Oseya 14:8 - Amazwi Yakwe Leza 2013

⁸ Uzye nupya aina Izlaeli yalacita cani nu tuluwi? Anene ndaasuka amapepo yao nu kuyasakamala. Nemo indi wa mulemo umu paini uulembe lyonsi. Nene ndi ntulo ya upolelelo wao onsi.”

Oseya 14:8 ပူးပေါင်းရင်းမြစ်များ

Yobo 33:27

Cila wenga alalanda apaswe ati, ‘Nati niifya nu kucita ivitalinzile ukucita, lelo Leza wene wantekelela.

Yobo 34:32

Unsambilizye ivintu vino nsikulola. Ndi cakuti naluvyanya, nalaya ukuti ntalaswilizya nupya.

Ezaya 41:19

Ndaleka umu lwanga mumele imiti ino ndalema mwenemo, iitali imikelide, yacisu nga ni miolivi. Umu manyika namo mulatululuka imiti imilemo, imyovu nga ni myengele.

Ezaya 55:13

Apakamela imyunga palamela imilemo imipaini. Alino apakamela lwenya palamela cipupa ca muti ununkile wakwe cisu. Na vivyo vyonsi vilaletela Yawe ululumbi. Cilaya icintu cimwi cakwiusya pee, cino citalafuma penepo.

Ezaya 60:13

“Imiti ya mbao zyaku Lebanoni izili wakwe sondwa, saninga ni mikulo, zizi kwene izicindamisye ali zino yalakuletela wewe apa kwiza kuulila ing'anda yane cipya cipya iyakumpepelamo, na pakwiza cindamika we musumba.

Ezekelo 17:23

Ndaulema pa mwamba umwi utalimpisye mu Izlaeli. Wene ulalemuka uce ukakule ukatumbe ni misambo iingi, nga nu kuseeka iviseekwa. Ulaya umuti umwi utalimpisye. Ivyunyi vya misango yonsi akuno vilaikala, nu kuuwa mu misambo yakweo.

Ezekelo 36:25

Na pakumusangulula ku tuluwi tonsi utwa mukowizye, nu kumakombezya yauze yonsi, nemo ndamukanyila amanzi asanguluke.

Luka 15:20

Caleka akatuka aya kuli isi. “Lelo lino acili kutali kufuma kumwao, isi amulola; aya na mizu mu mwenzo wakwe. Alino asimula amukukula nu kumutonsola.

Yoane 1:16

Pamulandu wakuvula kwa cikuku cakwe twapelwa upolelelo kulunda pa upolelelo uze.

Efeso 5:9

nga nu kuleka luswepo lwinu lulete uzombozi ukulu cuze uwa micitile isuma, uwololoke, nga ni cumi.

Filipi 1:11

Nga umi winu ulavulilwa vizao vyawololoke ivikaizila muli Yesu Klistu ku kuleta lulumbi nu kulumbanyiwa kwakwe Leza.

Filipi 2:13

pano lyonsi Leza akaomba munomuli kuti mwalonda kuomba vivyo vingamuzanzya.

Filipi 4:13

Klistu wampeela maka akulungatana ni miyele ili yonsi.

1 Tesalonika 1:9

Antu yaya yonsi yakulanda pa kuzengela kuno mwatuzengile, nga na vino mwazenzwike ku kupepa tuluwi nu kutandika kutumikila Leza wa cumi nupya uwa umi.

Yakobo 1:17

Wila usuma onsi ni cakupeelwa cifumaluke consi cikafuma kwiyulu, kuli Tata, kaumba wino uwaumvile ivya mwiyulu vyonsi vino vikapeela luswepo. Wene ali umwi lyonsi, nupya luswepo lwakwe lusyazima nanti panono.