Oseya 13:13 - Amazwi Yakwe Leza 2013

¹³ Wene akunyunguluka wa mwanaci wino ali pipi nu kulela. Izlaeli wapelwa insita nayuze yakuya umumi. Lelo wene iciwelewele sana, cakuti aposiwa nu kumanya cico, wa mwana akanya akali pipi nu kuloleka. Lelo lino insita yakako yakuvyalwa yapalama, kene katakasi ukufuma mu ndilwa.

Oseya 13:13 ပူးပေါင်းရင်းမြစ်များ

2 Yamwene 19:3

Hezekiya wayatumile amazwi akuyanena Ezaya ati, “Uwanda wilelo, uwanda wamalanda, uwakucula, uwakusimangwa, nu kuuvwa insonyi. Swemo tuli sile wa mwanaci atakweti amaka akupapila apa nsita yakupapa lino yatimufikila.

Masamu 48:6

Fwandi ali vino intete zyayalemile iyaasela sile wa mwanaci ali mupipi nu kwelepa umwana,

Mapinda 22:3

Umuntu wamano akacevya uzanzo ungamuzana nu kuutuka autuka, lelo iciwelewele cene cikaitwala sile umu mazanzo.

Ezaya 13:8

Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.

Ezaya 21:3

Apamulandu wa vintu vino nuvwile nu kuvilola mu cilolwa nkuuvwa intete nu ulanda, wa mwanaci wino ali pipi nu kupapa. Vino nuvwa vyativindetela izyungu. Vino nkulola vyampezya amano.

Ezaya 26:17

We Yawe, awewe waleka ukuti twakulilila, ndi vino nacivyazi akakuuta pakulela.

Ezaya 37:3

Nayo ali pakuya mufisizya amazwi ya mwene iyati, “Uwanda uu, uwanda umwi uwa kuculamo. Uwanda umwi uwakusinkolwa nupya uwakuuvwamo ni nsonyi. Lyene swemo tuli sile wa mwanaci atakweti amaka yakupapa lino insita yakwe yamufikila.

Ezaya 66:9

Uzye mwemo mwalola ukuti ningatazyela indilwa yane ukwaula ukuti iyelepe? Uzye nemuno nkalenga ukwelepa nene ningayala ikwata?

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

Yelemiya 22:23

Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Yelemiya 30:6

Tala tekelini, muzyeko! Uzye umonsi angavyala umwana? Uzye pacani fwandi nkulola kuno umonsi ali wensi watalema mu musana wa mwanaci wino ali pipi nu kulela? Uzye pacani cino amausyu yao yatiyasenukila vii nu kuswepuluka?

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 49:24

Damasiko wataiteyanya ukuutuka, akuzakaza sile. Ulanda ni ntazi vyati vila vimuzana. Ali kwati umwanaci wino ali pipi nu kulela.

Oseya 5:4

Imilimo yao iipe isiyazumilizya ukuwelela kuli Leza wao, pano yakweti imyenzo yakuntataila, nupya yasizumila vyapali Yawe.

Yoane 16:21

Lino umwanaci ali pipi nu kuvyala, akaya nu ulanda pano kasita kakwe ka ucuzi ala kati kiiza. Lelo lino mwana wavyalwa, umwanaci asyaiusya kucula kwakwe, pano ali ni nsansa pamulandu wa kuvyalwa kwa mwana mu nsi.

Yoane 5:4

Pano mu tusita tumwi tumwi mungeli wa Mwene wikilanga mu ciziya ku kuvundola manzi. Lyene umulwale wino wakolela kwingilamo lino manzi yavundolwa, wene apoziwa ku ndwala yonsi ino wali nayo.]

Milimo 24:25

Lelo lino Paulo watandika kulondolola vya musango wakuya mu wololoke nu kuikanya nga nu kwiza kwa Wanda wa upinguzi, Felikisi auvwa intete nga anena Paulo ati, “Ungapita ndakai. Ndakwama lino ndakwata insita.”

2 Kolinto 6:2

Leza walanda mu malembelo ati, “Lino kasita kasuma kakumwazwa kafisile, nuvwile kuno muli, nga na lino wanda wafisile uwakuti imutuule namwazwizye.” Uvwini! Ndakai kasita kasuma kakumwazwa. Uvwini! Ilelo wanda wa kutuulwa.

Malango 32:6

Uzye icumi ali vino mungacita kuli Yawe, mwe viwelewele vya antu, mwe mbutuma mwe? Ala wene ali so, uwa muumvile, uwamucisile ukuya uluko.

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.