Oseya 10:13 - Amazwi Yakwe Leza 2013

¹³ Lelo mwemo mwakomile ukakasi, nu kuzombola inkota. Mwalya iviseekwa ukufuma mu ntumpu zinu. Pamulandu wakuti mwasintilile mu maka inu, nu mu wingi wa vita vinu,

Oseya 10:13 ပူးပေါင်းရင်းမြစ်များ

Yobo 4:8

Nemo vino nalola aevi: Yao akalima inkota nu kukomela imbezu ziipe, ali yano yakazombola uyi.

Masamu 33:16

Uwingi wa vita usipususya Umwene foo. Umucindami nawe, avivyo kwene, asiipususya uku maka yakwe foo.

Masamu 52:7

“Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Mapinda 1:31

Ale fwandi mulalya vino mwazombwile mweisikulu umu misango inu nu kwikuta amapange inu mweisikulu.

Mapinda 12:19

Amazwi ya cumi yakaikalilila umuyayaya, lelo ivyantumpu vyene visilengela.

Mapinda 13:2

Umuntu musuma akazangila mu miyele isuma, lelo iciwelewele cikaloota sile ulwete.

Mapinda 19:5

Kambone waufi yatalamupanya, nu muntu uwantumpu nawe kwene atalapusuka foo.

Mapinda 22:8

Katovya wa lufyengo, akasinza isyamo. Intuwa ya cipyu cakwe ilamupola aliwe kwene.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Ezaya 17:11

Lelo ivintu vino mungatemwamo ilelo nanti angala vingalemuka, nu kutuuta iluwa umu katondo, awe nce mutange mulole nanti acimwi icakuzombola. Uzombozi wa mwenemo ungamuletela sile ucuzi ni ntazi itangasila foo.

Oseya 11:12

Yawe akuti, “Aluko lwakwe Efulemu yanzinguluka nu ufi. Aina Izlaeli yakatumpoka wakwe cimwi. Aluko lwakwe Yuda nayo kwene yatiyamfutatila ne Leza, Wamuzilo wilya nupya uwacumi.”

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Oseya 4:8

Yene yakaya akama ukupitila mu kwifya kwa antu yane, nupya yakalonda ukuti antu yayo yalukulunda penepo ukwifya.

Oseya 7:3

Antu yasomba umwene uku vicitwa vyao viipe, ni vilolo vyakwe uku mapange yao aufi.

Oseya 8:7

“Aina Izlaeli lino yatovya umuza, yalazombola nkungulupya. Misakinta ya ngano itakweti imitwe, yene italaleta uzombozi wa vilyo. Kuko kuno ilaleta uzombozi uo, ainamasi yaya yalalya ivyakulya vivyo.

1 Samueli 24:14

Si lolini cino umwene wa ina Izlaeli akwezyanya ukukoma! Si lolini cino wene akuzinganya! Simbwa umufwe! Akalupantila!