Oseya 12:13 - Amazwi Yakwe Leza 2013

¹³ Apa kufumya aina Izlaeli mu Eguputo Yawe waomvizye kasema. Nga wayasunganga kupitila muli kasema kwene wiyo.

Oseya 12:13 ပူးပေါင်းရင်းမြစ်များ

Utandiko 28:2

Katuka upite kwakwe sokulu Betuele, ku Mesopotamya, akuno ukatwale umwanaci uwamu avyala yako, ana yakwe Labani nyokolume.

Utandiko 29:20

Caleka Yakobo aombela Lakeli imyaka cinimbali, ni nsita yonsi kunoli yali wa manda yanono. Pano wamutemilwe cuze.

Masamu 77:20

Endi mwandi, avino watungulwile antu yako wakwe kacema wa mfwele, pamwi ni ntunguluzi zyao, Mose na Aaloni.

Kufuma 13:3

Mose anena antu ati, “Lyonsi mwaiusya uwanda uu. Uli wanda uno mwafumile mu Eguputo, ku cifulo cino mwali azya. Uu uli wanda uno Yawe waomvizye maka yakwe pa kumufumya kuku. Caleka mutalinzile ukulya umukate umuli icitutumusi.

Kufuma 14:19

Lyene mungeli wakwe Leza, wino wali ku nkolelo ya vita vya ina Izlaeli afumako aiza kucisila cao, ni kumbi kwene lifuma ku nkolelo liiza ku cisila cao.

Oseya 11:1

Yawe akuti, “Lino Izlaeli wali umwana munono, namutemilwe nga imwama umwanane ukufuma lino wafumile mu Eguputo.

Oseya 2:15

Kuku kwene akuno ndamuwezezya vyalo vyakwe vya matingi. Ndasenula Cifoloma ca Ntazi kuti ciye impongolo ya upaalilo. Nga kuku kwene akuno wene alazumila kunondi ndi vino wazumile lilya lino wali umwance, lino wene wafumile mu Eguputo.

Mika 6:4

Nemo namufumizye mu mpanga ya Eguputo. Namupuswisye ku uzya umu mpanga muno mwali azya. Alino ntuma Mose, Aloni, na Milyamu kuti yamutungulule.

Mpendwa 12:8

Tukalanda sika, na manso ntontonto. Tukalanda apaswe nupya musi mu tucole foo. Wene akalola ni cata cakwe Yawe. Uzye fwandi pacani cino mutakwatile intete zya kuilizyanya pa muomvi wane Mose?”

Malango 26:5

Lyene nawe ulalanda amazwi inkolelo yakwe Yawe Leza winu uti, ‘Cikolwe cane cali icina Alamu, cico icalulumbanga, nupya caile ku Eguputo pamwi nu lupwa lwaciko. Lino yaile kweneko yali akaliumba akanono sile, lelo mukuya amanda iyasuka yansanduluka iyaya umutundu wa maka.

1 Samueli 12:8

Lino Yakobo na ana yakwe yatentemukile ku Eguputo, yene yalilile kuli Yawe kuti ayazwilizye, nga Yawe pali pakutuma Mose na Aloni, yao ayafumizye mu mpanga ya Eguputo iyayaleta yikala mu ncende ii.