Oseya 11:11 - Amazwi Yakwe Leza 2013

¹¹ Yalawela ale yakuzakaza ungati ivyunyi, ukufuma ku Eguputo, Yalawela ungati ivipeele ukufuma ku Asilya. Lyene ndayatwala nupya kumwao. Kuu kuli kulanda kwakwe Yawe.”

Oseya 11:11 ပူးပေါင်းရင်းမြစ်များ

Ezaya 11:11

Mu wanda ulya Yawe alatumpula nupya ikasa lyakwe, nu kuwezya yonsi yalya yano yasile uku Asilya na Eguputo. Uku Pafulosi, ku Sudani, uku Kusyi, uku Elamu, ku Babiloni, ku Hamati, nga na pa vilila vyamuli yemba.

Ezaya 60:8

Uzye ayaweni yaya yano yakuzyunda wa makumbi, yano yakwiza ungati ivipeele ivikupapukila ku cinsanzo?

Yelemiya 31:12

Yaliza apa Mwamba wa Zioni, nu kulaizya ni nsansa, yalutukila ku visuma vyakwe Yawe, ivili wa ngano, waini, amafuta, imfwele ni ng'ombe. Umwenzo wao ulakola icalo cikontelelwe, yataluvwa ulanda.

Ezekelo 34:27

Imiti yamu mpanga ilaseeka iviseekwa vyakweo, nu musili ulamezya ivyakulya vyakweo, yalikala umutende mu mpanga yao. Lyene alino yalama ukuti nene indi Yawe, lino ndaputula insinga zya makoli yao, nu kuyakulula mu makasa yakwe yao ayateeka uzya.

Ezekelo 34:28

Yalata ukuya ivisampwa vya mitundu, ni vilyanyi vya mpanga vitalaayalya. Yalaikala mutende, kutalaya nupya uwa kuyacuzya.

Ezekelo 37:21

Yanene ukuti ne Yawe ndafumya Aina Izlaeli umu mitundu ya yantu yauze muno yaya nu kuyakolonganika pamwi, nga alino nkayaswilizye umu mpanga yao.

Ezekelo 37:25

Yalaikala umu mpanga ino napiile umuomvi wane Yakobo, umwikalanga ni vikolwe vyao. Ali muno na eneco kwene yalaikala amanda pe pamwi na ana yao, kumwi ni vizikulula vyao kwene.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Oseya 7:11

“Aluko lwakwe Efulemu yakoline wa nkunda, itumpe, iyaula amano. Yene yakaama aina Eguputo, nu kuya ku Asilya kukulenga uwazwilizyo.

Obadiya 1:17

“Lelo pa mwamba wa Zioni palikala yamwi alapusuka, alino nu mwamba ulaya uziliziwe. Lilyo kwene ali lino amu mupanda wakwe Yakobo yalapokelela icaupyanyi cao.

Zakaliya 10:10

Ndayafumya mu mpanga yaku Eguputo nu mu Asilya, ndayawezezya na kuno ukumwao. Ndayateeka mu mpanga ya Gileadi nu mu mpanga ya Lebanoni kwene, nu mu mpanga ilya yonsi mulasuka muzuule antu.

Zakaliya 8:7

Nemo ndatuula antu yane, ndayafumya mu mpanga zyaku ufumondaka, nu mu mpanga zyaku uwondaka.

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.