Oseya 1:9 - Amazwi Yakwe Leza 2013

⁹ Lyene Yawe anena Oseya ati, “Mutemele izina uti, ‘Asi antu yane,’ pano mwe ina Izlaeli musi antu yane, nani insi Leza winu.”

Oseya 1:9 ပူးပေါင်းရင်းမြစ်များ

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 20:3

Akatondo wanda walondelilepo, lino Pasyuli wasapula Yelemiya iminyololo, Yelemiya nawe ali pakumunena ati, “Yawe ataatemela wewe izina lyakuti Pasyuli, awe. Izina lino wakutemela ilyakuti ‘Magoli Misabibu’

Oseya 1:10

Lelo aina Izlaeli yalavula wa musensenga uwamu nkumba yakwe yemba, uno utangapimwa nanti kupendwa. Pali ndakai Leza akuyanena ati, “Mwemo musi antu yane,” lelo uwanda uliza lino wene alayanena ati, “Mwemwe ana yakwe Leza wa umi!”

Oseya 1:8

Pacisila lino Atatemwikwa walumuka, Gomeli akwata umwana namuze umonsi.

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”