Oseya 10:11 - Amazwi Yakwe Leza 2013

¹¹ Uku mpiti aluko lwakwe Efulemu yali wa ndama ino yatonsya ningo iyakulimila, nupya ino yatemwa ukupuula ingano. Acino ndakai namaizwika iyoko umu nsingo yakweyo iyembe, kuti iombe umulimo ukome. Nkasi kuti Yuda atucike, Yakobo nawe aume amazela.

Oseya 10:11 ပူးပေါင်းရင်းမြစ်များ

Ezaya 28:24

Kutaya umulimi nanti wenga akapelela sile ku kulima ivyalo vyakwe, mu kuvisankaula sile nu kulinganya umusili.

Yelemiya 28:14

Yawe Wamaka yonsi, Leza wakwe Izlaeli watavwanga ndi vino amakulika amakoli yavyela ku mitundu ii yonsi, nu kuti yatumikila umwene Nebukadineza waku Babiloni. Watavwanga nu kuti alaleka inyama zya mpanga nazyo kwene zyamutumikila.”

Yelemiya 46:20

“Eguputo ali wa kana ka ng'ombe, akandama akayembe. Lelo icizyembele caku kayeya camwizila.

Yelemiya 50:11

“Sansamukini, zangini mwemuno mwapokolwilwe caupyanyi cane! Cenini wa kana ka ng'ombe mu nyika ya mulemvwe, mulile wa mfwalasi zyaconsi.

Oseya 11:4

Nayapalamike kunondi uku luse nu kutemwa. Nayanyemwile nu kuyemekezya kwi tama lyane. Nakontime nu kuyimula.

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Oseya 3:1

Yawe wanenyile ati, “Yanga, nupya ukalange icitemwiko ku muci wako cizelele wino akucita ulenzyo nu monsi muze. Umutemwe wakwe vino Yawe watemwa aina Izlaeli, nanti angala yene yakaya ku kupepa tuleza tuze nu kutemwa ukupeela amawila ya mukate ku tuluwi.”

Oseya 4:16

Aina Izlaeli yakoma imyenzo, wa ana ya ng'ombe. Uzye lyene Yawe angayimula uli ndi vino akalisya ana ya mfwele mu nyika?

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Loma 16:18

Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii.

Malango 25:4

“Utanyepa masaye umulomo lino ukumuomvya kuti alyatole ingano pakupuula.