Oseya 2:12 - Amazwi Yakwe Leza 2013

¹² Ndonona imiti yakwe ya miolivi ni misamvu kwene iyo ino wene wavwanzile ukuti, ali malipilo yano akambwe yakwe yamulipa. Ndaisenula iye imisitu, nga inyama zya mpanga zilailya kuku kwene.

Oseya 2:12 ပူးပေါင်းရင်းမြစ်များ

Masamu 80:12

Icani fwandi cino wawisizya icimpinda ca mitingi? Utaweni! Lyene yonsi apita nzila yakwiya iviseekwa.

Ezaya 29:17

Antu yakavwanga ukuti apaya itesi patangepalengele ukuwanga penepo icalo. Na pano paya icalo napo patangepalengele ukuya penepo itesi.

Ezaya 5:5

“Fwandi lyene vino nemo namacita icalo cane ica matingi aevi. Namafumya icimpinda nu kuongolola ulupungu lwa mawe, uleke inyama zya mpanga zingile zyalya mwenemo nu kulyatolola mwenemo.

Ezaya 7:23

“Mu wanda ulya ivyalo vyonsi ivisuma umwayanga amatingi imiti izimbi lyonga, nupya umwafumanga icuma ukulingana na siluva izimbi lyonga muli cila calo, vyonsi vilasapilwa ni myunga na kuli yankololwe aalamela mwenemo.

Yelemiya 13:26

Yawe Leza umweneco aliwe alamuzula insalu, tale mukafyatoka tupu mukuvwe ni nsonyi.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 5:17

Yene yaliza yamalile ivyakulya pamwi ni viseekwa vinu vyonsi pyu. Yalakoma ana inu aonsi na anaci kwene. Yene yalafyula iviteekwa vinu na maufyo inu nu konona amatingi kumwi ni misamvu inu. Anisi inu yalonona imisumba inu yamalinga, ino mwataila mwenemo.

Yelemiya 8:13

Yawe wavwanga wati, “Nalondesyanga ku kolonganika antu yane ndi vino umulimi akakoozya ivyakulya. Lelo yene yakoline wa mutingi usi na matingi, wa musamvu usi na masamvu. Na mafwa kwene yumila kumwi. Caleka natinzumilizya ainamasi kuti yapoke icalo.”

Oseya 13:8

Ndamuzanza ndi vino iculi cikacita, cico icaticiponzya ana yakweco. Nupya ndamulepola. Ndamulya papo kwene, ndi vino cisama akacita, nu kumusantola mu tupimfya ndi vino cilyanyi camu mpanga cikacita.

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.