Oseya 13:15 - Amazwi Yakwe Leza 2013

¹⁵ Nanti angala aina Izlaeli yakukula ningo wa vikona, ndatuma umuza ukaye waku kayeya, uno ulafuma mu lwanga nu kwiza kamya utufukoka kumwi ni vifula vya manzi. Anisi yalonona icuma cakwe ca mutengo ukome.

Oseya 13:15 ပူးပေါင်းရင်းမြစ်များ

Utandiko 41:23

Lyene ku lusawa ululi lumwi kwafuma misakinta nayuze cinimbali, inyale nupya ifooke pamulandu wa muza uno wafumanga mu lwanga.

Utandiko 41:52

Nupya ati, “Leza watampela ana mu mpanga ya ucuzi.” Caleka atemela umwana umonsi wakwe ciili izina ati a Efulemu.

Utandiko 41:6

Lyene ku lusawa ululi lumwi kutumba misakinta nayuze cinimbali, inyale nupya ifooke pamulandu wa muza uno wafumanga mu lwanga.

Utandiko 48:19

Yakobo akana ati, “Awe! Manyile mwanane. Na amu mupanda wakwe Manase kwene yalaya luko lukulu. Lelo Efulemu alaya mukulu ukuluta Manase nga na amu mupanda wakwe yalaya inko zikulu.”

Utandiko 49:22

“Yosefu akoline wa muti uno ukaseeka, muti ukaseeka uno uli pipi ni ntulo ya manzi. Misambo yakweo ikatambilizya pa lung'umba.

Yobo 18:16

Imisisi ya miti mu vyalo vyakwe nayo suka sile yuma, kumwi namafwa ukumpela ya nsala.

Masamu 1:4

Lelo yakacita ya viipe asi vino yaya awe. Yene yakoline na cungu wino akaululwa nu muza.

Masamu 109:13

Uluko lwakwe kalulowelele, ni zina lyakwe lisilile umu nkulo yonga sile.

Ezaya 14:21

Ukukomolwa kwange kule kutandike! Uleke ana yamwene yafwe apamulandu na maifyo ya vikolwe vyao. Cizipe kutakatale kuye uwakuti akateeke nupya, panonsi nanti mu misumba.”

Ezaya 17:13

Imitundu ya antu ino yatiiza yatikatuka wa maimbi akome. Lelo Yawe waikalipila, nga nayo yaswilila mwenemo. Apa kufuma, yene yuluka wakwe cungu. Yuluka wa nsaawa zino zyasendwa kuli nkungulupya.

Ezaya 27:8

Wene wayapezizye wakwe cimwi apakuyazingila ku mpanga ya inamasi. Wayulula ku muza wakwe ukali, uwaya wa cipunga icikafuma ku ufumondaka.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Yelemiya 20:5

Namaleka na anisi yako yasampe ni vyuma vyonsi ivyaya mu musumba uno wa mpanga ya Yuda kumwi na vyonsi vyamutengo ivyaya mwenemo. Vyuma vyonsi vyakwe yamwene yalavisenda ku Babiloni.

Yelemiya 4:11

“Umu nsita ilya yalumila umutundu kwene uu na antu amu Yelusalemu imbila yati, Umuza ukaye auwa ukufuma mu lwanga, ukwizila mwe antu yane. Wene usikwiza mu kumwelulula ndi vino ukaelulula ingano, awe.

Yelemiya 4:12

Umuza uo uno ukwiza api lamulo lyakwe Yawe, wene ulaya ukome ukuluta. Yawe umwisikulu aliwe akuma imbila ya uputuzi pa antu yakwe.

Yelemiya 51:1

Yawe wavwanga wati, “Lola, nemo nasya mvulumule umupasi wa mononyi, uwakulwisya Babiloni na antu aikala uku Babiloni.

Yelemiya 51:36

Caleka Yawe anena antu amu Yelusalemu ati, “Umulandu winu, anene ndausumbako amano, nupya anene ndamulandwila kweneko. Nemo ndakamya intulo zya manzi umu Babiloni kumwi ni nguzi kwene.

Ezekelo 17:10

Ukulemwa kuno walemwa, uzye ulalemuka? Uzye utalanyala, umuza waku ufumondaka ndi wapunga kuno uli? Ala ulumila pa musili kwene pano wamelela.’”

Ezekelo 19:12

Lelo antu acipyu yene iyautukula, yauwisya na pansi. Iviseekwa vyakweo ali pakuuma, pamulandu wa muza waku ufumondaka. Imisambo yakweo nayo ikontoka, yuuma ipya nu ku moto.

Danieli 11:8

Wene alaswilizya ku Eguputo amaunkolanya yao yakwe tuleza twao nga na vyakwe zaabu na siluva ivyapilwe kuli tuleza tutu. Lyene alatala asye umwene waku katutu apacisila ca myaka imwi.

Oseya 10:1

Aina Izlaeli yakoline wa mutingi utambilile uno ukaseeka iviseekwa ivivule. Lino cuma cao casanduluka, nayo yakuula utuvuwa natuze. Lino impanga yao yaya nu longo, nayo yalundulula ukuyemvya vipilala vyao vya kupepelapo.

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Oseya 4:19

Yene yalafumiwapo ungati icintu cino casendwa na nkungulupya, nga yaluvwa ni nsonyi apamulandu wa mpolelwa zyao zya inamasi.

Oseya 9:11

Ucindami wa luko lwakwe Efulemu ulapita wa kupapuka kwa cunyi. Yene yatalakwata ana nupya. Aci yao yatalatala yaye pa ukulu, yatalasenda indilwa, awe.

Yona 4:8

Lyene lino ilanzi lyatunka, Leza akatusya umuza ukaye ukufuma ku ufumondaka, nga ilanzi nalyo ilyoca Yona apa mutwe cakuti afwa icipafi. Yona alonda nu kufwa, nga avwanga ati, “Canzipila ukufwa kuluta ukuya nu umi.”

Naumi 2:9

Sampini siluva! Sampini zaabu! Icuma cao cavula sana. Cene icamutengo ukulu wakwe cimwi

Malango 33:17

Yosefu waya ni vimaka vyakwe cipambasi wa ng'ombe, wa mpembe zya mbo. Impembe zyakwe zikoline wa ana yakwe Manase amazimbi na mazimbi. Nupya wa antu yakwe Efulemu amazimbi na mazimbi. Ali mpembe zino akatunkwila antu ya mitundu Nu kuya vwintila ku mpelelekezyo ya nsi.”