Oseya 12:2 - Amazwi Yakwe Leza 2013

² Yawe akweti umulandu wakupeela aluko lwakwe Yuda. Wene alavunuka amu mutundu wakwe Yakobo pamulandu wa miyele yao, alayalambula ukulingana ni milimo yao iipe.

Oseya 12:2 ပူးပေါင်းရင်းမြစ်များ

2 Yamwene 17:4

Lelo uwanda umwi Hosyea umwene waku Asilya atuma inkombe kuli So, umwene waku Eguputo, ukuuzya uwazwilizyo, nu kuta ukusonka umusonko wa cila mwaka ku mwene waku Asilya. Lino Syalimaneseli wamanya cico, walanzile ukuti Hosyea alinzile ukulemwa nu kusumbilwa mu ng'anda yaminyololo.

Yobo 15:2

“Uzye kwene umuntu wa mano ali wino angaasuka amazwi ya uwelewele? Nanti ukwikuta umuza ukaye uno ukafuma uku ufumondaka?

Masamu 78:36

Lelo kwene amazwi yao yali aufi sile, ni mivwangile yao yali iya ndimi ziili.

Kasambilizya 5:15

Tukafuma mu nsi ii tupu ndi vino twavilwe tupu. Pa milimo yonsi yakukailwa ino twaomvile, kusi nanti acimwi cino tungasenda mu minwe itu.

Ezaya 10:12

Lelo Yawe akuti, “Nemo ndamalilila vino nkucitila Mwamba wa Zioni nu mu Yelusalemu, nemo ndavunuka mwene waku Asilya, apa cilumba cakwe nu kuyuvwa kwakwe.

Ezaya 10:6

Nene namutumile ukuya ku kuzanza umutundu wa antu atamanya Leza, akambavya umwenzo, uku kupokolola ivisampwe, nu kuyiila nu kuyalyatola wa ntipa mu miseo.”

Ezaya 24:21

Mu wanda ulya Yawe alavunuka asambazi yamaka yano yayela umupela, kumwi na yakateeka yamaka ya panonsi.

Ezaya 3:11

Kalanda ku antu aipe! Yene yalacilola! Yalalipilwa apa uyi uno iminwe yao yacita.

Ezaya 30:6

Amazwi asowilwe pamulandu ni nyama zyamu Negebu, aeya akuti, “Inkombe zikapitana umu mpanga umwavula ivilyanyi, muno mwaya yacisama, umwaya ivizoka iviipisye, nga alino ni vinjelengwe vyuze ivikapapuka. Inkombe zizyo zikasenda pali yapunda napa ngamila, ivintu ivya wila ivya mutengo ivya kutwalila umutundu wa antu uno ukaposiwa nu kuyazwilizya kweneko.”

Ezaya 59:18

Amalambula ukali kuli cila muntu apa vintu vino wacita. Alafulula na akutali kwene yano yakamulwisya.

Yelemiya 25:31

Alino cilulumo cakwe cuvwika mpaka nu kumpelelekezyo ya nsi. Pano Yawe akusinila imitundu ino yaleta antu yonsi uku cilye. Aipe alayapingwila ukukomwa.” Ivyalanda ne Yawe.

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Oseya 4:9

Acino yasimapepo yayo ndayapezya ndi vivi kwene vino ndapezya antu. Ndayavunuka pamulandu wa miyele yao iipe nga nu kuyalambula pa milimo yao iyo.

Oseya 7:1

Lilyo lyonsi lino nkulonda kuwezya antu yane apasuma, lino nkasi kupeela aina Izlaeli ulongo, amaifyo yao yakaloleka apaswe. Imilimo iipe ya antu aku Samaliya ikasokololwa. Yene yakacita vyaucenjezi, yakatama amang'anda ya antu nu kwiya, yakazanza nu kuyiila antu umu miseo.

Oseya 7:11

“Aluko lwakwe Efulemu yakoline wa nkunda, itumpe, iyaula amano. Yene yakaama aina Eguputo, nu kuya ku Asilya kukulenga uwazwilizyo.

Oseya 7:2

Lelo yene yasiiluka ukuti nemo nkaiusya ivicitwa vyao vyonsi iviipe. Amaifyo yao yayalizizya monsi, nupya lyonsi kwene nkayalola.

Oseya 8:10

Nanti angala yene yalemana na antu amu nko zyuze, ndayakolonganya nu kuyonona. Zuwazuwa yene yalondoloka wakwe cimwi apa kuzunyiwa nu utesi wa mwene waku Asilya.

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 8:9

Pano yene yutukila uku Asilya ungati imfwalasi zyamu mpanga izikululumba zyonga. Aluko lwakwe Efulemu yalipila antu amu nko zyuze kuti yayazwilizya.

Oseya 9:15

Yawe akuti, “Uyi wao onsi ulaloleka makamaka ku Giligali. Kuku akuno natandike ukuyapata. Ndayazinga mu mpanga yane, pamulandu wa vicitwa vyao iviipe. Ntalatala njatemwe nupya. Intunguluzi zyao zyonsi zyansangukila.

Oseya 9:9

Antu yipilako ndi vino cacitike ku Gibeya. Pamulandu wakwe cico Leza atalilila uyi wao, nupya alayavunuka pa maifyo yao.

Amosi 2:4

Yawe wavwanga wati, “Pamulandu wakuti antu aku Yuda yakutwalilila ukwifya, nemo ntalaposiwa ukuyavunuka. Yene yakapepusya amasunde yane ne Yawe, acino yasinguvwila muli vyonsi vino nkayasunda, nga na Tuleza twaufi utwa vikolwe vyao twayaponzya.

Mika 6:2

Mwe myamba, uvwini umulandu uno Yawe wasiika, namwe kwene mwe mifula yamuyayaya ya nsi ii. Pano Yawe akupeela antu yakwe umulandu. Wene akupeela aina Izlaeli umulandu.”

Mateo 16:27

Pano Mwana wa Muntu aliiza pali pamwi na angeli yakwe mu lulumbi lwakwe Isi. Lyene alalambula nanti kuvunuka cila muntu kulingana ni vicitwa vyakwe.

Loma 2:6

Pano Leza alalambula cila muntu kulingana ni milimo yakwe.

Galatiya 6:7

Mutaisomba mweisikulu. Kusi umwi angatumpika Leza. Muntu akazombola kulingana na vino wakomela.