

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Oseya 4:11

Yawe akuti, “Waini wampiti nanti umupya kwene, wene akaonona amano.

Oseya 8:4

Yene yakaisolwela yamwene ukwaula ukulonda kwane. Yakaisontela yakateeka ukwaula kuti inzumilizye. Yakaipangila amaunkolanya yakwe siluva na zaabu, lelo yakuyonona sile aisikulu muli cico.

Habakuku 1:16

Acino lyene yakapela impolelwa ku masumbo yao, nu kocela ubani ku mato yao. Pamulandu wakuti vikwene ivikayapeela ivisuma nu kulya ningo.

Luka 15:13

Apacisila ca manda yanono, umuto wakazizye vyuma vyakwe, asenda impiya apita ku mpanga ya kutali, kuko kuno waile asumba vyuma vyakwe vyonsi mu uwelewele wakwe.

Loma 1:28

Mulandu uno antu yakana kusunga mano ya cumi apali Leza mu myenzo yao, Leza wayafutatila kuti yalondela melenganyo yao a ukakasi na kuti yacita vintu vino vitaine kucita.

Malango 8:18

Mwaiusya ukuti Yawe Leza winu aliwe akamupeela amaka akuya akama. Wene akacita cii pamulandu wakuti ni lelo kwene acili uwacumi ku upangano uno wene wacisile ni vikolwe vinu.

Yakapingula 9:27

Yonsi kwene iyafumila ku vyalo vyao ivya matingi, iyakulula amatingi, iyapanga waini nga iyacita icimulo cakuzevya. Yaya yingila mu ng'anda ikulu yakwe leza wao, muno yalile nu kumwa nga iyatipwila Abimeleki.