Oseya 14:5 - Amazwi Yakwe Leza 2013

⁵ Ndaya wa mutonsi ku antu yane aina Izlaeli. Yene yalawalula wa maluwa. Yene yaliika imisisi apa zike wa mukelide waku Lebanoni.

Oseya 14:5 ပူးပေါင်းရင်းမြစ်များ

2 Samueli 23:4

wene akoline wa micalalazi yi lanzi akatondo lino kusi amakumbi, ilanzi lino likalenga isote ukukula ningo, pacisila lino imvula yatonya.”

2 Yamwene 19:30

Amu mupanda wakwe Yuda alasyala penepo, yene yalaya nu longo nu kuyemba wa miti iyatwalisya imisisi pansi, iyo ikaseekesya iviseekwa.

Yobo 29:19

Natambilizya imisisi yane uku luzi ukuli amanzi avule, muno umuti lyonsi ukatona ulumi.

Masamu 133:3

Ungati ulumi lwaku Helimoni, ulwati luseka apa Mwamba wa Zioni. Pano ali pano Yawe akapeelela upolelelo, kuli kuti umi wakuyelelela pee.

Masamu 72:16

Kamwalukuvula ivyakulya umu mpanga yakwe ni viseekwa vile vivule nu mu myamba kwene. Vyalukuseeka ungati ivyamu Lebanoni. Umu misumba namo antu kayavule, yazuule wisote lya mpanga.

Masamu 72:6

Leka umwene acita ndi vino imvula ikacita umu vyalo. Umwene umutupu angaya wakwe tuswelele utukusansa apa mpanga.

Masamu 80:9

Umauselelela umu mbali apakuti wakula ningo. Imisisi yakweo yasuka yaya pansi ningo sana. Nao ali pakuvunda, walimba impanga yonsi.

Masamu 92:12

Asuma yene yamalelemanga wa tuncindu, yamaikalanga wa miti italimpisye, imikelide iya ku Lebanoni.

Masamu 92:13

Kwati imiti ino yalema umu ng'anda yakwe Yawe, ino ikakula ningo mu misolo ya Ng'anda ikulu yakwe Leza witu.

Mapinda 19:12

Icipyu ca mwene cakolana ni cilulumo cakwe cisama. Lelo uluse lwakwe lukoline nu lumi ukwi sote.

Lwimbo lwakwe Solomoni 2:16

Mukundwe wane wii, ala uwakwane nenga mpo, nani nene wakwakwe, wenga mpo. Akacemela ufyo wakwe mu malula.

Lwimbo lwakwe Solomoni 4:5

Amayele yako yali wakwe yampombo yaili, wakwe tumpundu twa misesi yakwe yampombo utukulya umulemvwe mu maluwa.

Ezaya 12:1

Mu wanda ulya antu yalimbila ulwimbo luu, yati, “Nakutaizya we Yawe! Wansokile, lelo icipyu cako caticisila. Watumyalalika umwenzo wane.

Ezaya 18:4

Yawe wavwanga kunondi wati, “Kuno nemo nkaikala, namaya cele nu kulolekesya sile, ndi vino akasanya ka kayenkema umu manso, lino ilanzi lyawalisya, ungati akungwi wiya wino akaya kweneko, lino kwaya icipuki icisanya apa nsita ya uzombozi.”

Ezaya 26:19

Antu yako afwe, yalikala muno nsi apuma nupya ni vyala vyao vilakatuka. Yonsi yayo alala mu malindi yao, yalakatuka yalaumila nu tupundu. Pano wakwe vivi kwene vino ulumi lukayengesa, nu kuzukizya impanga, ali vino we Yawe ulatutulula afwile mpiti.

Ezaya 27:6

Mu wanda ulya aina Izlaeli ana yakwe Yakobo yace yazyansye wa misisi ya miti. Yene yalakula ningo, yalawalula nu kulemba ningo. Insi yonsi ilalimba iviseekwa vya micitile yao isuma.

Ezaya 35:2

Ulwanga lulimbila inyimbo nu kutololoka ni nsansa. Impanga iyali iyononeke ilayemba wa mwamba waku Lebanoni. Ilaya nu muvundo wa vyalo vyaku Kalimeli nu ku Syaloni. Antu yonsi yalalola ululumbi lwakwe Yawe, ukucindama kwakwe Leza. Yene yalalola ukulu na maka yakwe vino vyaya.

Ezaya 44:3

Pano ndapongolwela amanzi mu mpanga iyume ndi, ndaletamo inguzi umu lwanga. Ana inu nemo ndayapongolwela Umupasi wane, nupya ndapolelela na amu mupanda winu.

Ezaya 45:8

“Ndatuma ucimvyo ukufuma kwiyulu wa mvula. Umusili ulalepuka apa kuupokelela, apakuti mufumemo ufyusi wa antu uwa uwaololoke. Nene ne Yawe ndaleka cii cicitike.”

Ezaya 57:18

“Nemo nalola vino yacita, lelo ndayapozya. Ndayatungulula nu kuyazwilizya. Ndamyalalika yano yalalosya.

Ezaya 57:19

Nemo naletela yonsi pyu ulongo, yayo yano yali umupipi, nga na yayo ali ukutali kwene! Ala nemo ndapozya antu yane.”

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 32:41

Ndatemwa ukuyacitila ivisuma, ndayalema umu mpanga kwene ii, uku mwenzo wane onsi nu ku mupasi wane onsi.”

Oseya 6:3

Lekini twezye ukumanya Yawe. Lekini tutukusye ukumumanya. Cumi kwene aliza kunotuli wa kutunka kwi lanzi, aliza kunotuli wa mvula ya macesya, ni yapa mooko ino ikatontekela umusili.”

Mika 5:7

Lyene antu yakwe Yakobo asyala yonsi yalaya pakasi ka mitundu ingi ya antu, wa lumi ulwafuma kuli Yawe. Yalaya wa mvula ino ikutonya pa mulemvwe, ino isilolela ukunenwa nu muntu, nanti umuntu aipeele ilamulo.

Mika 7:18

Uzye a Leza cii akoline nawe, wino angelela amaifyo, nu kwelela amaifyo ya antu yakwe asyala? Wemo usisoka mpaka umuyayaya, lelo ukaya nu kutemwa kwa muntaputuka.

Mateo 6:28

“Pacani cino mungasakamikwa pali vino mumazwala? Lolini vino maluwa yakakula. Yene yasyaomba nanti kupikula vizwalo.

Luka 12:27

“Lolini vino maluwa yakakula. Yene yasyaomba nanti kupikula vizwalo. Lelo namunena vino mwene Solomoni, mukuyemba kwa kuzwala kwakwe konsi, wene atafisile nanti kukuyemba kwi luwa lyonga wakwe yaa.

Efeso 3:17

Nupya nkupepa kuti Klistu aikala mu myenzo inu pa kutaila kwinu kuti muzyansye nu kwika misisi mu kutemwa kwakwe.

Malango 32:2

Usambilizyo wane ukulakata sile wa malakasi ya mvula alino iyavimbilikizya pa musili kwati ulumi. Amazwi yane yalalakata wa kutonya kwa mvula pa vilimwa vinu, kwati atuswelelele pa mulemvwe.