Oseya 13:16 - Amazwi Yakwe Leza 2013

¹⁶ Samaliya alinzile kuvunukwa, pamulandu wakuti yasangukila Leza wao. Aikazi ya mwenemo yalasendwa umu nkondo, ana yanono yalapololwa apa musili, na anaci asenda indilwa yalatumbulwa.”

Oseya 13:16 ပူးပေါင်းရင်းမြစ်များ

2 Yamwene 15:16

Lino Menaemu wafumanga uku Tiliza, umu nzila wasile wavundanya umusumba wa Tifisa, aonona yonsi pyu. Asya wakoma na ikazi yonsi amwenemo, aonona ni mpanga yonsi iyali mu mbali, apakuzana ukuti antu ali mwenemo yatalondanga ukucimba kunoli. Asya wapanza yamangu yonsi anyomelile.

2 Yamwene 17:18

Acino Yawe asokela sana aina Izlaeli nu kuyasisya uku cinso cakwe, nu kusya sile amu mutundu wakwe Yuda.

2 Yamwene 17:5

Alino lyene umwene Syalimaneseli uwaku Asilya wizile azanza impanga ya Izlaeli yonsi, nu kulizizya umusumba ukalamba wa Samaliya. Umu mwaka wakwe citatu pano yaulizizye,

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

2 Yamwene 8:12

Hazaeli nawe asuka auzya ati, “Uzye pacani fwandi cino watandika ukulila vivyo?” Elisya nawe aasuka ati, “Apamulandu wakuti ni ndola ivintu ukwipa vino ulacita ku ina Izlaeli. Wemo uloca amalinga yao, ulakomola alumendo yamaka yonsi, ulapolola utwana twao ni mpungo mpaka tufwe, alino nu kupanza ya mama yonsi anyomelile.”

Ezaya 13:16

Yalalyatola yao ale yakulola ntontonto. Yalasampa ivyuma mu mang'anda, nu kuyembuka na aci yao umu kuyapatikizya.

Ezaya 17:3

Ku Efulemu kutalaya umusumba wi linga, nu ku Damasiko kutalaya uwene. Aina Alamu alasyalapo yalapupana wakwe cimwi, ungati sile avino cali ku ina Izlaeli.” Ivyalanda Yawe Wamaka yonsi.

Ezaya 8:4

Pano alala mwana atacili wamanya ukwama ati, ‘Tata’ nanti ‘Mayo’, mwene waku Asilya ale wasenda mpiti ivyuma vyaku Damasiko ni visampwe vyonsi vyaku Samaliya.”

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Oseya 11:6

Inkondo ilonona imisumba yao. Anisi yalavuna imilyango ya mpongolo zyao nu kuyonona, pano aisikulu yalondela sile amapange yao.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Amosi 1:13

Yawe wavwanga wati, “Pamulandu wakuti aikazi aku Amoni yacili yakutwalilila ukwifya, nemo ntalata ukuyavunuka. Yene apakulondesya ukulundulula yanande yao, yatumbulanga anaci aku Gileadi yano yanyomelile.

Amosi 3:9

“Upundilile ku antu akaikala umu malinga aku Asyidodi, nu ku antu akaikala mu malinga aku Eguputo. Uyanene kuti yakongane ku myamba iyazinguluka Samaliya, alino mulole icimvulunganya icili kweneko, ni vyaukakasi nu lufyengo ivikucitikila aikazi ya mwenemo.

Amosi 9:1

Naweni Yawe ala aimi apipi na kavuwa. Wene wavwanzile ati, “Kunulini incesi zya Ng'anda ikulu yakwe Yawe, kuti umufula wakweyo utente. Muziongolwele pa mitwe ya antu. Yayo asyala ndayakoma umu nkondo. Kusi umwi wino alaleuka. Kusi umwi wino aluutuka.

Mika 1:4

Imyamba iyo ikusunguluka pano walyata ungati ipula mu moto, nga ni vyati visunguluka ivikonkolokela mu vifoloma, wa manzi akukonkolokela ku mikonko.

Mika 6:16

Mwemo mwalondela ivicitwa viipe vyakwe Omuli ni vicitwa vyonsi vya ang'anda yakwe Aabu. Mukasunga ni ntambi zyao zyonsi. Caleka ndamulovya, na antu yonsi yalamusuula, nga na antu amu nko zyuze yalamusoweka.”

Naumi 3:10

Lelo kwene antu amu Teebesi yalemilwe nga yasendwa mu uzya. Ana yao yonsi kwene yasyunozilwe pansi mu miseo yonsi yamu musumba uwo. Anisi yapendozile apa kwankana antu acindame yano yaya mwenemo, kumwi ni ntunguluzi zyakweo iyazinyepa mu minyololo.