Oseya 10:7 - Amazwi Yakwe Leza 2013

⁷ Aina Samaliya kumwi nu mwene wao yalasendwa kuku ukutali ungati akamuti kano kakwelela apa manzi.

Oseya 10:7 ပူးပေါင်းရင်းမြစ်များ

1 Yamwene 21:1

Kwali umuntu umwi waku Yezileele wino izina lyakwe a Naboti. Wene wakweti calo ca matingi ku Yezileele, pipi ni sano lyakwe Aabu, umwene waku Samaliya.

2 Yamwene 1:3

Lelo umungeli wakwe Yawe anena Eliya umwina Tisyibe ati, “Katuka yanga ukakomenkanye inkombe zya mwene waku Samaliya nga uzyuzye uti, ‘Uzye icani icalenga kuti uye ku kusapola kuli Baali Zebubi, kaleza ka antu aku Ekiloni? Uzye mukwelenganya ukuti mu mpanga ya Izlaeli mutaya Leza, vwile?’

2 Yamwene 15:30

Umu mwaka walenga amakumi yaili, pano Yotamu umwana wakwe Azaliya wateekanga umu mpanga ya Yuda, Hosyea umwana wakwe Elaa akatuka nu kupingila Peka umwana umonsi wakwe Lemaliya. Asuka amukoma amupyana na pa wene.

2 Yamwene 17:4

Lelo uwanda umwi Hosyea umwene waku Asilya atuma inkombe kuli So, umwene waku Eguputo, ukuuzya uwazwilizyo, nu kuta ukusonka umusonko wa cila mwaka ku mwene waku Asilya. Lino Syalimaneseli wamanya cico, walanzile ukuti Hosyea alinzile ukulemwa nu kusumbilwa mu ng'anda yaminyololo.

Oseya 10:15

Mu musango uli umwi kwene avino vilamucitikila mwe ina Betele, pamulandu wa ukakasi winu ukulu. Lilyo kwene lino inkondo ilatandika, umwene waku Izlaeli nawe alakomwa.”

Oseya 10:3

Alino lyene yalavwanga yati, “Swemo tutakweti umwene pamulandu wakuti tutakweti icoopo kuli Yawe. Lelo nanti angala twakweti umwene uzye wene angatucitila cani?”

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Oseya 13:11

Mu ukali wane namupiile yamwene, nu mu cipyu cane imupoka nu kuyasenda.

Yuda 1:13

Yakolana na maimbi yamaka apali yemba, ni vicitwa vyao vyansonyi vikaloleka wa kufuluma kwi tomvu. Yakolana ni ntanda zikazeuluka. Antu yaa, Leza wayateyanyizizya icifulo ca mfinzi ikomesye iyape.