Oseya 2:10 - Amazwi Yakwe Leza 2013

¹⁰ Caleka ndakai namamusya tupu pa manso ya akambwe yakwe. Kusi umuntu nanti wenga alamufumya mu makasa yane.

Oseya 2:10 ပူးပေါင်းရင်းမြစ်များ

2 Milandu 24:7

Antu yakwe Ataliya, umwanaci mwipe wilya, yatama Ng'anda ikulu yakwe Leza nga yaomvya ni viya vyamuzilo ivyali mwenemo apa kupepa tuleza Tubaali.

Masamu 50:22

Mwemuno mwansula, ne Leza, cenjelini! Pano limwi mungazana ukuti namusantola ukwaula nu wakuti amutasye.

Mapinda 11:21

Cumi kwene, antu aipe yalavunukwa, lelo yayo akacita vyaololoke Leza alayatuula.

Ezaya 3:17

icilaleka ukuti Yawe ayaletela yamuseela uku mitwe yao. Yawe alaleka yakwate amapala.”

Yelemiya 13:22

Lino mulaayuzya mweisikulu muti, “Uzye pacani cino icintu cii catuponela?” Ala apamulandu wa maifyo inu aingi ali cino yalepolela insalu apa kumuzula nu kumulema apa maka?

Yelemiya 13:26

Yawe Leza umweneco aliwe alamuzula insalu, tale mukafyatoka tupu mukuvwe ni nsonyi.

Ezekelo 16:16

Watolanga ivyakuzwala vyako ivicindame, nu kuipangila utuvuwa umwa kupepelamo tuleza utuluwi, ali muno walongozyanga.

Ezekelo 16:19

Ivyakulya vino nakupeelanga vya usu utonyoleke, amafuta nu uuci vino nakwimulanga, ali vino wavyocelanga ukuya icinunu cisuma icakuvisansamusya! Ee, anene Yawe nakunenelapo.

Ezekelo 23:29

Yene yalakupokolola vyonsi vino waombile, alino yakakusye tupu, pano nayo kwene yakupata. Yalasya watusenekezya tupu pakuti ukazewane pa uzelele wako ku unkolanya.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Oseya 13:1

Uku mpiti lino aluko lwakwe Efulemu yavwanzile, imitundu yuze ya ina Izlaeli yuvwile intete. Yene yacindike aluko lwakwe Efulemu. Lelo antu yifizye apa kupepa Baali, nga yavunwikwe pa kucita cico.

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Oseya 6:9

Ndi vino azanzi yakateyamila umuntu umwi, vivyo kwene avino yasimapepo yakacita kuti yakome antu umu museo uwaku Syekemu. Cumi kwene yene yakakoma antu uku mufulo sile.

Mika 5:8

Antu yakwe Yakobo asyala yonsi yalalulumba umu antu amu nko zyuze, pakasi ka antu aingi, wakwe cisama wino akulunga cakuti angalya. Yalaya wa mwana wakwe cisama, pakasi ka ufyo wa mfwele, wino ndi wazingilila, azivwantukila nu kuzilepola. Nga lelo kusi umwi wakuzipususya.

1 Kolinto 4:5

Acino mutalinzile kupingula umuntu ali wensi lino nsita yasontwa itali kuti ifike. Upinguzi wakusyalikizya utalacitika suka Mwene akize. Wene alasokolola paswe vintu vino vyafiswa mu mfinzi, nga nu kuumbula mapange ya nkama aya mu melenganyo ya antu. Alino lyene umuntu wensi Leza alamutasya ndi vino cingamulinga.