Oseya 11:9 - Amazwi Yakwe Leza 2013

⁹ Ntalakuvunuka mu ukali wane, ntalakonona we Efulemu, pano nene indi Leza, insi muntu awe. Nene, Wamuzilo wilya, indi namwe. Nupya ntalawela kunomuli ku kwiza monona.

Oseya 11:9 ပူးပေါင်းရင်းမြစ်များ

2 Samueli 20:10

Amasa ataiwasile ku lupanga luno Yoabu wakweti umu minwe, nga Yoabu amutota nalo umunda, nga na mala iyafumfumuka pansi. Amasa afwa papo kwene ukwaula kuti yamutote lili. Lyene Yoabu na Abisyai umwina wakwe iyacocovya Syeba umwana umonsi wakwe Bikili.

Masamu 46:5

Leza akaikala umu musumba uo uno utalatala uwe, pano wene kumacaca, ala wataiza ku kuucingilila.

Masamu 78:38

Nga lelo Leza wene wayayelelanga uluse. Wene wafutanga uyi wao nga atayalovizye foo. Amaila sile aingi, wasokolokanga nu kuwezya umwenzo.

Masamu 85:4

Tuswilizye mwenemo, we Leza we katuula witu. Fusya kweneko icipyu cako!

Ezaya 12:6

Pundisyini nu kwimbila ni nsansa, mwe antu aku Zioni, pano Wamuzilo wilya waku Izlaeli wene umukulu pakasi kinu.”

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.

Ezaya 41:14

Nupya Yawe wavwanga wati, “Mwe ina Izlaeli, nanti angala mwacepesya nu kuulilwa amaka, mutaoopa foo, pano nene namamwazwanga. Anene Leza Wamuzilo wakwe Izlaeli. Anene namamupususyanga.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 48:9

“Apakuti antu yace yandumbanya, namatala imfusye ukali wane. Namafukilila nu kumulovya ntalamulovya.

Ezaya 5:24

Caleka fwandi icisinte cao cilalowa, nga na maluwa awalule ningo yalasendwa wa lukungu, ndi vino insawa zikapya uku cimbilimbili ca moto, ni sote ilyume likapya nu lupya. Apa mulandu wakuti yasuula iceo cakwe Yawe Wamaka yonsi, yacita imisuula ku Wamuzilo wakwe Izlaeli.

Yelemiya 26:3

Limwi yangasuka yuvwe nu kuta imisango yao iipe. Nani namasuka njatezele api syamo lino napingula kuyaletela pa vicitwa vyao iviipe.”

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Oseya 12:1

Vyonsi vino Aluko lwakwe Efulemu yakacita ukutandikila akatondo mpaka usiku ivyasilesile, nupya vikaonona. Ucenjezi ni vicitwa vya usomvi vikusanduluka pakasi kao. Yene yakapangana na ina Asilya nu kucita uculuzi na ina Eguputo.

Oseya 14:4

Yawe akuti, “Ndawezya antu yane kunondi, ndayatemwa nu mwenzo wane onsi, pano natinta ukuyasokela.

Malaki 3:6

“Nene indi Yawe, nupya nsisenuka awe. Acino mwe amu mupanda wakwe Yakobo mutaloviwa.

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Malango 13:17

Apa vintu vino vyativiundwa cisi cakwezya ukusunga nanti cimwi, pali pakuti namwe kwene Yawe atakaye nu ukali panomuli nupya ace amwelele. Wene alaya na mizu kunomuli nu kuleka kuti musanduluke, wakwe vino walavile ivikolwe vinu,

1 Samueli 26:8

Alino Abisyai anena Davidi ati, “Ilelo Leza watapeela anisi yako umu makasa yako. Fwandi kantole isumo lyakwe kwene alino mutulinkanye mpaka lisimpe na pansi, apakuvwinta isumo lyane iila lyonga kwene. Nsikumutota iila lyakwe ciili, foo.”