Oseya 2:7 - Amazwi Yakwe Leza 2013

⁷ Wene alasimwilila akambwe yakwe, lelo atalayazana. Afuma akuyalondalonda, lelo ukwaula kuyazana. Lyene alavwanga ati, “Ndaswilila ku wane wilya ndi vino nacisile ilyankolelo, pano apa nsita ilya natenzi ningo lino nali na aliwe, ukuluta vino ntenzi pali ndakai.

Oseya 2:7 ပူးပေါင်းရင်းမြစ်များ

2 Milandu 28:23

Apela impolelwa kuli tuleza twaku Damasiko, utwamucimvizye. Pasi pano wene welenginye ati, “Pamulandu wakuti tuleza twa ene aku Alamu twatituyazwa, nani namapeela impolelwa kunotuli apakuti tungazwe.” Lelo tuleza tuto utwamuletelile wononesi, ituletelela na ina Izlaeli yonsi.

Masamu 116:7

Awe cumi lyene nisya umwenzo, pano umwene wancitile ivizipe.

Ezaya 30:16

Mukalonda sile ukuzinganya anisi inu pa mfwalasi. Nu kulungika ee kwene mukalungika, kamwalukuutuka! Mukaelenganya ukuti imfwalasi zinu izyalwilo sana. Lelo mulalola ukuti yano yakamuzinganya yalamulusya ulwilo.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Yelemiya 2:28

Tuleza tuno wapanzile we mweneco tuli kwi? Leka tukatuke, tulole ndi cakuti tungakutuula umu nsita ya ntazi zyako, pano kwene tuleza twako, we Yuda, awe cumi twavulisya. Caya sile icili conga ni misumba yako pamwi nu tuvuwa twakwe Baali. Kwati sile imiseo yamu Yelusalemu.

Yelemiya 2:36

Uzye pacani cino mwemo mwayela namansenunsenu? Nkumunena mucumi ndi vino aina Eguputo yalamuzewanya ndi vino aina Asilya yamuzewanyizye.

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Ezekelo 16:18

Nupya watolanga insalu zyako izipikulwe, nu kuvizwika. Nga alino utula kuno vili amafuta yane nu ubani wane.

Ezekelo 16:8

“Nga lino napisile umupipi nawe, nakulolekesya, nazana nu kuti insita yako iya citemwiko, yatifikila. Alino niza navungulula isempe lya cikuwalo cane, nakuvimbilikizya apakufisa impamba zyako, pano wali tupu. Nga lino nalapa nu mulapo wakupingana nawe upangano pano lyene waya wewe wane.” Vii, ivyalanda ne Yawe Simwandalali.

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”

Ezekelo 23:12

Nawe kwene wakumbwanga aina Asilya yano yapalamine nawe, ivita ni ntunguluzi, azwalanga insalu zikankala, alumendo ayembe akwelanga pa mfwalasi.

Ezekelo 23:22

Fwandi lyene nemo ne Yawe nkukunena inti, wemo caticikufuulila ku akundwe yako, lelo nemo ndaleka kuti yakusokele, nu kwiza kulilizya.

Ezekelo 23:4

Amazina yao a Oola, na nyinalenzi wali a Ooliba. Oola ali Samaliya, na Ooliba a Yelusalemu. Yonsi yoili nene nayatwite nga yamvyalila na ana aonsi na anaci.

Danieli 4:17

Kuu kuli kupingula kwa angeli awakanga nu kucevya. Acino lyene, lekini antu yonsi konsikonsi yamanye ukuti Leza wapapelapela wakwata amaka apa mawene yonsi ya antu cakuti angapeela uwene kuli wensi wino akasi. Wene angapeela uwene nu ku muntu musulwe kwene.’

Danieli 4:25

Wemo yalakufumya apakasi ka antu nupya ulikala pamwi ni nyama. Pa myaka cinimbali ulalya isote wa ng'ombe ni mbuzi apanzi, kuko kuno ulumi lulakukunga. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 4:32

Wemo yalakufumya apakasi ka antu nupya ulikala pamwi ni nyama zya mpanga. Pa myaka cinimbali ulalya isote wa ng'ombe ni mbuzi apanzi. Lyene alino ulazumila ukuti Leza wapapelapela aliwe akateeka amawene yonsi a antu nupya angalasika ali wensi wino akasi pa cilimba ca wene.

Danieli 5:21

Yamufumizye pakasi ka antu, nga aelenganya wa nyama. Wikalanga pamwi na yacoolwa, nu kulya isote wa ng'ombe, nga nu kulala apa swe ukwaula cimwi cakucingilila umwili ku lumi. Umu kusyalikizya asuka azumila ukuti Leza Wapapelapela aliwe waya na maka apa mawene ya antu yonsi nupya angapeela uwene ku muntu ali wensi wino akasi.

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Oseya 14:1

Mwe ina Izlaeli welini kuli Yawe, Leza winu, pano mwemo mwapona apamulandu wa maifyo inu.

Oseya 2:16

Mu wanda ulya apakungama ulangama uti, ‘Wane.’ Utalatala ungame uti, ‘Baali wane.’ Kuu kuli kulanda kwakwe Yawe.

Oseya 5:13

“Lino antu aku Efulemu yalola ukuti yakulwala, nga antu aku Yuda nayo yalola ivilonda vyao, antu aku Efulemu yaya iyaya ku ina Asilya, antu aku Yuda nayo yatuma amazwi ku mwene mukulu, kuti ayazwe. Lelo wene atakweti amaka akuyapozya nanti ukulwazya ivilonda vyao.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”