Oseya 12:7 - Amazwi Yakwe Leza 2013

⁷ Yawe akuti, “Aina Izlaeli yakoline na aculuzi aucenjezi yano yakaomvya inteko zya ucenjezi. Yene yatemwa ukuliila antu mu umfisolo.

Oseya 12:7 ပူးပေါင်းရင်းမြစ်များ

Utandiko 49:18

“We Yawe, nkalolela ufyusi wako.

Mapinda 11:1

Inteko zya ucenjezi zikasosya Yawe, lelo icipimo icisi caucenjenzi cene cikamuzanzya.

Mapinda 16:11

Yawe akalonda ukuti ivipimilo vyakupimilako vyaya ivilungame, nu mu uculuzi kwene monsi, akalonda mutaya ulufyengo.

Ezaya 3:5

Antu yalacuzyanya, umwina nu mwina, umwinipamba wenga nu muze. Ana yanono yalakatukila aikolo. Iviwelewele vya antu vilasangukila yasimucindikwa.

Ezaya 56:1

Yawe wavwanga wati, “Nemo nasya imupususye. Mwasya mulole vino ne mulungami nkacimvya. Fwandi mwemo mwacita sile ivyaololoke nga ni visuma.

Ezekelo 16:3

Munene ndi vino Yawe Simwandalali wanena Yelusalemu ati, ‘Kuno wafuma apakuti wize uvyalwe uku Kenani. So, wali umwina Amoli, nyoko nawe umwina Hiti.

Ezekelo 22:29

Akama nayo yakacenjezya auze nu kuiyila vintu. Yakacuzya alanda, yakafyenga na aenyi.

Ezekelo 28:5

Wemo wali umulamoke mukucita uculuzi nupya watwalilile kukwata umuzano wakwe cimwi, ali cino uli ni cilumba pamulandu wa vyuma vyako.”

Oseya 14:2

Welini kuli Yawe, nu kumulenga muti, “Utwelele amaifyo itu yonsi. Uuvwe ni ipepo litu nga naswe tumakulumbanyanga.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Amosi 2:7

Apina yene yakayacenjezya ukupitila mu kulamoka. Yene yasilonda nu kulola acuzi. Isi nu mwana umonsi yakalongozya nu mwanaci umuomvi wao ali umwi kwene, cakuti yifya ni zina lyane ilya muzilo.

Amosi 3:9

“Upundilile ku antu akaikala umu malinga aku Asyidodi, nu ku antu akaikala mu malinga aku Eguputo. Uyanene kuti yakongane ku myamba iyazinguluka Samaliya, alino mulole icimvulunganya icili kweneko, ni vyaukakasi nu lufyengo ivikucitikila aikazi ya mwenemo.

Amosi 4:1

Uvwini amazwi yaa, mwe anaci aku Samaliya, mwemuno mukulu kwina wakwe yamutusa ya ng'ombe zyaku Basyani, mwemuno mukazunya apina nu kucuzya yayo aulilwa. Mwemo mwikalila sile ukupingula yawinu ala mukuti, “Tupelini ivyakuzusya uku nsingo.”

Amosi 5:11

Mukatitikizya apina nu kuyiila lino yakusonka imisonko ya mbezu zyao. Uli mulandu uno nanti mungakuula uli amang'anda ayembe akuulilwa na mawe, mutalikala mwenemo.

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Mika 7:2

Antu acumi yatacilipo pa mpanga ya pano pansi, kusi nanti wenga akacita ivilungame. Yonsi kwene yakateyamila auze kuti yayakome. Cila muntu akateya ulukose lwakulemyamo umwina.

Zakaliya 14:21

Intendo ili yonsi mu Yelusalemu nu mpanga yakwe Yuda ilasanguka icuma camuzilo cakwe Yawe Wamaka yonsi. Yonsi alalonda ukoca impolelwa, yalazitoola nu kuziomvya apakwelekela inyama wa mpolelwa kuli Yawe. Pa wanda ulya mutalayamo aculuzi mu Ng'anda ikulu yakwe Yawe Wamaka yonsi.

Zakaliya 5:8

Umungeli avwanga ati, “Umwanaci wii, ali cimanyililo ca uyi kwene.” Alino umungeli atininkizya umwanaci kwene wilya muli cimpokoso, akupikapo ni ntupiko, nayo yali inyome wakwe cimwi.

Zakaliya 7:9

“Yawe Wamaka yonsi wavwanga wati, ‘Putulini imilandu nu ulungami wa cumi. Nupya cila wenga aye nu luse na mizu ku muntu muze.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Yoane 2:16

Anena yano akazyanga nkunda, ati, “Zifumini, mutacita ng'anda yakwe Tata wa ng'anda ya uculuzi.”

Yakobo 5:4

Mutacili mulipile aomvi malipilo yao, yano onsi akuomba mu vyalo vinu. Uvwini kuilizyanya kwao! Kulilizika kwakwe yao akakonganika vino yakamuzombwela kwati kuvwika kuli Leza, uwa maka onsi.

1 Samueli 12:3

Anene apanondi, munsinile pa manso yakwe Yawe na pa manso ya muntu wino watansonta ukuya umwene winu. Uzye aweni wino natazile intolela masaye wakwe nanti punda wakwe? Nanti wino natolile ivintu mu ucenjezi? Uzye aweni wino nacuzizye? Akuli weni kuno natoozile amafukakanwa? Ndi cakuti akunoli wino nacitile cimwi pali vii, mukwai namamuwezezya.”