Oseya 13:5 - Amazwi Yakwe Leza 2013

⁵ Namusunzile mu mpanga iyumalale, umu lwanga mu cipuki.

Oseya 13:5 ပူးပေါင်းရင်းမြစ်များ

Utandiko 31:40

Manda yonsi aucemi wane naculanga. Insita ya musanya napyanga nu musanya, ni nsita ya usiku nazakazanga ni mpepo. Ntalalanga tulo.

Masamu 1:6

Pano Yawe wasakamala antu akacita vyaololoke, lelo yakaifya yene yalalowelela sile.

Masamu 142:3

Umwenzo wane usi na maka, lelo wemo wamanya vino ningacita. Umu nzila yane yanteya ulukose.

Masamu 31:7

Namasangalalanga nu kuzanga apa luse lwako, pano wewe walola mpiti ulanda wane, nu kumanya, wamanya mpiti ulanda wa mwenzo wane.

Masamu 63:1

We Leza, awewe Leza wane, nupya nkukuluka wakwe cimwi. Ku mwenzo kwane kwatikuuma, pamulandu nu kulonda wewe. Umwili wane, watiuumila pamulandu nawe. Uli kwati umusili wakwe mpanku, ulangoke, umwaula amanzi.

Kufuma 2:25

Leza alola ucuzi wa ina Izlaeli, nga asakamala kuti ayazwe.

Yelemiya 2:2

“Nkaiusya ukuti lino mwali ance mwali ni cuvwilo. Mwemo mwantemilwe wakwe cimwi muli unawinga winu. Yandondile umu lwanga, itupita suka tufika mu mpanga itatala yalimwa.

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Oseya 5:3

“Antu yakwe Efulemu nayamanya, aina Izlaeli yatafisama kunondi. Antu yakwe Efulemu yasi acumi kunondi, aina Izlaeli aipe imisango.”

Oseya 9:10

Yawe akuti, “Inkolelo lino nazanyile Izlaeli cali wakuzana amatingi amutengo. Ivikolwe vyakwe vivi navitemilwe ungati ukulola iviseekwa vya nkolelo vya misamvu. Lelo lino yizile ku Baali Peoli, yatandike ukupepa Baali nga yasanguka yaya camuselu wa unkolanya kwene wao uwa, uno yatemilwe.

Naumi 1:7

Yawe umusuma, wene akacingilila antu yakwe mu nsita ya ntazi. Aliwe akawaka yao amutaila.

1 Kolinto 8:3

Lelo Leza wene asyatwisika umuntu wino wamutemwa.

Galatiya 4:9

Lelo ndakai mwamanya Leza, nga kuluta pali cii, Leza nawe wamumanya. Uzye lyene mungaswilila uli ku kutekwa uzya ni ntambi zya nsi zisi na muzano nupya zikalenga insonyi?

Malango 2:7

“Mwiusye vyonsi vino Yawe wamupolelela mu milimo inu yonsi. Wene wamusakamalanga nu kumuwaka lilyo lyonsi lino mwalulumbanga mu lwanga ulutaikulila. Apa myaka ii yonsi amakumi yani Yawe wali namwe, nupya mutulilwanga icintu nanti cimwi.

Malango 32:10

“Wene wayazanyile yakululumba mu lwanga, mu mapoli, mu lwanga uluwatuke nupya mu cimuza ca lukungu. Atandika ukuyacingilila nu kuyasunga ningo, wakwe vino angasunga nyinalinso uwi linso lyakwe.

Malango 8:15

Wene wamutungulwile mu lwanga lulu luwatuke muno mwali inzoka zya usungu na makalela ausungu. Wene wamupeezile amanzi ukufuma mwi we likome cuze mu mpanga ilya iyumalale nupya iyaula amanzi.