Oseya 1:4 - Amazwi Yakwe Leza 2013

⁴ Lyene Yawe anena Oseya ati, “Umutemele izina lyakuti Yezileele, pano apacisila ca nsita inono sile nasya imvunuke ang'anda yakwe Yeu pamulandu wakuti wene wakomile antu avule uku Yezileele, nga ndalenga uwene wa Izlaeli ukwiza uku mpela.

Oseya 1:4 ပူးပေါင်းရင်းမြစ်များ

2 Yamwene 10:1

Lyene mu Samaliya mwatenzi amu mupanda wakwe Aabu aonsi ukufika ku mpendwa ya makumi cinimbali. Fwandi Yeu alemba amakalata aambulula pa mapepala alino atumila intunguluzi zyamu musumba wa Yezileele, ku yakalamba yamwi yamwi alino na kuli yakalinda yonsi ya ana yakwe Aabu. Avwanga ati,

2 Yamwene 10:17

Lino yafika ku Samaliya, Yeu akoma akazi kakwe Aabu yonsi asile kuku. Ayakoma wakwe muno Yawe wavwangile muli kasema Eliya.

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

2 Yamwene 15:8

Mu mwaka walenga amakumi yatatu na cinani uwa kuteeka kwakwe Azaliya umwene waku Yuda, Zakaliya umwana umonsi wakwe Yeloboamu wapilwe uwene wakuteeka mu Izlaeli. Nga wateesile mu Samaliya imyezi mutanda.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

Ezaya 8:3

Lyene inja kuli kasema umwanaci, nga nawe asenda indilwa nga aca avyala mwana monsi. Yawe nawe ali pakunena ati, “Mutemele izina lyakwe ‘Maeli Syalali Hasyi Bazi.’

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Yelemiya 20:3

Akatondo wanda walondelilepo, lino Pasyuli wasapula Yelemiya iminyololo, Yelemiya nawe ali pakumunena ati, “Yawe ataatemela wewe izina lyakuti Pasyuli, awe. Izina lino wakutemela ilyakuti ‘Magoli Misabibu’

Yelemiya 23:2

Ali cino fwandi Yawe, Leza wa ina Izlaeli, walanda pamulandu wakwe yakacema, yano yakacema umutundu wa antu yane, wati, “Mwatimuleka imfwele zyane zisalangane nu kululumba. Mutazisakamile foo. Lelo nemo nkumusakamala pamulandu wa vicitwa vinu viipe.

Yelemiya 3:8

Waweni nakuno nazinzile umutalami Izlaeli apamulandu wa uzelele wakwe. Namupiile na kalata uwakumuzingila. Lelo Yuda, kaci wakwe, cizelele muze, wene atoofile foo. Waya wacita icili conga kwene.

Ezekelo 23:10

Nayo yamuzula nu kumusya tupu, yamupoka ana aonsi na anaci, umweneco nawe yamukoma ku lupanga. Awe nawe alumbuka pa anaci yonsi mpanga yonsi yamamulandapo pali vino yamupezizye.

Ezekelo 23:31

Walondelelanga imisango yakwe nyokolenzi. Caleka nani kwene ndakufulilwamo.

Oseya 1:6

Gomeli nupya kwene asenda indilwa nga aca avyala umwana umwanaci. Lyene Yawe anena Oseya ati, “Umutemele izina uti, ‘Atatemwikwa,’ pano aina Izlaeli ntalayatemwa nupya nanti ukuyelela amaifyo yao.

Oseya 1:9

Lyene Yawe anena Oseya ati, “Mutemele izina uti, ‘Asi antu yane,’ pano mwe ina Izlaeli musi antu yane, nani insi Leza winu.”

Oseya 2:13

Ndamuvunuka pamulandu wakuti wene ocile ubani kuli Tubaali mu manda kwene yalya auzevyo. Wene waiyemvizye ni mbalaminwe nga ni viyembelo vya mutengo ukulu cuze, nga alondelela akambwe yakwe. Lelo nemo atanjiwisye, awe. Avino Yawe wavwanga.

Oseya 2:22

Umusili nao ulapela uzombozi wa ngano, waini mupya na mafuta, amatingi nga ni miolivi.

Oseya 9:17

“Leza wane alakana antu kwene yayo pamulandu wakuti yakana ukumuyela. Yalalulumba sile pakasi ka nko zyuze.”

Amosi 9:8

“Cumi kwene, ne Yawe Simwandalali, nkulolekesya apa wene ulya umuzile amaifyo. Ndonona uwene uo apa mpanga ya pansi. Lelo ntalalovya ang'anda yakwe Yakobo. Avino Yawe wavwanga.

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Luka 1:13

Lelo mungeli amunena ati, “Utoopa Zakaliya, pano ipepo lyako lyati lyuvwika. Muci wako Elizabeti alakuvyalila umwana umonsi, alino naawe ulamutemela izina uti a Yoane.

Luka 1:31

Lola, umasenda indilwa, ulavyala umwana umonsi, ulamutemela izina uti a Yesu.

Luka 1:63

Lyene Zakaliya ayalenga cakuti alembepo, nga alino alemba ati, “Izina lyakwe a Yoane.” Awe na antu yonsi yazunguka.

Yoane 1:42

Alino aleta Simoni kuli Yesu. Yesu amulolekesya, nga avwanga ati, “Wewe Simoni mwana wakwe Yoane, lelo umatemelwa izina Kefa.” (Kuli kuti Petulo nupya cikusenula “Iciliwe.”)

Yoswa 19:18

Impanga ino yapilwe yafisile ku Yezileele, nu ku Kesuloti, nu ku Syunemu,