Oseya 14:7 - Amazwi Yakwe Leza 2013

⁷ Nupya kwene aina Izlaeli yalazina munondi. Yene yalakula ningo wa mbezu zya ngano, Yalawalula nu kuseeka wa mutingi. Yalalumbuka wakwe waini waku Lebanoni.

Oseya 14:7 ပူးပေါင်းရင်းမြစ်များ

Masamu 138:7

Nanti amacuzi yamvulile uli, lelo we Yawe ukansakamala, na anisi yane yayo anzunya ukuyatumbila inkansi, mpaka sile umpususya.

Masamu 85:6

Uzye usikutukomelezya nupya, apakuti swe antu yako twakusansamukila?

Masamu 91:1

Wiyo uwaya ku kuzina kuli Leza wapapelapela, umu mapa ya cisao cakwe Umweneco Wamaka yonsi,

Lwimbo lwakwe Solomoni 2:3

Wakwe vino umu apo ukaya pakasi ka vimiti vyamu mpanga, avino nu mukundwe wane waya pakasi ka aonsi. Nemo nakunda cuze ukupuuza mu cisao cakweo, ni viseekwa vyakweo pasi pakulyompa mu kanwa kane.

Lwimbo lwakwe Solomoni 4:11

We nawinga wane, pa milomo yako palyompa ukuluta uci. Kwisika ya lulimi lwako kuli wa uci ni iziya. Mununko wa vizwalo vyako vili wa mununko waku Lebanoni.

Lwimbo lwakwe Solomoni 6:11

Nemo napita ku calo ca viseekwa, ku kulola vino imiti ikukula mu cifoloma, kukulola imitingi ndi yatilemba, nanti imiti mipomegeleneti ndi yatiwalula.

Ezaya 61:11

Pano ndi wakwe vikwene vino umusili ukamezya imbezu nu kukuzya ivyativimela, ali vino na Yawe kwene akapususya antu yakwe cakuti na antu amitundu yonsi iyamulumbanya.

Ezekelo 17:23

Ndaulema pa mwamba umwi utalimpisye mu Izlaeli. Wene ulalemuka uce ukakule ukatumbe ni misambo iingi, nga nu kuseeka iviseekwa. Ulaya umuti umwi utalimpisye. Ivyunyi vya misango yonsi akuno vilaikala, nu kuuwa mu misambo yakweo.

Oseya 14:5

Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Oseya 2:21

Yawe wavwanga wati, “Mu wanda ulya ndaasuka amapepo ya antu yane aina Izlaeli, ni mvula ilatonya pa mpanga ya pano pansi.

Oseya 2:22

Umusili nao ulapela uzombozi wa ngano, waini mupya na mafuta, amatingi nga ni miolivi.

Oseya 6:2

Umu manda yaili nanti yatatu wene alatupuputula, nga naswe tulaya nu umi pa manso yakwe.

Zakaliya 8:12

“Mwemo mumaikomelelanga imbezu ku matwi cele. Imitingi inu imaseekanga iviseekwa, nu musili nao umamezyanga ivizao, kumayanga imvula ivule. Vii vyonsi vili vino namamupeelanga mwemwe mwe antu mwe muno mwasyalapo.

Yoane 11:25

Yesu ati, “Nene kuzyukuka nu umi. Wino wensi wantaila nanti angafwa alaya nu umi nupya.

Yoane 12:24

Cumi namunena vino lupece lwa ngano luno lwaponela mu musili lutanga sanduluka, suka ndi lwatala lwafwa. Lelo ndi lwafwa, lyene lumaleta mpece zyuze zingi lino lwaseeka.